လွတ်လပ်စွာသဘောကွဲလွဲခြင်း၊ ငြင်းခုံခြင်းနှင့် ရန်ဖြစ်ခြင်း

“ခြေဥ” ပြင်ရေး အစပျိုးမှုမှသည် မြေပြင်နိုင်ငံရေး၊ အွန်လိုင်းနိုင်ငံရေးတို့ ပို၍ သွက်လက်လာခဲ့၏။ Dynamic ဟူသော အဆင့်ဖြင့် သွက်လက်လာခြင်း သည်ကောင်းသောလက္ခဏာ ဖြစ်သော်လည်း၊ ထိုထက်လွန်၍ Fragility ဟူသော အလွယ်တကူ ပေါက်ကွဲပျက်စီးနိုင်သည့်အဆင့်သို့ ရောက် လျှင်သော် မြန်မာ့နိုင်ငံရေး အနာဂတ်ကို အကောင်းမြင်၍ ရနိုင်မည် မဟုတ်ချေ။ နိုင်ငံရေးယဉ်ကျေးမှုအသစ်တွင်ရင့်ကျက်ချိန်နှင့် နုနယ် ချိန် ဆောင်ရွက်ပုံဆောင်ရွက်နည်း တစ်ထပ်တည်းကျနိုင်မည်မဟုတ်ကိုမူ ကြီးစွာသတိထားမိကြရန် လိုသည်ဟုမြင်သည်။

လွတ်လပ်စွာ သဘောကွဲလွဲခြင်း

မြန်မာ့နိုင်ငံရေးစနစ် ပြောင်းတော့မည်ဟုမိုးဦးရနံ့သင်းသည်နှင့်ဒီမိုကရေစီအခြေခံ သဘောတရားပါသော အသုံးအနှုန်းတို့ကို စာရေးဆရာများစွာက မိတ်ဆက်ပေးခဲ့ကြပါ၏။ ထိုများလှစွာသော အသုံးတို့တွင် Agree to disagree ဟူသောသဘောကွဲလွဲခွင့်တစ်ခုပါခဲ့သည်။ ဒီမိုကရေစီ ယဉ်ကျေးမှု ပို၍အမြစ်စွဲလေ လူ့အဖွဲ့အစည်းတွင် လွတ်လပ်စွာသဘောကွဲလွဲသည့် လက္ခဏာပို၍ထင်ရှားလေဖြစ်သည်။ လက်အတိုအရှည်ပင်မညီသည်ဖြစ်၍ “စိတ်” များစွာဖြင့်ဖွဲ့စည်းထားသော လူ့အဖွဲ့အစည်းတစ်ရပ်တွင်အမြင်မတူနိုင် ကြမည်မှာ အဆန်းမဟုတ်၊ လွတ်လပ်စွာ သဘောကွဲလွဲခွင့်တွင် တစ်ဦးချင်းဖြစ်က ကိုယ့်လမ်းကိုယ်လျှောက်နိုင်ပါသည်၊ အဖွဲ့အစည်းဖြစ် ပါက “ညှိနှိုင်းမှု” အပေါ်အခြေခံပါသည်။ နှစ်ဖက်ရပ်တည်ချက်တို့ကို အနည်း ငယ် လျှော့ပေါ့ပေးကြရသည်။ဘုံသဘောတူညီချက်ရသောအခါအကောင် အထည်ဖော်သည့်အဆင့်၌ ကြိုက်သည်ဖြစ်စေ၊ မကြိုက်သည်ဖြစ်စေ၊ အတွန့် တက်ရန်မလိုတော့၊ ညှိနှိုင်းသဘောတူပြီးဖြစ်၍လက်ညှိုးမထိုးကြတော့ဘဲ အားလုံးက တက်ညီလက်ညီ အကောင်အထည်ဖော်ကြရသည်။

၂၀၁၃-တွင်အမေရိကန်၌သမိုင်းတွင် Government shutdown ဟူ၍ကြီးကြီး မားမားသဘောကွဲလွဲခဲ့သည့် ဖြစ်ရပ်နှင့် နောက်ဆုံးဖြစ်စဉ်ကို စဉ်းစား ကြည့်နိုင်သည်။ အစဦးတွင် ဒီမိုကရက်ရော၊ ရီပတ်ဘလီကန်ရော မည်သူမျှ အလျှော့မပေးခဲ့၊ သို့နှင့် အစိုးရ၏ ယန္ဒရားအစိတ်အပိုင်းအချို့ စတင်ရပ်နားခဲ့ လိုက်ရပါသေးသည်။ နောက်ဆုံးအမေရိကန်လူမျိုး၊ အမေရိကန်နိုင်ငံနှင့် အမေရိကန်သမိုင်းကို အကျိုးစီးပွားတစ်ခုအနေဖြင့် နှစ်ဖက် ရပ်တည်နိုင် ကြသည့်အခါ ထိုပြဿနာပြေလည်သွားခဲ့သည်။ လွတ်လပ် စွာသဘော ကွဲလွဲခြင်းတွင်ဘုံအကျိုးစီးပွားကိုအခြေခံပါသည်၊ ကြီးကြီး ကျယ်ကျယ်ဆို လျှင် နိုင်ငံနှင့်လူမျိုး အကျိုးစီးပွားကို အခြေပြုပါသည်။ မိမိတို့ရပ်တည် ချက်မှလျှော့ပေါ့ပေးကြရသည့်သဘောရှိသည်။ ဆွေးနွေးမှု၊ ညှိနှိုင်းမှုကို အခြေခံခြင်းသည် လွတ်လပ်စွာသဘောကွဲလွဲခွင့်၏ အနှစ်သာရ ဖြစ်၏။ စားပွဲဝိုင်းပေါ်မထိုင်မီ “ဘယ်လောက်မှမရလျှင် လက်မခံဘူး” ဟူသည့် တစ်ဖက်ကိုအလွန်အမင်းအကျပ်အတည်းဖြစ်စေမည့် တောင်းဆိုမှုမျိုး မရှိတတ်၊ မရှိသင့်။

မြန်မာ့နိုင်ငံရေး အကူးအပြောင်းပြုတော့မည်ဟု အရိပ်အယောင် များစတင် ထွက်ပေါ်မလာခင်မှာပင်ယဉ်ကျေးမှုသစ်၏မိတ်ဆက်အနေ ဖြင့်စာမျက်နှာပေါ်တွင် လွတ်လပ်စွာသဘောကွဲလွဲခဲ့ကြပြီးဖြစ်သည်။ နှစ်ပေါင်း(၂၅) နှစ်လုံးလုံး လည်းလက်တွေ့မြေပြင်နိုင်ငံရေးတွင်လွတ်လပ်စွာ သဘောကွဲလွဲခဲ့ကြပြီးဖြစ် သည်။ နိုင်ငံရေးပါတီများ တရားဝင်တည်ထောင်ခွင့်ရှိသည့်အချိန်မှစ၍ လွတ်လပ်စွာထုတ်ဖော်ခွင့်ကိုအခြေခံကာ ထင်သာမြင်သာရှိသော လွတ်လပ် စွာသဘောကွဲလွဲခွင့်ကိုနေရာအနှံ့ ပြသခဲ့ပြီးဖြစ်သည်။ ထိုမှသည်စေ့စပ် ညှိနှိုင်းမှုများဖြင့်လွှတ်တော်တွင်းသို့ ၀င်ရောက် သင့်သူတို့ဝင်ရောက်ခဲ့ကြပြီး၊ လွတ်လပ်စွာသဘောထားကွဲလွဲခွင့်ကို လွှတ်တော်နိုင်ငံရေးအပေါ်အခြေခံ၍ ဒီမိုကရေစီယဉ်ကျေးမှု ဆက်လက်ရင့် သန်ရန် ဆောင်ရွက်နေကြဆဲဟု သဘောပေါက်ထားပါသည်။

ငြင်းခုံခြင်း
တစ်ဆင့်တက်အခြေအနေဖြစ်ပါသည်။ လွတ်လပ်စွာသဘောထား ကွဲလွဲရာ တွင် စေ့စပ်ညှိနှိုင်းဆွေးနွေးခြင်းဖြင့် အဖြေရှာရသည်ဟုဆိုခဲ့ပြီး ဖြစ်သည်။ အချို့သောကိစ္စရပ်များတွင် အယူအဆ၊ သဘောတရားရေးရာ၊ အနာဂတ် အကျိုးတို့ကို ရှုထောင့်ဆန့်ကျင်မြင်သိ လက်ခံထားလွန်းလျှင် ငြင်းခုံဆင့် သို့ ရောက်တတ်သည်လည်းရှိနိုင်ပါသည်။ Debate အဆင့်ဟု တင်စားနိုင် ပါလိမ့်မည်။ တစ်ဖက်ဖက်မှကျိုးကြောင်းဆီလျော်မှုမည်မျှရှိခြင်း၊ အနာဂတ် အမြင် Vision ကောင်းကို တင်ပြနိုင်ခြင်း၊ မည်မျှအများအကျိုး အ လတွက် ရောင်ပြန်ဟပ်နိုင်ခြင်းကိုအခြားတစ်ဖက်မှ လက်ခံစဉ်းစားသင့် သည်။ ကျိုးကြောင်းဆီလျော်လျှင် လက်ခံပေးသင့်၏။ Brain Storming အပြင် Heart Storming လည်းလိုက်ပါသင့်၏။ အဖွဲ့အစည်းတို့၏ အကျိုး စီးပွားထက်ပို၍ကြည့်ရှုလက်ခံနိုင်လျှင် လက်မခံနိုင်စရာမရှိ။

မြန်မာ့နိုင်ငံရေးသမိုင်းကို ခပ်ကြမ်းကြမ်းကြည့်လျှင်ပင် ငြင်းခုံမှုတို့နှင့် ကင်းလွတ်သည်ကိုမရှိခဲ့ကြောင်း တွေ့ရသည်။ စေ့စပ်ညှိနှိုင်းမှုအဆင့်၊ ထိုယဉ်ကျေးမှုများစွာပါးလျခဲ့သည်။ အမှန်တကယ်က ဆွေးနွေးညှိနှိုင်းမှု များများ၊ ငြင်းခုံမှုနည်းနည်းဖြစ်သင့်၏။ ယခုတွေ့ရသည်က ငြင်းခုံမှုများ များ၊ ဆွေးနွေးညှိနှိုင်းမှုနည်းနည်းဟူ၍ အချိုးပြောင်းပြန်ဖြစ်နေသည်။ နောက် တစ်ဆင့်ဖြစ်သော “ပေါက်ကွဲဆင့်” ဟူသည် “ရန်ဖြစ်ခြင်း” တစ်နည်း၊ “ရန်-ငါ”ခွဲအဆင့်သို့ဦးတည်စေသောအချင်းအရာမှာ“စားပွဲခုံပေါ်၌ ငြင်းခုံခြင်း” မျိုးမဟုတ်ဘဲ၊ လေထဲမှငြင်းခုံနေကြခြင်း၊ အွန်လိုင်းမှ ငြင်းခုံ နေကြခြင်းဖြစ် သည်။ Physical Contact ဟူသောတစ်ဦးနှင့်တစ်ဦးမထိတွေ့ကြဘဲ၊ လေ လှိုင်း မှငြင်းခုံခြင်းသည် escalating ဟူသောသဘောထားကွဲမှုကို ပို၍ တိုးတက်မြင့်မားစေပါသည်။

နိုင်ငံရေးဟူသည်မှာဖိအားပေးကစားပွဲ(Pressure game) ဖြစ်သည် မှန်သော်လည်း ကိုယ်ပေးသောဖိအားများကမပေးတတ်၊ မသုံးတတ်လျှင် ကိုယ့်အတွက်ပြန်၍ အကျပ်အတည်း (Threat) ဖြစ်လာတတ်ပါသည်။ ကြမ်းကျွံနုတ်ရလွယ်သော်လည်း “စကားကျွံနုတ်မရ” ဟူသော မြန်မာ့ စကားပုံရှိနေပါသည်။ ထိတွေ့မှုမရှိသော ငြင်းခုံမှုသည် ပြဿနာကို ပို၍ တိုးပွားစေသည်ကို သတိထားသင့်သည်ဟုယူဆသည်။

ရန်ဖြစ်ခြင်း
ပေါက်ကွဲဆင့်ဖြစ်၍ ပေးဆပ်မှုများတတ်သည်၊ ရန်တစ်ခါဖြစ်ဖူးလျှင် နောက် တစ်ခါရန်ဖြစ်ရန် ၀န်မလေးတတ်တော့သည့်သဘောကို မမေ့သင့်၊ ရန်ဖြစ် ဆင့်ဖြစ်၍ “ရန်-ငါ” မခွဲပါဘူးဟု နှုတ်ကဆိုလျှင်ပင် လက်တွေ့တွင် ခွဲခြား ထားပြီးဖြစ်သည်။ Conflict Resolution ဟူသောပဋိပက္ခဖြေရှင်းခြင်း တွင် ယေဘုယျအဆင့် (၃) ဆင့်သတ်မှတ်ထားသည်။
- Skirmishes
- Confrontation
- Full-scale war ဟူ၍ဖြစ်သည်။
ပထမအဆင့်မှာတိုက်ပွဲငယ်အဆင့်၊ ပဋိပက္ခငယ်အဆင့် (သဘောထားကွဲ လွဲခွင့်) ဖြစ်ပြီး၊ နိစ္စဓူဝ တွေ့နေရတတ်သည်။ ဒုတိယအဆင့်မှာ တစ်ချိန် က မြန်မာ့နိုင်ငံရေးတွင် ရေပန်းစားခဲ့သော စကားလုံးဖြစ်သည့် Confrontation ဟူသောအဆင့်ဖြစ်သည်။ ထိုအဆင့်သည်ထိပ်တိုက်တွေ့ သည့်အဆင့်ဖြစ်၍ကုစားရမှုပို၍ကြီးမားသည်။ တစ်ခါတစ်ရံမှဖြစ်တတ် သော သဘောရှိသဖြင့် ထိုအဆင့်ကို မဖြေရှင်းနိုင်လျှင် နောက်တစ်ဆင့် ပေါက် ကွဲဆင့် ဟူသော ပေးဆပ်မှုကြီးမားသည့်အဆင့်သို့ရောက်သည်၊ ဤ အဆင့် အထိ တွေ့ဆုံညှိနှိုင်းမှုဖြင့်အဖြေရှာနိုင်သည်။ Debate လုပ်ခြင်းဖြင့် ထွက်ပေါက်တစ်ခုရှာဖွေနိုင်သည်။ နောက်ဆုံးအဆင့်မှာ Full-scale War ဟူသောရွက်ကုန်လွှင့်တိုက်ပွဲဖြစ်သည်။ မည်သို့ နှုတ်ကပြောစေကမူ “ရန်-ငါ”ကို အလိုအလျောက်သတ်မှတ်ပြီးသားဖြစ်နေတတ်သည်။ ပေးဆပ်မှု ကြီးမားမည်၊ ‘Win-win’ အခြေအနေမရတတ်တော့၊ Zero Sum Game ဟူသော သုညကြွင်းအဖြစ် နိဂုံးချုပ်သည်။ ဤအဆင့်ဖြစ်ပြီးလျှင် ရှုံးနိမ့်သူ အနေဖြင့် နလန်မထူတော့သည့်ပြင် အောင်နိုင်သူမှာလည်း “နိုင်ကြက်” ဖြစ် ၍ထပ်မံညှိနှိုင်းမှုကိုလက်မခံတတ်တော့သည့်သဘာဝရှိသည်ကို အထူး သတိပြုရန် လိုပါလိမ့်မည်။

မြန်မာ့မြေပြင်နိုင်ငံရေးတွင်တစ်ခါတစ်ခါတင်းမာမှုများ တွေ့နေရပါသည်။ လေလှိုင်းနိုင်ငံရေး သို့မဟုတ် အွန်လိုင်းနိုင်ငံရေးတွင်မူကား ပေါက်ကွဲဆင့် သို့ ရောက်နေလေပြီ၊ စစ်ဆင်ရေးတစ်ခုသဖွယ် တစ်ဖက်နှင့် တစ်ဖက်အပြတ် အသတ်ဆင်နွှဲနေကြသည်။ ပေါက်ကွဲဆင့်ထက်ပင်ဆိုးရွားစွာ စကားလုံး၊ အကြမ်းအတမ်းများ သုံးစွဲလာသည်ကိုပင်တွေ့ရ၏။ ထို လေလှိုင်းနိုင်ငံရေး ၏ဂယက်က မြေပြင်နိုင်ငံရေးအပေါ် သက်ရောက်မှု အထူးရှိနေသည်ကို သတိထားထိန်းချုပ်ကြရန်လိုသည်။

မြန်မာ့နိုင်ငံရေးအခင်းအကျင်းသစ် သည် နှစ်နှစ်ကျော်ကာလသို့တိုင် တည်ငြိမ်စွာရွေ့လျားနေရာမှ “ခြေဥ” ပြင် ဆင်ရေး မိတ်ဆက်ခဲ့ သည်မှ စ၍ လေနီကြမ်းတိုက်ကာ တင်းမာမှုအဆင့် တဖြည်းဖြည်း တိုးပွားလာသည် ကို တွေ့ရပါ၏။ “ခြေဥ” အသစ်ရေးဆွဲရ မည်ဟု လေသံပြုခြင်းသည် အခြား တစ်ဖက်ကို ကြီးမားသောရာဇသံဖြင့် လှုပ်နှိုးလိုက်သလို ဖြစ်နိုင်ကောင်းခဲ့ သည်၊ နောက်ပိုင်းပြည်သူ့သဘောထား ဆန္ဒဟူ၍ဖြစ်လာပြီး၊ ပြင်ဆင်ရေး ဘက်ဦးတည်သွားသည်။ နိုင်ငံရေး တင်းမာမှုအထိုက်အလျောက် လျော့ပါး လာသည်ဟု အမှတ်သညာ ထားလိုက်ရုံရှိပါသေးသည်။ ပုဒ်မ ၅၉ (စ) က တင်းမာမှုကို ရုတ်တရက် အရှိန်မြှင့်ပေးလိုက်သလို ဖြစ်သွားပြန်သည်။ မှန်သည်မှားသည်၊ ဖြစ်သင့်သည်၊မဖြစ်ထိုက်ပါဟု ဝေဖန်မှတ်ချက်ပေးလိုခြင်း မရှိပါ၊ မည်သို့ဆိုစေ ပြည်သူ သန်း(၆၀)မှ ကိုယ်စားလွှဲထားပြီးဖြစ် သော လွှတ်တော်ကိုယ်စားလှယ်များ၏ အများသဘောတူ ဆန္ဒအရသာ ဖြစ်လာ ပါလိမ့်မည်။ ဖွဲ့စည်းပုံအခြေခံဥပဒေပြင်ဆင်ရေး၊ ဖက်ဒရယ်ကိစ္စ ရပ်များ သည် လေးနက်ပြီးများစွာစဉ်းစားအချိန်ပေးရမည့် issue များဖြစ်သဖြင့် ယခု သက်တမ်းအတွင်း ပြီးစီးအောင် ဆောင်ရွက်နိုင်ရန်လွန်စွာ ခက်ခဲပါလိမ့်မည် ဟုဆောင်းပါးအချို့တွင် ထည့်သွင်းရေးသားခဲ့ပြီးဖြစ်ပါ သည်။ ထိုကိစ္စတို့တွင် လွတ်လပ်စွာသဘောကွဲလွဲနိုင်ခွင့်များရှိနေပါသည်၊ နိုင်ငံနှင့်လူမျိုး၏ အနာ ဂတ်အရေးဖြစ်သဖြင့်ကျယ်ပြန့်နိုင်သလောက်ကျယ်ကျယ်ပြန့်ပြန့် ဆွေးနွေးနိုင် ကြရန်လိုပါသည်။ လက်နက်ကိုင်များ ငြိမ်းချမ်းရေးဆွေးနွေးပွဲမှာ မှန်မှန်တိုး တက်မှု ရရှိနေပါ၏။ ကွဲပြားခြားနားသော (၁၇)ဖွဲ့နှင့် ညှိနှိုင်းရသောပွဲဖြစ်ပါ၏။ ဖွဲ့စည်းပုံအခြေခံဥပဒေ ပြင်ဆင်ရေးတွင် လက်နက်ကိုင်ငြိမ်းချမ်းရေးလောက် အဖွဲ့ကွဲများ-များပြား မည်မဟုတ်ပါ၊လက်နက်မကိုင်သောကလောင်ကိုင်များ သာဖြစ်ကြပါသည်။

မြန်မာတို့နိုင်ငံရေးယဉ်ကျေးမှုသစ်ကို ကျင့်သုံးလာသည့် နှစ်နှစ်ခွဲ ကာလ အ တွင်းကန်ရေပြင်တည်တည်ငြိမ်ငြိမ်ရှိနေခဲ့ပါ၏။ “ခြေဥ” ပြင်ဆင် ရေးကြောင့် တည်ငြိမ်နေသော ကန်ရေပြင်တွင်း ခဲမကျစေလိုပါ၊ “ခြေဥ” ပြင်ဆင်ရေး သည် မြန်မာ့နိုင်ငံရေးအနာဂတ်အတွက် စနက်တံလည်း မဖြစ်သင့်ဟု ယူဆပါသည်။ နိုင်ငံရေးသည်ပါဝါဂိမ်းဖြစ်သဖြင့် အကဲဆတ်လှပါသည်၊ ထိလွယ်ရှလွယ် ဖြစ်လွန်းပါသည်၊ (၂၀၁၃) နှစ်ကုန်ခါနီးနှင့် (၂၀၁၄)အစတို့ ၏ ဖြစ်စဉ်များကိုလေ့လာလျှင်မြန်မာ့နိုင်ငံရေး မိုးလေ၀သ တစ်စုံတစ်ရာ အုံ့မှိုင်းလာသည်ဟုယူဆနိုင်ပါသည်။ ဦးတည်ချက်အပြောင်း အလဲတို့ ကိုတွေ့နေရပါသည်။ မိုးသက်လေပြင်းတို့၏ လက္ခဏာကိုလည်း ခပ်ပါးပါး စတင်တွေ့နေရသည်ဟု မြင်ပါသည်။ မြေပြင်နိုင်ငံရေး၏ လားရာ အပြောင်း အလဲတချို့ကိုစ၍သတိထားမိသည်နှင့်အတူ လေလှိုင်း နိုင်ငံရေးမှာလည်း မီးတောင်များအဆင့်လိုက်ပေါက်ကွဲနေသည့်ပမာ တွေ့နေရပါသည်။
မြန်မာ့နိုင်ငံရေး ရှေ့တန်းတိုက်စစ်မှူးများအနေဖြင့် ပကတိနိုင်ငံရေး၊ အရှိနိုင်ငံရေး၊ အလားအလာနိုင်ငံရေးသုံးပါးကိုမှန်ကန်စွာ တွက်ချက်တတ်စေ လိုသည်။ လွတ်လပ်စွာ သဘောကွဲလွဲခြင်းသည် စေ့စပ်ညှိနှိုင်း အဖြေရှာ မှုသို့သာဦးတည်သင့်ပြီး၊ တတ်နိုင်လျှင်ငြင်းခုံဆင့်သို့ပင်မရောက်စေလိုပါ၊ မဖြစ်မနေ ရှောင်ရှားရမည်ကတော့ Full-scale war ဟူသည့် ရွက်ကုန် လွှင့်တိုက်ပွဲ အဆင့်သို့ မရောက်ရှိရေးပင်ဖြစ်ပါသည်။ မြန်မာ့ နိုင်ငံရေး အလားအလာနှင့် ဆိုးခြင်းကောင်းခြင်းသည် ဆုံးဖြတ်ပိုင်ခွင့် ရှိသောသူ အချို့၏ပညာနှင့် မြော်မြင်မှုတို့အပေါ်တွင် တည်မှီနေသည်ကို နှလုံး မူနိုင်ကြစေရန် ဖြစ်ပါသည်။

နေဇင်လတ်