စိန်ခေါ်မှုများနှင့် ပြည့်နှက်နေသည့် လူ့ဘောင်လောကတွင် ရှင်သန် လှုပ်ရှားနေသော မျိုးဆက်သစ် လူငယ်လူရွယ်များ အတွက် တစ်ခုတည်းသော အနာဂတ်မျှော်လင့်ချက်မှာ သင့်တင့်ကောင်းမွန်သည့် အလုပ် အကိုင် အခွင့်အလမ်းရရှိရေးဖြစ်ရာ ထိုအခွင့်အရေးရရှိနိုင်ရန် ဆိုင်ရာဆိုင်ရာ ပညာရပ်များကို ဆည်းပူးလေ့လာ ဖြည့်ဆည်းကြရသည်။
သို့သော် လူငယ်အများစုအနေဖြင့် ၎င်းတို့မျှော်မှန်းထားရာ အလုပ်အကိုင်များရရှိရေး ကြိုးပမ်းအားထုတ် နေကြသော်လည်း ထင်သလောက် ခရီးမပေါက်ခြင်း၊ တတ်မြောက်ထားသည့် ပညာရပ်နှင့် အလုပ်အကိုင် အံဝင်ခွင်ကျမဖြစ်ခြင်း၊ မျှော်မှန်းထားသလောက် ခရီးမရောက်ခြင်းတို့ ဖြစ်တတ်ကြသည်တို့ကို အဖြေမှန် ရှာဖွေ၍ ဝိုင်းဝန်းတည့်မတ် လမ်းမှန် ညွှန်ပြပေးရန်လိုအပ်မည်ဟု ထင်မြင်ယူဆပါသည်။
လူငယ်လူရွယ်များ အလုပ်အကိုင်ရရှိရေး၌ ပုံမှန်အဆင့်မြင့်ပညာ ရေးထက် အသက်မွေးဝမ်းကျောင်း ပညာရပ်များက အလုပ်ခွင်ဝင်ရောက် ရေးအတွက် ပိုမိုထိရောက်မှုရှိသည်ကို တစ်ချိန်သော ကာလက အသက် မွေးဝမ်းကျောင်းပညာသင်ကြားပြီးလျှင် သင်ယူမှုအဆင့်နှင့် လိုက်လျော ညီထွေရှိသည့် ဆိုင်ရာ အလုပ်အကိုင်များ ရရှိကြသည်ကို တွေ့ရသည်။ ယင်းမှာ သင်ယူမှုပညာရပ်နှင့် အလုပ်အကိုင် အံဝင်ခွင်ကျ ဖြစ်နေသည်ဟု ဆိုနိုင်သည်။နောက်ပိုင်းကာလများတွင် သင်ယူခဲ့မှု ဝမ်းစာအရည်အချင်း မပြည့်မီခြင်း ကြောင့်လော၊ သင်ကြားမှုစံနှုန်းများနှင့် လုပ်ငန်းခွင် အဆင့်အတန်း ကိုက်ညီခြင်းမရှိသောကြောင့် လော ရရှိသောဘွဲ့ပညာ များနှင့် လုပ်ငန်းခွင်၌ ပတ်သက်ခြင်းရှိစေကာမူ အံမဝင်၊ ခွင်မကျ၊ အလုပ် မဖြစ်မှုများလာသည်ကို ကြုံတွေ့လာကြရသည်။ အသက်မွေးဝမ်းကျောင်း ဆိုင်ရာနှင့် ပညာရပ်ဆိုင်ရာ ကျွမ်းကျင်မှုနယ်ပယ်တွင် သင်ကြားမှု၊ သင်ယူမှုသာမက စိတ်ပါဝင်စားမှု၊ ဝါသနာပါမှုနှင့် လက်တွေ့ လုပ်ဆောင်မှုများမှာ ပဓာနကျပြီး ထိုအချက်များနှင့်ကိုက်ညီပါက အလုပ်အကိုင်နှင့် အခွင့်အလမ်း အံဝင်ခွင်ကျဖြစ်မည်မှာ သေချာပါသည်။
မျက်မှောက်ကာလ လူမှုဘ၀ ဖွံ့ဖြိုးတိုးတက်လာမှုများနှင့် နိုင်ငံ တကာနှင့် ဆက်နွှယ်ကူးသန်းပြီး ပြည်တွင်း၌ ရင်းနှီးမြှုပ်နှံမှုများ တိုးတက် ဖြစ်ထွန်းလာသောအခါတွင် အလုပ်အကိုင်အခွင့်အလမ်းများမှာ သူ့နေရာနှင့်သူ၊ သူ့လုပ်ငန်းဘာသာရပ်အလိုက် ရှင်သန်ဖွံ့ဖြိုးနေပြီး လူတစ်ဦးချင်း ကျွမ်းကျင်မှု အရည်အသွေးအလိုက် အလုပ်ရရှိမှုနှင့် လစာအနည်းအများ ကွာခြားချက်သာရှိပါသည်။ အဓိကမှာ လိုအပ်သောလုပ်ငန်းအလိုက် မိမိတို့တွင် ဝမ်းစာပြည့်နေရန်သာ လိုအပ်ပါသည်။
ဝမ်းစာပြည့်ရေးဆိုရာ၌ စာမေးပွဲဖြေဆိုအောင်မြင်ခြင်း၊ ကျောင်းသင်ပညာ အသိအမှတ်ပြု လက်မှတ် တစ်ခုနှင့် ပြည့်စုံလုံလောက်ခြင်း ဖြစ်မည်မထင်ပါ။ လူမှုဆက်ဆံရေး၊ ပြင်ပဗဟုသုတနှင့် ကျောင်းသင် ပညာ တို့နှင့်သက်ဆိုင်သည့် ဘာသာရပ်ဆိုင်ရာ နယ်ပယ်တို့၌ ကျွမ်းကျင် နှံ့စပ်မှုရှိနေရန် လိုအပ်မည် ထင်သည်။ လူငယ်လူရွယ်များနှင့်ပတ်သက်၍ အမြင်ကျယ်ကျယ် ကြည့်လေ့ရှိသော သူတို့သည် ကျောင်းသား ဆိုသည်မှာ အတန်းစာကျက်၍ စာမေးပွဲအောင်ရုံမျှ ဟူသော အများအယူအဆတိမ်ခြင်း အဖြစ်ကို သိရှိကြလေပြီ။ ထိုအယူအဆကား ခေတ်နောက်ကျသည့် အယူအဆသာဖြစ်ပေသည်။ ပညာရေး ကို ကျွမ်းကျင်သော ကမ္ဘာ့ပညာရှိတို့သည် လောကရေး၊ ဓမ္မရေး၊ ပြဿနာအရပ်ရပ်တို့ကို စိစစ် ဝေဖန် ဖြေရှင်း တတ်သောပညာ၊ စာအုပ်စာပေကို အံ၍ရသော အမှတ်သညာ နှစ်မျိုးကို ခွဲခြားထားသည်ဟု ဗိုလ်ချုပ်အောင်ဆန်းက ရေးသားညွှန်ပြခဲ့သည်။
သို့ဖြစ်ရာ ယနေ့ လူငယ်လူရွယ်များအနေဖြင့် မိမိတို့၏အနာဂတ်ကို မျှော်မှန်းလျှောက်လှမ်းရာတွင် သင်ယူမှု လက်မှတ်များရရှိရန် ကြိုးပမ်း အားထုတ်မှုလိုအပ်သလို ထိုလက်မှတ်နှင့်လုပ်ငန်းခွင် အံဝင် ခွင်ကျဖြစ်စေမည့် အတတ်ပညာ၊ အသိပညာများ ကုံလုံကြွယ်ဝစေမည့် ဝမ်းစာများ ဖြည့်တင်းထာရန် လိုအပ် ပါသည်။ ထို့အပြင် လောကအရေး၊ ကမ္ဘာ့အရေး ဗဟုသုတအဖုံဖုံတို့ကို လေ့လာဆည်းပူးကြကာ လူ့ဘောင် လောကနှင့် ဝင်ဆံ့သော၊ စိန်ခေါ်မှုများကို ကျော်လွှားတတ်သော လူငယ်လူရွယ်များ ဖြစ် အောင် ကြိုးပမ်းအားထုတ်ကြဖို့ အလေးအနက် တိုက်တွန်းချင် ပါသည်။ ။
Credit : The Mirror News
