အပိုင်း ( ၁ ) လူ့စွမ်းအားအရင်းအမြစ်စီမံခန့်ခွဲခြင်း မိတ်ဆက် ၄

( ဈ ) ဝန်ထမ်းလက်စွဲစာအုပ် ( Employee Handbook ) 

ကိုယ့်ကုမ္ပဏီ ၊ အဖွဲ့အစည်းအကြောင်းလဲ အတော်အသင့်သိပြီ၊ လက်ရှိအနေအထားတော်တော် များများကိုလည်းသိပြီဆိုပါတော့။ ဘာကစပြီး လုပ်ကြမှာလဲ။ ပထမဦးဆုံးစပြီး လုပ်သင့်တာကတော့ Employee Handbook စဆွဲဖို့ပါဘဲ။ Employee Handbook ဟာ ကုမ္ပဏီနဲ့ဝန်ထမ်းကြားက ကတိကဝတ်တစ်ခုဖြစ်ပါတယ်။ ကုမ္ပဏီနဲ့ဝန်ထမ်းတွေဘက်က တာဝန်ယူဆောင်ရွက်ပေးရမယ့်အပိုင်း တွေ၊ လိုက်နာဆောင်ရွက်ရမယ့် ကိစ္စရပ်တွေကို ဖော်ပြထားရမှာဖြစ်ပါတယ်။ အဲဒီတော့မှလဲ ဝန်ထမ်းတွေ အနေနဲ့ ကုမ္ပဏီမှာရှိတဲ့ 

အခြားအခြားသော ဝန်ထမ်းတွေနဲ့အတူတူ သာတူညီမျှမှုရရှိတယ်လို့ ခံစားရစေ မှာ ဖြစ်ပါတယ်။ Employee Handbook က ကုမ္ပဏီတစ်ခုအတွက် အင်မတန်ကိုအရေးကြီးထဲ့ အခန်းကဏ္ဍမှာ ရှိ ပါတယ်။ ဘာဖြစ်လို့လဲဆိုတော့ အဲဒီ Employee Handbook အထဲမှာ ကုမ္ပဏီက တာဝန်ယူမှုတွေနဲ့ ဝန် ထမ်းတွေရဲ့ရပိုင်ခွင့်တွေ၊ လိုက်နာဆောင်ရွက်ရမယ့်အချက်တွေ၊ တဘက်နဲ့တဘက်ထားရှိရမယ့်ကတိ ကဝတ် တွေ၊ Commitment တွေ ပါဝင်နေလို့ပါ။ ဒီနေရာမှာ သတိချပ်ဖို့တစ်ခုက Employee Handbook မရှိရင် ဘာအခက်အခဲတွေရှိလာနိုင်သ လဲ သိဖို့လိုပါတယ်။ ဝန်ထမ်းတွေအားလုံးဟာ ကုမ္ပဏီ ( ဒါမှမဟုတ် ) အဖွဲ့အစည်းတစ်ခုမှာ တာဝန်ထမ်း ဆောင်တဲ့အခါသူတို့ရဲ့အဓိကလိုအပ်ချက်က စီမံအုပ်ချုပ်တဲ့သူတွေရဲ့ တရားမျှတမှုဖြစ်ပါတယ်။ ခွင့်ယူတာ ပဲ ဖြစ်ဖြစ်၊ အခွင့်အရေးတစ်ခုခုရတာပဲဖြစ်ဖြစ်၊ အပြစ်ပေးအရေးယူခံရတာပဲဖြစ်ဖြစ် အားလုံးနဲ့တန်းတူပဲ ဖြစ်ချင်ကြပါတယ်။ တကယ်လို့ စီမံခန့်ခွဲတဲ့သူတွေက ဒီလူကတော့ဖြင့် 

လုပ်ငန်းရှင်နဲ့ ဘယ်လိုပတ်သက် လို့၊ သူကဘာမို့လို့ဆိုတဲ့ အကြောင်းအချက်တွေကို ထောက်ထားပြီး အဂတိလိုက်စားတယ်ပဲပြောပြော၊ ဘက်လိုက်တယ်ပဲပြောပြော မမျှမတဆုံးဖြတ်ခဲ့ရင် ဝန်ထမ်းတွေရဲ့မကျေနပ်မှုတွေပဲ ရရှိလာမှာအမှန်ပါပဲ။ ဥပမာ သာမန်ဝန်ထမ်းတစ်ယောက် ရုံးပျက်ပြီးခွင့်မတိုင်ရင် အဆူခံရ ၊ လစာအဖြတ်ခံရပြီး လုပ်ငန်းရှင်ရဲ့ အမျိုးခွင့်မတိုင်ရင် အရေးမယူတာမျိုးပေါ့။ မန်နေဂျာတွေက အားလုံးအတူတူပဲဆိုပြီးဆုံးဖြတ်လိုက်ပြန်ရင် လဲ ( တကယ်တော့ အဲဒီလိုဘဲလုပ်ရမှာဖြစ်ပေမယ့် ) လုပ်ငန်းရှင်ရဲ့ငြိုငြင်မှုခံရမှာကို စိုးရိမ်ကြမှာဓမ္မတာပါ။ အရာအားလုံးကို ဖြစ်ပျက်တဲ့အကြောင်းခြင်းရာပေါ်မူတည်ပြီး တခုချင်းလိုက်ဆုံးဖြတ်နေရင် ကျွန်တော်တို့ ငယ်ငယ်တုံးက သင်ခဲ့ရတဲ့ပုံပြင်လေးထဲကလို စာကလေးတကောင်လာလိုက် စပါးစေ့တစေ့ချီသွား လိုက်နဲ့ Never Ending Story ပြောပြနေသလိုပဲ ဖြစ်နေတော့မှာပါ။ အဲဒီတော့ Employee Handbook ရှိ တယ်ဆိုရင် ဒီစာအုပ်၊ ဒီ စည်းကမ်းစည်းမျဉ်းအရ အားလုံးကို တပြေးညီဆောင်ရွက်ဖို့မခက်တော့ဘူးပေါ့။ အငြိုငြင်ခံရမှာလဲ မစိုးရိမ်ရတော့ဘူးပေါ့။တခုသတိထပ်ပြီးပေးချင်ပါတယ်။ Employee Handbook ဆိုတာ Management Level က လူ တွေပဲလက်ထဲမှာကိုင်ထားတာ၊ သိနေရတာမဟုတ်ဘဲ လိုက်နာဆောင်ရွက်ရမယ့် ဝန်ထမ်းတွေအားလုံးသိ အောင် လုပ်ထားဖို့လိုတယ်ဆိုတဲ့အချက်ပါ။ ဖြစ်နိုင်ရင် ဝန်ထမ်းအသစ်တစ်ဦး အလုပ်စဝင်ကတည်းက ပေးထားသင့်တဲ့စာအုပ်ဖြစ်ပြီး အနည်းဆုံးတော့ တစ်ခေါက်စီဖတ်ပြီးသားဖြစ်သင့်ပါတယ်။ ကဲအဲဒီတော့၊ Employee Handbook စပြီးရေးပါပြီတဲ့။ ဘာကစရေးမှာလဲ။ ဘာအချက်တွေပါရမှာ လဲ ကြည့်ရအောင်ပါ။ 

( ည ) ဝန်ထမ်းလက်စွဲစာအုပ် ( Employee Handbook ) တွင်ပါဝင်သင့်သည့်အချက်များ 

များသောအားဖြင့် Employee Handbook ကိုကဏ္ဍအလိုက်အခန်းတွေခွဲပြီးရေးသားသင့်ပါတယ်။ ကဲစကြည့်ကြရအောင်။ ပထမဦးဆုံးကတော့ အခန်း ( ၁ ) နိဒါန်းပေါ့။ အဲဒီအခန်းမှာတော့ ကုမ္ပဏီ / အဖွဲ့အစည်း ရဲ့၊ Vision & Mission Statement တွေ၊ Core Values တွေ၊ Board of Director ရဲ့ ခံယူ ချက်တွေ၊ ဝန်ထမ်းများအပေါ်မှာထားရှိတဲ့သဘောထားတွေ ပါဝင်ရပါမယ်။ ဒါမှလည်း ဝန်ထမ်းတွေက ဒီ ကုမ္ပဏီမှာ အလုပ်ဝင်တဲ့အခါ ဘာတွေကို အလေးအနက်ထားလုပ်ဆောင်ရမယ်။ ကိုယ့်ကုမ္ပဏီက ဘယ် လမ်းကြောင်းကို သွားနေတယ်၊ ရှေ့ရည်မှန်းချက်တွေက ဘာတွေလဲဆိုတာ သိနိုင်မှာပေါ့။ အခန်း ( ၂ ) မှာကတော့ လက်ရှိကုမ္ပဏီရဲ့ ဖွဲ့စည်းပုံ Organization Chat ကို ထည့်သွင်းထားဖို့ လိုပါတယ်။ ဝန်ထမ်းတွေကို Level 

ဘယ်နှစ်ခုခွဲထားပြီး ဘယ်လိုရာထူး အခေါ်အဝေါ်တွေသုံးစွဲမယ်။ တခါ တရံမှာ အဲဒီလိုလုပ်ဖို့အခက်အခဲတွေရှိနေတတ်ပါတယ်။ ဘာဖြစ်လို့လဲဆိုတော့ တချို့ကုမ္ပဏီတွေမှာ လစာတွေကို ပုံစံအမျိုးမျိုးနဲ့ပေးထားတာတွေရှိတတ်လို့ပါ။ အဓိကကတော့ အခြေခံလစာကိုအခြေခံပြီး ရေးဆွဲရပါလိမ့်မယ်။ အဲဒါမှလဲ Chain of Command မှန်မှာပါ။ အခန်း ( ၃ ) မှာကတော့ ဝန်ထမ်းရွေးချယ်ခြင်း၊ ခန့်အပ်ခြင်းနဲ့သက်ဆိုင်တဲ့အပိုင်းပေါ့။ အဲဒီအ ပိုင်းမှာကတော့ ဝန်ထမ်းရွေးချယ်ခန့်ထားတဲ့အလုပ်ကို ဘယ်သူကလုပ်မယ်။ ဘယ်အဆင့်မှာဘယ်သူတွေ ကပဏာမရွေးချယ်ပြီးတော့ ဘယ်သူတွေက အပြီးသတ်ဆုံးဖြတ်ရွေးချယ်မယ်ဆိုတဲ့ကိစ္စတွေ၊ အလုပ်စဝင် တဲ့အချိန်ကစပြီး ဘယ်လိုတာဝန်တွေ ထမ်းဆောင်ရမယ်ဆိုတာပါတဲ့ Job Description နဲ့ပတ်သက်တဲ့ အချက်တွေ၊ ဝန်ထမ်းအဆင့်နဲ့အခေါ်အဝေါ်များ ခွဲခြားသတ်မှတ်ခြင်းများ ပါဝင်သင့်ပါတယ်။ နောက်အခန်း ( ၄ ) မှာကတော့ လုပ်ငန်းခွင်လမ်းညွှန်ပြုလုပ်ခြင်းနဲ့ အစမ်းခန့်အပ်ခြင်းဆိုင်ရာ ကိစ္စရပ် 

များနဲ့ပတ်သက်တဲ့စည်းမျဉ်းစည်းကမ်း၊ လုပ်ထုံးလုပ်နည်းတွေကိုဖော်ပြဖို့ပါ။ အဲဒီအခန်းမှာကတော့ ဝန်ထမ်းအသစ်တစ်ယောက် အလုပ်ခွင်ဝင်ရောက်လာပြီဆိုတာနဲ့ သူ့ကို ကုမ္ပဏီရဲ့ လက်ရှိလုပ်ထုံး လုပ်နည်း၊ 

ပေါ်လစီ၊ မူဝါဒတွေက ဘာတွေရှိတယ်။ ဌာနတစ်ခုချင်းက လက်ရှိ ဘယ်လိုတာဝန် တွေ ထမ်းရွက်နေတယ်ဆိုတာတွေကို MD ကဦးဆောင်ပြီး သက်ဆိုင်ရာဌာနခွဲအားလုံးရဲ့ အကြီးအကဲတွေ ဒါမှမဟုတ်လဲကိုယ်စားလှယ်တွေက ဘယ်လိုရှင်းပြသွားမယ်။ ဘယ်နှစ်ရက်လောက် အ ချိန်ယူရှင်းပြသွားမယ်ဆိုတာတွေ၊ ဝန်ထမ်းအသစ်တွေအတွက် ဘယ်နှစ်လအစမ်းခန့်ကာလထားမယ်။ ဘယ်အချက်တွေကို စောင့်ကြည့်အကဲဖြတ်သုံးသပ်ပြီး အတည်ပြုခန့်ထားမယ်ဆိုတဲ့အချက်တွေပါဝင်ရ မှာပေါ့။ အခန်း ( ၅ ) မှာကတော့ လစာနဲ့စရိတ်များ ဖြစ်ပါတယ်။ အဲဒီအခန်းမှာ ဝန်ထမ်းတစ်ဦး အလုပ်စ ဝင်လို့ ဘယ်ရာထူး၊ ဘယ် Level ကစဝင်ရင် လစာဘယ်လောက်ခံစားရမယ်။ တခြားဘယ်လိုခံစားခွင့် တွေ ရရှိမယ်။ ဘယ်နေ့၊ ဘယ်ရက်၊ ဘယ်အချိန် တွေမှာ လစာထုတ်ပေးမယ်၊ ဘယ်လိုအခြေအနေမျိုးမှာ လစာတိုးမြှင့်ခံစားရမယ်။ ဘယ်လိုအခြေအနေမျိုးမှာ ရာထူးတိုးမြှင့်ပေးမယ်ဆိုတဲ့အချက်တွေပါရမှာပေါ့။ အခန်း ( ၆ ) မှာကတော့ အလုပ်ဆင်းခြင်းနှင့်ပတ်သက်ပြီး ကုမ္ပဏီရဲ့အလုပ်ချိန်က ဘယ်အချိန်က ဘယ်အချိန်အထိဆိုတာတွေ၊ ဘယ်နေ့ကနေ ဘယ်နေ့ထိဆိုတာတွေ၊ ရုံးနောက်ကျရင် ဘာတွေဆောင် ရွက်ရမယ်။ ခွင့်ယူမယ်ဆိုရင် ဘာတွေဆောင်ရွက်ရမယ်။ 

အဲဒါတွေပျက်ကွက်မယ်ဆိုရင် ဘာတွေဘယ်လို အရေးယူဆောင်ရွက်သွားမယ်ဆိုတဲ့အချက်တွေ ပါရပါမယ်။ အခန်း ( ၇ ) မှာကတော့ အလုပ်နဲ့ပတ်သက်တဲ့ခံစားခွင့်တွေ ဖော်ပြသွားရန် ဖြစ်ပါတယ်။ ဒီအခန်း မှာ သတိထားဖို့က သက်ဆိုင်ရာက၊ နိုင်ငံတော်က ချမှတ်ထားတဲ့ ဥပဒေတွေကို သေချာလေ့လာသုံးသပ် ဖို့က HR မန်နေဂျာတွေရဲ့တာဝန်ဖြစ်ပါတယ်။ အဲဒီခွင့်တွေခံစားဖို့လိုအပ်ချက်တွေကဘာတွေလဲဆိုတာ ဖော်ပြပေးရပါမယ်။ ( သာမန်အားဖြင့်တော့ ဝန်ထမ်းတဦးဟာ လုပ်သက်ခွင့်၊ ရှောင်တခင်ခွင့်၊ဆေးခွင့်၊ လက်ထပ်ခွင့်၊ မီးဖွားခွင့်၊ ကရုဏာခွင့် (Compassionate Leave) လစာမဲ့ခွင့်တွေကို ခံစားရသင့်ပါတယ်။ ထူးခြားချက်အနေနဲ့ ရုံးစိုက်ရာဒေသရဲ့ ပြင်ပဒေသတွေကို သွားရောက်တာဝန်ထမ်းဆောင်ရတဲ့သူတွေ အတွက် Home Leave ထည့်သွင်း စဉ်းစားပေးသင့်တယ်။ INGO တစ်ချို့ဆိုရင် Maternity Leave အပြင် Paternity Leave ပါ ခံစားခွင့်ပေးတာတွေ့ရပါတယ်။ ပြီးတော့ ခွင့်တစ်ခုယူမယ်ဆို ဘယ်နှစ်ရက် ကြိုလျှောက်ရမယ်၊ ဘာတွေလုပ်သင့်သလဲ၊ ခွင့်လျှောက်တဲ့လုပ်ထုံးလုပ်နည်းတွေ၊ ဖော်ပြပေးသွားရမှာပါ။ နောက်ပြီး နှစ်စဉ်အများပြည်သူရုံးပိတ်ရက်တွေကို ထည့်သွင်းထားသင့်ပါတယ်။) ဒီနေရာမှာသတိထားသင့်တာလေးတခုပြောပြချင်ပါတယ်။ ကျွန်တော်တို့အမြဲရှင်းနေရတဲ့အရာတ ခုပါ ။ အဲဒါကဘာလဲဆိုတော့ ပိတ်ရက် ( ၂ ) ရက်ကြားမှာခွင့်ယူတဲ့ကိစ္စတွေပေါ့ ။ ဥပမာ တနင်းလာနေ့က ပိတ်တယ်၊ ကြာသပတေးနေ့က လဲပိတ်တယ်ဆိုရင် 

ဝန်ထမ်းတွေကကြား ( ၂ ) ရက်ကိုခွင့်ယူတတ်ကြ တယ်။ အဲဒါဆိုရင် ဘယ်လိုသတ်မှတ်မလဲ။ ခွင့်က ( ၂ ) ရက်လား ( ၄ ) ရက်လား။ လုပ်ငန်းရှင်တွေဘက် က ( ၄ ) ရက်လို့ သတ်မှတ်ချင်ကြပြီး ဝန်ထမ်းတွေဘက်က ( ၂ ) ရက်ပဲဖြစ်စေချင်ကြတယ်။ အဲဒါကြို ပြီး မသတ်မှတ်ထားလို့ကတော့ တော်တော်ရှင်းရနိုင်ပါတယ်။ နောက်တခုက ပိတ်ရက်ရဲ့ ရှေ့တစ်ရက်နဲ့ နောက်တစ်ရက်ကိုခွင့်ယူတာမျိုးတွေပေါ့။ နောက်တစ်ခုကတော့ ခွင့်ယူတဲ့အခါမှာဘယ်လိုခွင့်တွေကိုဆက်စပ်ပြီးယူခွင့်ရှိတယ်။ ဘယ်ခွင့်တွေ ကတော့ဆက်စပ်ပြီးယူခွင့်မရှိဘူး။ ဆက်စပ်ပြီးယူမယ်ဆိုရင်လည်း ဘယ်သူ့ခွင့်ပြုချက်နဲ့ဘယ်နှစ်ရက်ကြို ပြောရမယ်ဆိုတာတွေပါဝင်ရပါမယ်။ အခန်း ( ၈ ) မှာတော့ ကုမ္ပဏီ၏စည်းမျဉ်းစည်းကမ်းများနဲ့ အရေးယူဆောင်ရွက်ခြင်းအပိုင်း ဖြစ်ပါ မယ်။ ကုမ္ပဏီရဲ့စည်းမျဉ်းစည်းကမ်းတွေကို အသေးစိတ်ဖော်ပြရာမှာ 

( ၁ ) အကျင့်စရိုက်ဆိုင်ရာစည်းမျဉ်းစည်းကမ်းများ 

( ၂ ) အပြုအမူဆိုင်ရာ စည်းမျဉ်းစည်းကမ်းများဆိုပြီး ( ၂ ) ပိုင်းခွဲခြားဖော်ပြပေးသင့်ပါတယ်။ ပြီး အဲဒီ 

စည်းမျဉ်းစည်းကမ်းတွေကိုချိုးဖောက်လို့ အရေးယူဆောင်ရွက်မယ်ဆိုရင် အဆင့်ဆင့် ဘယ်လိုဆောင် ရွက်သွားမယ်ဆိုတာ ဖော်ပြပေးရပါမယ်။ ဥပမာ – ပထမအကြိမ်ချိုးဖောက်ရင် ဘယ်လို၊ ဒုတိယအကြိမ် ဆိုဘယ်လို၊ တတိယအကြိမ်ဆိုဘယ်လိုအရေးယူဆောင်ရွက်မယ်ဆိုတာတွေပါရပါမယ်။ ( အလုပ်ကတိုက် 

ရိုက်ထုတ်ပစ်ရမယ့်ကိစ္စရပ်တွေအတွက်လည်း ထည့်သွင်းရေးဆွဲထားရပါမယ်။) 

အခန်း ( ၉ ) မှာကတော့ အပေါ်ကအခန်း ( ၈ )ကစည်းကမ်းတွေချိုးဖောက်ခဲ့ လို့ အရေးယူဆောင် ရွက်တဲ့အခါမှာ ဝန်ထမ်းတွေဘက်ကတရားမျှ တမှုမရှိ ဘူးလို့ ထင်မြင်ယူဆခဲ့တယ်ဆိုရင် ဘယ်လိုတိုင်ကြား ဆောင်ရွက်နိုင်တယ်ဆိုတဲ့ ( Grievance Procedure ) တွေကိုဖော်ပြထားရပါမယ်။ အခန်း ( ၁ဝ ) မှာတော့ ဝန်ထမ်းတွေရဲ့ ဖွံ့ဖြိုးတိုးတက်ရေးနဲ့လေ့ကျင့်သင်ကြားပေးရေးနဲ့ သက် ဆိုင်တဲ့အကြောင်းတွေ ရေးရပါမယ်။ ဘယ်လိုအချိန်မျိုးမှာ ကုမ္ပဏီက လေ့ကျင့်သင်ကြားမှုတွေ ဆောင် ရွက်ပေးရမယ်။ အဲဒီလိုဆောင်ရွက်ရာမှာ 

ဘယ်လိုအခြေခံချက်တွေပေါ်မူတည်ပြီး ဆုံးဖြတ်မယ်ဆိုတာ တွေပါရမှာပေါ့။ ကုမ္ပဏီကပံ့ပိုးတဲ့ လေ့ကျင့်သင်ကြားပေးမှုတွေရယူပြီးတဲ့အခါမှာ ဝန်ထမ်းဘက်က ပြန် လည်ပေးဆပ်ရမယ့် Commitment တွေက ဘာတွေလဲပါရပါမယ်။ အခန်း ( ၁၁ ) မှာတော့ အလုပ်ကနေနှုတ်ထွက်ရင် လုပ်ဆောင်ရမည့်အချက်တွေနဲ့ အလုပ်မှ ထုတ် ပယ်ခံရနိုင်တဲ့အခြေအနေတွေမှာ ကုမ္ပဏီရဲ့တာဝန်ကဘာတွေ၊ ဝန်ထမ်းရဲ့တာဝန်ကဘာတွေ၊ ဝန် ထမ်းလျော့ချခြင်းနဲ့ ပတ်သက်တဲ့ကိစ္စရပ်တွေကို ဖော်ပြရပါမယ်။

 ဥပမာ – 

ဘယ်အဆင့်ဆိုရင် အလုပ်က ထွက်ချင်ရင် ဘယ်နှစ်လကြိုပြောရမယ်ဆိုတာမျိုးတွေ ၊ အလုပ်ထုတ်မယ်ဆိုရင် ကုမ္ပဏီဘက်က ဘာတွေ လုပ်ပေးရမယ်၊ ဝန်ထမ်းဘက်ကဘာတွေလုပ်ပေးရမယ်ဆိုတာမျိုးတွေ၊ ဝန်ထမ်းလျော့ချတဲ့အခါကျရင် ဘာ တွေလုပ်ရမယ်ဆိုတာတွေ ဖော်ပြပေးရမှာပါ။ အခန်း ( ၁၂ ) မှာကတော့ အခုနက ဖော်ပြခဲ့တဲ့ အခန်း ( ၁၁ ) ခန်းမှာမပါဝင်တဲ့အချက်တွေကို ဖော်ပြသွားရပါမယ်။ ဥပမာ ကိုယ်ရေးအချက်အလက်တွေကို ဘယ်လိုထိန်းသိမ်းထားမယ်၊ ကြေငြာချက် တွေ၊ အမိန့်တွေပြောင်းလဲတဲ့အခါ 

ဘယ်လိုပြုပြင်ပြောင်းလဲမှုလုပ်မယ်ဆိုတာတွေ၊ လုပ်ငန်းဌာနပြောင်း ရွှေ့တာဝန်ထမ်းဆောင်တာတွေ၊ 

စည်းမျဉ်းစည်းကမ်းအသစ်ထုတ်ပြန်တဲ့ကိစ္စတွေ၊ တူညီဝတ်စုံဝတ်ဆင် ခြင်း၊ ကွမ်းစားခြင်း၊ ဆေးလိပ်သောက်ခြင်း၊ ထမင်းစားခန်းအသုံးပြုခြင်း၊ ပြုမူနေထိုင်မှုနဲ့ပတ်သက်တဲ့ အချက်တွေ (ဝတ်စားဆင်ယင်မှုနဲ့ ပတ်သက်တဲ့အချက်တွေ ) ထည့်သွင်းရေးသားသင့်ပါတယ်။ ဒီလောက်ဆိုရင်တော့ Employee Handbook အကြောင်းနဲ့ဘယ်လိုရေးဆွဲရမယ်ဆိုတာ အကြမ်း ဖျင်းသိလောက်ပြီလို့ယူဆပါတယ်။ ဘာဆက်လုပ်ဖို့လိုမလဲ။ အရင်ဆုံးလုပ်ရမှာကတော့ Senior Management Team ကို ကိုယ်ရေးဆွဲထားတဲ့ Employee Handbook ကိုချပြပြီး အကြံဥာဏ်တွေ တောင်းကြည့် သင့်ပါတယ်။ ပိုပြီးကောင်းမွန်တဲ့ အကြံဥာဏ်တွေ၊ ရလာပါလိမ့်မယ်။သူတို့ဆီကရတဲ့ အကြံ ဥာဏ်တွေပေါင်းစပ်ပြီး လိုအပ်သလိုပြင်ဆင်မှုတွေလုပ်ပေးသင့်ပါတယ်။ ပြီးတာနဲ့ ဝန်ထမ်းတွေအားလုံးကို ဖြန့်ဝေဖတ်ရှုစေသင့်ပါတယ်။ အားလုံးဖတ်ပြီးသွားပြီဆိုရင်တော့ ဝန်ထမ်းအားလုံးနဲ့ တွေ့ဆုံပွဲကလေး လုပ်ပြီး သူတို့ရဲ့အကြံဥာဏ်တွေ၊ ထင်မြင်ယူဆချက်တွေ မေးမြန်းသင့်ပါတယ်။ ဘာလို့လဲဆိုတော့ ဘယ် သူမှလိုက်မလုပ်နိုင်တဲ့ကန့်သတ်ချက်တွေ၊ စည်းမျဉ်းစည်းကမ်းတွေချပြီး တယောက်မှလိုက်မလုပ်ကြရင် ကိုယ်လုပ်ထားသမျှ အလကား ဖြစ်သွားမှာစိုးလို့ပါ။ အဲဒါပြီးသွားပြီးဆိုရင် ကိုယ့်ရဲ့ ဒါရိုက်တာအဖွဲ့ ဒါမှမဟုတ် အုပ်ချုပ်မှုဒါရိုက်တာဆီတင်ပြပြီး အတည်ပြုချက်ရယူသွားလို့ရပါပြီ။ သူတို့ဆီကအတည်ပြုချက်ရ ပြီဆိုရင်တော့ အဲဒီအတိုင်းဆက်ပြီး အကောင်အထည်ဖော်သွားလို့ရပြီဖြစ်ပါတယ်။ Employee Handbook ရေးဆွဲရာမှာ တခုသတိထားရမှာက Employee Handbook ဟာ ကုမ္ပ ဏီတစ်ခုနဲ့တစ်ခုတူညီတာတွေရှိနိုင်သလို ကွဲပြားတာတွေလဲရှိနိုင်ပါတယ်။ အဓိကကတော့ ကုမ္ပဏီပိုင်ရှင် တွေရဲ့သဘောထား၊ လုပ်ငန်းရဲ့သဘောသဘာဝတွေအပေါ်မှာ အများကြီးမူတည်ပါလိမ့် မယ်။

 ( ဋ ) ရေးဆွဲသင့်သည့်မူဝါဒများ

 Employee Handbook ရှိရုံနဲ့ ကုမ္ပဏီအတွက် ပြည့်စုံလုံလောက်ပြီလားလို့မေးရင် လုံးဝပြည့်စုံလုံ လောက်ပြီလို့ပြောလို့မရပါဘူးလို့ဘဲပြောရမှာပါ။ ကုမ္ပဏီရဲ့လုပ်ငန်းသဘာဝကိုလိုက်ပြီး အခြားအခြား သော မူ ဝါဒတွေ ချမှတ်ဖို့လိုပါလိမ့်ဦးမယ်။ ဥပမာပြောရရင် 

( ၁ ) Phone အသုံးပြုခြင်းနှင့် ပတ်သက်တဲ့ Policy 

( ၂ ) အချိန်ပိုလုပ်ခဆိုင်ရာမူဝါဒ 

( ၃ ) ဝတ်စားဆင်ယင်မှုဆိုင်ရာမူဝါဒ 

( ၄ ) ကုမ္ပဏီမှခွင့်ပြု ပေးသောအဆောင်နေထိုင်ခြင်းနဲ့ ပတ်သက်တဲ့မူဝါဒ 

( ၅ ) IT နဲ့ပတ်သက်တဲ့မူဝါဒ 

( ၆ ) လစာ /ရာထူး တိုးမြှင့်ခြင်းနှင့်သက်ဆိုင်သော မူဝါဒ ( ၇ ) ခရီးသွားခြင်းနဲ့ပတ်သက်တဲ့မူဝါဒ 

( ၈ ) ကုမ္ပဏီရဲ့အစီအစဉ်နဲ့ ကိုယ်ရေးကိုယ်တာကိစ္စရပ်အတွက် ခရီးသွားခြင်းဆိုင်ရာမူဝါဒ ( Concession Policy )

 ( ၉ ) ခွင့်ဆိုင်ရာမူ ဝါဒစတာတွေလိုအပ်ပါလိမ့်မယ်။ အခုပြောခဲ့တာတွေအားလုံးကပြည့်စုံတယ်လို့ပြောလို့မရပါဘူး။ ကုမ္ပဏီ တခုနဲ့တခုမတူညီနိုင်တဲ့အတွက်ကိုယ့်ကုမ္ပဏီအတွက်လိုအပ်ချက်အပေါ်မူတည်ပြီး နောက်ထပ်မူဝါဒ တွေ ထပ်ဆွဲရဦးမှာပါ။ 

( ၁ ) Phone အသုံးပြုခြင်းဆိုင်ရာမူဝါဒ။ ဒီမူဝါဒဟာအထူးသဖြင့် ကုမ္ပဏီကနေ ဝန်ထမ်းအချို့ကို Phone အသုံးပြုခွင့်ပေးလေ့ရှိတဲ့အခါ ရှိကိုရှိရမယ့် မူဝါဒဖြစ်ပါတယ်။ ဘယ်လိုအချိန်မှာ ဖုန်းကိုပေးထား မယ် ရုံးချိန်အတွင်း ရုံးမှာပဲသုံးရမယ်။ အိမ်ကိုပေးသုံးမယ်။ ရုံးကိစ္စပဲ ခေါ်ခွင့်ပြုမယ်။ Personal ကိစ္စပါသုံး ခွင့်ပြုမယ်။ နောက်ပြီးတဦးကို တလအတွက် ဖုန်းပြောခဘယ်လောက်ခွင့်ပြုမယ်ဆိုတာတွေ ပါရပါလိမ့် မယ်။ 

( ၂ ) အချိန်ပိုလုပ်ခဆိုင်ရာမူဝါဒ။ ဒီမူဝါဒမှာကတော့ အချိန်ပိုခံစားခွင့်ရှိတာဘယ်သူတွေ၊ ဘယ်သူတွေကခံစားခွင့်မရှိဘူး။ အချိန်ပိုကို ဘယ်အချိန်တွေကိုသတ်မှတ်တယ်။ အချိန်ပိုဆင်းရင် ဘယ်လို မှတ်တမ်းတွေထားရမယ်။ ဘယ်သူ့ထောက်ခံချက်တွေလိုမယ်။ ဘယ်အချိန်မှာ အချိန်ပိုလုပ်ခထုတ်ပေး မယ်။ အချိန်ပိုလုပ်ခ နှုန်းထားတွေက ဘယ်လိုဆိုတာတွေပါရပါမယ်။ 

( ၃ ) ဝတ်စားဆင်ယင်မှုဆိုင်ရာမူဝါဒ။ ဒီမူဝါဒမှာကတော့ ကုမ္ပဏီမှာယူနီဖောင်းဘယ်နှစ်မျိုးရှိ တယ်။ ဘယ်အဆင့်တွေအတွက် ဘယ်လိုယူနီဖောင်း သတ်မှတ်တယ်။ ယူနီဖောင်းကို ဘယ်အချိန်တွေ မှာ ဘယ်နှစ်စုံထုတ်ပေးထားမယ်။ အဲဒီယူနီဖောင်းတွေဟောင်းနွမ်းပျက်စီးသွားရင် ဘယ်လိုဆက်လုပ်ရ မယ်ဆိုတာတွေ ယူနီဖောင်းကိုဘယ်အချိန်တွေမှာဝတ်ဆင်ရမယ်။ သတ်မှတ်ယူနီဖောင်းမဝတ်ဆင်ရင် ဘယ်လိုအရေးယူဆောင်ရွက်သွားမယ် ဆိုတာတွေ ပါရပါမယ်။ 

( ၄ ) အဆောင်နေထိုင်ခြင်းဆိုင်ရာမူဝါဒ။ ဘယ်သူတွေကိုအဆောင်နေခွင့်ပေးမယ်။ အဆောင်မှာ နေ ရင် ဘာတွေခံစားခွင့်ရရှိမယ်။ ဘာစည်းကမ်းတွေ လိုက်နာရမယ်။ အဆောင်နေခွင့်ကို ဘယ်သူတွေက တဆင့်လျှောက်ထားရမယ်။ 

အဆောင်စည်းကမ်းတွေဖောက်ဖျက်ရင် ဘယ်လိုအရေးယူခံရမယ်ဆိုတာတွေ ပါရပါလိမ့်မယ်။ 

( ၅ ) IT မူဝါဒ။ ဘယ်လိုလူတွေကို ကွန်ပျူတာအသုံးပြုခွင့်ပေးမယ်။ ကွန်ပျူတာတွေကို ဘယ်လို ထိန်းချုပ်ထားမယ်။ ဘယ်လိုဝက်ဆိုက်တွေကို ကြည့်ခွင့်မပေးဘူး၊ ဒါမှမဟုတ်ကြည့်ခွင့်မရှိဘူး။ ဘယ်လို ကိစ္စအတွက်ပဲ ကွန်ပျူတာကို အသုံးပြုခွင့်ပေးမယ်။ Internet အသုံးပြုခွင့်ပေးရာမှာ ဘယ်သူတွေကိုအ သုံးပြုခွင့်ပေးမယ်ဆိုတာတွေ ပါရပါလိမ့်မယ်။ 

( ၆ ) လစာရာထူးတိုးမြှင့်ခြင်းနဲ့သက်ဆိုင်သောမူဝါဒ။ လစာနှုန်းထားတွေကို ဘယ်လိုသတ်မှတ် မယ်။ ဘယ်လို အချိန်မှာ လစာ/ရာထူးတိုးခွင့် ခံစားခွင့်ရှိမယ်ဆိုတာတွေ ပါရပါလိမ့်မယ်။ 

( ၇ ) ခရီးသွားခြင်းဆိုင်ရာမူဝါဒ။ ခရီးသွားတဲ့အခါမှာ ဘာတွေ ခံစားခွင့်ရရှိမယ်။ဘာတွေမလုပ်ရဘူး။ ဘာတွေသုံးလို့ရတယ် ။ဘယ်အသုံးစရိတ်တွေကို ကုမ္ပဏီကကျခံမယ်ဆိုတာတွေ ပါရပါလိမ့်မယ်။ 

Credit : ဆရာမင်းခေါင် (AMARA)