Job Pricing (Pay Rates, Pay Grades & Pay Range)

Job Pricing လုပ်ပြီဆိုရင်အဓိကထားပြီးစဉ်းစားရမယ့်အချက်က ကိုယ့်အဖွဲ့အစည်းရဲ့ မူဝါဒတွေ၊ ဝန် ထမ်းဈေးကွက်ရဲ့အခြေအနေတွေ၊ လုပ်ငန်းရဲ့အခြေအနေတွေပဲဖြစ်ပါတယ်။ Job Evaluation လုပ်ပြီးတဲ့ အခါမှာကျွန်တော်တို့ Job Hierarchy တခုရလာမှာဖြစ်ပါတယ်။ ဥပမာအားဖြင့် Senior Accountant တစ်ယောက်ရဲ့ အလုပ်တာဝန်က Computer Operator တစ်ယောက်ထက် ပိုပြီးတန်ဖိုးမြင့်တယ် လို့ ပြောလို့ရသလို Computer Operator တစ်ယောက်ရဲ့တာဝန်က  Data Entry clerk တစ်ယောက်ထက် ပိုပြီးတန်ဖိုးမြင့်တယ်ဆိုတာ ပြောပြနိုင်သလိုပါပဲ။ သတိထားရမှာက ခုနကပြောခဲ့တဲ့ တန်ဖိုးမြင့်တယ် ဆိုတာ အလုပ်တခုနဲ့တခုနှိုင်းယှဉ်ပြီး ပြောတာသာဖြစ်ပြီး ဘယ်ဝန်ထမ်းက ဒါမှမဟုတ်ဘယ်အလုပ်က တန်ဖိုးမရှိဘူးလို့ဆိုလိုတာ မဟုတ်ဘူးဆိုတာပါ။

Job Pricing လုပ်ရာမှာ Pay Rates, Pay Grades နဲ့ Pay Range ( ၃ ) မျိုးကိုသုံးကြတာတွေ့ရပါတယ်။

Job Pricing – 2 ( Pay Rates )

တကယ်လို့အဖွဲ့အစည်းတခုဟာ မိမိအဖွဲ့အစည်းအတွင်းမှာရှိတဲ့ ဝန်ထမ်းတွေကို ၄င်းတို့နဲ့  လုပ် ငန်း သဘောသဘာဝချင်း အလားသဏ္ဍာန်တူညီတဲ့ တခြားအဖွဲ့အစည်းတွေက ဝန်ထမ်းတွေနဲ့ အလား တူလစာမျိူး ပေးချင်တယ်ဆိုရင်အလုပ်တခုချင်းအတွက် Market Research လုပ်ပြီး ရလာတဲ့အချက် တွေကို အခြေခံပြီး Key Jobs တွေအတွက် သတ်မှတ်သင့်ပါတယ်။ တကယ်လို့ Survey ၂ခု ၃ခု လောက်ယူသုံးမယ်ဆိုရင်တော့ ရလာတဲ့ Survey တွေရဲ့ ယုံကြည်စိတ်ချရမှု၊ အလုပ်နဲ့ဆက်နွယ်မှုတွေ အပေါ်မှာအခြေခံပြီး မျှခြေယူအသုံးပြုရမှာ ဖြစ်ပါတယ်။

ပြီးမှ Key Jobမဟုတ်တဲ့အလုပ်တွေရဲ့ လစာတွေကို သတ်မှတ်ပေးဖို့ဖြစ်ပါတယ်။ Pay Structure ဆွဲမယ့်သူအနေနဲ့ပူးတွဲပါပုံမှာဖော်ပြထားသလို ဂရပ်ဖ်တခုရေးဆွဲဖို့လိုအပ်ပါတယ်။ ဒေါင်လိုက်ဝင်ရိုးမှာ ဆိုရင် ရရှိလာတဲ့ အချက်အလက်တွေကိုအခြေခံပြီး လုပ်ခလစာတွေကိုရေးသွင်းရပါမယ်။ အလျား လိုက် ဝင်ရိုးမှာတော့ အလုပ်တခုချင်းအတွက် Job Evaluation လုပ်လိုက်လို့ရလာမယ့် Point တွေကို ရေး သွင်းရပါမယ်။ပြီးရင်တော့ Key Job တခုချင်းစီအတွက် ရရှိလာတဲ့ Job Evaluation Point နဲ့ လုပ်ခလ စာတွေကိုနေရာချထားရပါမယ်။ နေရာချထားရင်းနဲ့ပဲ Pay Policy Line တခုရလာပါမယ်။ ပြထားတဲ့ပုံမှာ ဆိုရင် ဘယ်ဘက်ကနေညာဘက်ကို မြင့်တက်သွားတဲ့ Pay Policy Line လိုင်းဟာ Job Evaluation နဲ့ Pay Rate ကြားကဆက်နွယ်မှုကိုဖော်ပြပါတယ်။ ဘယ်ဘက်ကနေညာဘက်ကို မြင့်တက်သွားတဲ့ လိုင်း အရကြည့်မယ်ဆိုရင် Job Evaluation လုပ်လိုက်လို့ရလာတဲ့ပွိုင့်တွေများလေလေ ခံစားရရှိမယ့်လုပ်ခ လစာများလာလေလေဆိုတာ တွေ့ရမှာပါ။ ဥပမာ Job Evaluation Point ၃၁၅  ရတဲ့သူတယောက်ရဲ့ ခန့်မှန်းလို့ရတဲ့လစာဟာ ၆၄၈၆ ဖြစ်တာတွေ့ရပါမယ်။

တခါတလေကျတော့ Labor Market က Rate ကိုအခြေခံထားတာဖြစ်တဲ့အတွက် ကိုယ့်အဖွဲ့အ စည်း နဲ့မကိုက်ညီတာတွေလဲတွေ့ရနိုင်ပါတယ်။ တချို့အလုပ်တွေက Market Rate ထက်ပိုပြီးများနေ တာ၊ နည်းနေတာစတာမျိုးတွေပါ။ ဥပမာ – လုပ်ငန်းကျွမ်းကျင်သူရှားပါးတဲ့လေယာဉ်အင်ဂျင်နီယာလို အ လုပ်မျိုး၊ ဒါမှမဟုတ် စွန့်စားရမှုများတဲ့ သင်္ဘောအင်ဂျင်နီယာမျိုးပေါ့။ အဲဒီလိုဝန်ထမ်းမျိုးတွေကျတော့ ဈေးကွက်ထဲမှာရှိတဲ့ ဝန်ထမ်းဦးရေထက်လုပ်ငန်းလိုအပ်ချက်ကပိုများတဲ့အခါ အင်ဂျင်နီယာခြင်း တူပေ မယ့် တခြားအင်ဂျင်နီယာတွေထက်လစာပိုပေးပြီး ခန့်ထားရတာမျိုးဖြစ်တတ်ပါတယ်။

Job Pricing –3 (Pay Grade )

Pay Grade ဆိုတာကတော့ Job Pricing လုပ်ရာမှာလွယ်ကူချောမွေ့ဖို့အတွက် တူညီတဲ့အ လုပ် တွေကို တူ ရာတူရာအုပ်စုခွဲထားတာဖြစ်ပါတည်။ ဘာဖြစ်လို့လဲဆိုတော့ ဝန်ထမ်း ( ၂ဝဝ ) ရှိရင် ၂ဝဝ လုံးရဲ့ အလုပ်တခုချင်းလိုက်ပြီး တန်ဖိုးသင့်လစာသတ်မှတ်မယ့်အစား Pay Grade ၁၁ခုလောက်ခွဲ လိုက်ပြီး တန်ဖိုးသတ်မှတ်တာက ပိုပြီးလွယ်ကူမှာဖို့လို့ပါ။ ဥပမာပြောရရင် ကျွန်တော်တို့တက္ကသိုလ် တွေမှာ စာမေးပွဲရမှတ်တွေကို အမှတ် ၉ဝ နဲ့ ၁ဝဝကြားကို Grade A ၊ ၈ဝ နဲ့  ၈၉ အထိကို Grade B စသဖြင့်ခွဲသလိုမျိုးပါ။

တခါတလေကျတော့လဲ Pay Grade ရဲ့ မကောင်းတဲ့အချက်ကလေးတွေလဲတွေ့ရတယ်ပါတယ်။ အလုပ် တွေကို Job Evaluation လုပ်လိုက်လို့ရလာတဲ့ Point တွေအပေါ်အခြေခံပြီး အုပ်စုခွဲတဲ့အခါ၊ Pay သတ်မှတ်တဲ့အခါ လုပ်ငန်းရဲ့တကယ့်လိုအပ်ချက်နဲ့မကိုက်ညီတာမျိုးတွေ တွေ့ရပါတယ်။ ဥပမာ အားဖြင့် Job Evaluation လုပ်လိုက်တဲ့အခါမှာ Senior Accountant တစ်ယောက်နဲ့ Senior System Analyst တယောက်တို့ရဲ့ ရရှိတဲ့ Point ချင်းအနီးစပ်ဆုံးတူညီနေမယ်ဆိုရင် သူတို့ ( ၂ ) ဦးလုံးဟာ တူညီတဲ့ Pay Grade တခုထဲမှာရှိနေရမှာပါ။ ဒါပေမယ့် ခုနကပြောခဲ့သလိုပဲ လုပ်ငန်းတခုချင်းရဲ့ လိုအပ် ချက်အရ Senior System Analyst တဦးရဖို့ကပိုပြီးခက်ခဲတဲ့အခါမှာ ဈေးကွက်သဘောအရ Senior System Analyst ကလစာပိုပြီးများများရသင့်တာမျိုးကြုံတွေ့ရနိုင်ပါတယ်။ အဲဒီအခြေအနေမှာဆိုရင် အ ဖွဲ့အစည်းအနေနဲ့ Pay Grade အရ Senior System Analyst ကို Market Rate ထက် ပိုပေးလိုက်ရ တာမျိုး၊ Senior Accountant ကို Market Rate ထက် လျော့ပေးရတာမျိုးစတဲ့ အခက်အခဲတွေ ကြုံလာ ရနိုင်ပါတယ်။ ဒါဆိုရင်ဝန်ထမ်းခေါ်ယူရတာဒါမှမဟုတ် ဝန်ထမ်းထိန်းသိမ်းရတာ ခက်သွားပြီပေါ့။

Job Pricing – 4 ( Pay Ranges )

Pay  Grades တွေကို သတ်မှတ်ပြီးသွားပြီဆိုရင် စဉ်းစားသင့်တာတခုက တူညီတဲ့အလုပ်ကို လုပ် နေ ကြတဲ့ ဝန်ထမ်းတွေဟာ လစာလုံးဝတူညီအောင်ပေးမလား၊ သတ်မှတ် Pay Range တခု အတွင်း မှာ ပဲပေးမလားဆိုတာပါ။ Pay Range တခုမှာဆိုရင် အများဆုံးသတ်မှတ်နှုန်းရယ်၊ အနည်းဆုံးသတ်မှတ် နှုန်းရယ်ပါဝင်ပါမယ်။ Pay Range ထားရတဲ့ရည်ရွယ်ချက်ကတော့ ဝန်ထမ်းတွေရဲ့ နေထိုင်စားသောက် မှုစရိတ်နဲ့ အခြားအထွေထွေစရိတ်စကတွေမြင့်တက်လာတာကိုကာမိစေဖို့၊ အချိန်နဲ့အမျှသူတို့ရဲ့ လုပ် ငန်းပိုမိုကျွမ်းကျင်လာမှု၊ အတွေ့အကြုံတွေ ပိုမိုများပြားလာမှုတွေနဲ့ လိုက်လျောညီတွေဖြစ်တဲ့ လုပ်ခလ စာတွေ သတ်မှတ်ပေးသွားနိုင်ဖို့၊   Labor Market ရဲ့ ပြောင်းလဲမှု၊ အလုပ်ရဲ့ပိုမိုအရေး ပါ လာ နိုင် မှု၊ဝန်ထမ်းတွေရဲ့ လိုအင်အရ လစာတသမတ်တည်းဖြစ်နေတာကို မနှစ်သက်မှုစတဲ့ အချက်တွေကို ဖြေ ရှင်းနိုင်ဖို့အတွက် Pay Range ကိုအသုံးပြုသင့်ပါတယ်။ ဘာလို့လဲဆိုတော့ 

ကျွန်တော်တို့ကုမ္မဏီတွေ မှာ တွေ့ရတတ်တာကလုပ်သက်ရင့်ဝန်ထမ်းတွေအနေနဲ့ ရာထူးတူ၊ လုပ်သက်နုဝန်ထမ်းတွေနဲ့ လစာ ချင်းမတူညီသင့်ဘူးလို့ ယူဆတတ်ကြလို့ပါ။ အဲဒီတော့ကျွန်တော်တို့က ဥပမာ လက်ထောက် မန်နေဂျာ ရာထူးတူချင်းဆိုရင် လုပ်သက်ရင့်ဝန်ထမ်းတွေကို သတ်မှတ် Pay Range တခုအတွင်းမှာ လုပ်သက်နှစ် ကို အခြေခံပြီး နှစ်တိုးတွေပေါင်းထည့်ပေးတာမျိုးနဲ့ သစ္စာရှိဝန်ထမ်းတွေရဲ့ စိတ်ကိုကျေနပ်မှုရစေနိုင်ပါ တယ်။

နောက်တခုက အလုပ်ကြိုးစားပြီးလုပ်ငန်းစွမ်းဆောင်ရည်တော်တဲ့ ဝန်ထမ်းတွေကို Pay Range အတွင်းမှာပဲ အမြင့်ပိုင်းလစာခံစားစေတာမျိုးပေါ့။

အဲဒီလို ဆောင်ရွက်ရာမှာ Higher Level ကိုရောက်လာလေ၊ Pay Range ပိုကျယ်လာလေလေပဲ ဖြစ်ပါတယ်။ ဘာလို့လဲဆိုတော့ Higher Level ကဝန်ထမ်းတွေရဲ့ လုပ်ငန်းဆောင်ရွက်ချက်တွေဟာ အ ဖွဲ့အစည်း အပေါ်မှာ ပိုပြီးအကျိုးသက်ရောက်မှုရှိစေလို့ပဲဖြစ်ပါတယ်။ ဒါကြောင့်မို့ တကယ့်ကို စွမ်း ဆောင်နိုင်တဲ့ Higher Level ဝန်ထမ်းတွေကို ပိုပြီးချီးမြှင့်ဖို့လိုအပ်တဲ့အတွက်ကြောင့်ဖြစ်ပါတယ်။ တခါ တလေကျတော့လဲ အရည်အချင်းရှိတဲ့ဝန်ထမ်းတဦးကိုရရှိဖို့အတွက် သတ်မှတ်ထားတဲ့ Pay Range ထဲ က အမြင့်ဆုံးလစာကိုသုံးရတာမျိုးလည်း ရှိလာနိုင်ပါတယ်။

Job Pricing – 5 ( Pay Range in Practice ) 

လုပ်ငန်းခွင်ထဲက ကြုံရသမျှ တာဝန်ထမ်းဆောင်ခဲ့ဖူးတဲ့ INGO တခုမှာဆိုရင် ရာထူးအဆင့်တိုင်းအတွက် Pay Range တွေ သတ်မှတ်ထားပါတယ်။ ဥပမာ လစာက US$ ၂၈ဝ – ၃၈ဝ ဆိုရင်ကွာခြားချက် US$၁ဝဝ ကို Step ၁ဝ ခုခွဲ ထားတာမျိုးပေါ့။ နောက်ပြီးလုပ်သက် ၁နှစ် ရလာတဲ့အခါမှာ ကြီးကြပ်သူရဲ့ သဘော တူညီချက်နဲ့ Step ၁ ကနေ Step ၂ ကို တိုးမြှင့်ပေးခြင်းအားဖြင့်ရာထူးတိုးစရာမလိုဘဲ လစာတိုးမြှင့် ခံစားစေတာမျိုးပါ။ ပုံမှန်အားဖြင့်ဝန်ထမ်းအသစ် တစ်ဦးအလုပ်စဝင်တဲ့အခါမှာ အလုပ်ရဲ့လိုအပ်ချက်နဲ့ လုံးဝနီးနီးကိုက်ညီ တဲ့သူတွေကလွဲပြီး အားလုံးကို Step ၁ က စစေဖို့ သတ်မှတ်ထားပါတယ်။ ဒါပေမယ့် တာဝန်ထမ်း ဆောင်စဉ်အချိန်အတွင်း သိပ်ပြီးထူးထူးချွန်ချွန်လုပ်ပြနိုင် ခဲ့တယ်ဆိုရင် Step ၂ – ၃ စသည်ဖြင့် တိုးမြှင့် ပေးခြင်းအားဖြင့်ဝန်ထမ်းရဲ့စိတ်ကျေနပ်မှုရစေနိုင်ပါတယ်။

ရံဖန်ရံခါမှာ ထူးထူးခြားခြား တွေ့ရတတ်တာက ဝန်ထမ်းတချို့ရဲ့လစာနှုန်းထားတွေဟာ အထက် တဆင့်မြင့်ဝန်ထမ်းရဲ့လစာထက်မြင့်နေတာမျိုးလဲတွေ့ရတတ်ပါတယ်။ ကုမ္မဏီတခုမှာဆိုရင် Manager တစ်ဦးရဲ့လစာကို  ( ၁၅ဝဝဝဝ / – ) ကစပြီး( ၂၅ဝဝဝဝ / – ) မှာဆုံးတယ်လို့သတ်မှတ်ထားပါတယ်။ သူ့လက်အောက်က ဝန်ထမ်းဖြစ်တဲ့ Supervisor ရဲ့ လစာက  ( ၁ဝဝဝဝဝ / – ) ကစပြီး ( ၂ဝဝဝဝဝ / – ) မှာဆုံးပါတယ်။ မန်နေဂျာအသစ်တစ်ယောက် စတင်ခန့်ထားအခါ သူ့လစာကအနိမ့်ဆုံးဖြစ်တဲ့ ၁၅ဝဝဝဝ/- ကစပြီးခန့်လိုက်ပါတယ်။ အဲဒီအချိန်မှာ ကုမ္မဏီမှာ ( ၁ဝ ) နှစ်လောက်ရေရှည်လုပ်လာတဲ့ Supervisor ရဲ့လစာက နှစ်တိုးခံစားခွင့်တွေ အရကော၊ သူ့ရဲ့အတွေ့အကြုံတွေအရပါ  ( ၂ဝဝဝဝဝ/- ) ဖြစ်နေပါတယ်။ အခက်အခဲက ရာထူးနိမ့်တဲသူက လစာမြင့်နေတာပါ။ ကျွန်တော်တို့ရဲ့အကြောင်းပြချက် ကတော့ Supervisor ကို သူ့ရဲ့လုပ်ရည်ရည်ကိုင်ရည်နဲ့ လုပ်သက်အရ လစာ ၂ သိန်းအထိပေးလို့ရပေ မယ့် သူ့မှာက Technical Skill ပဲရှိပြီး Management Skill မရှိတဲ့အတွက်သူ့ကို မန်နေဂျာရာထူးပေး လို့မရဘူး။ မန်နေဂျာကတော့ အချိန်ကာလတခုရှည်ကြာအောင် လုပ်ဆောင်ပြီးတဲ့အခါ လုပ်ရည်ကိုင် ရည်လဲ ကောင်းမယ်ဆိုရင် တချိန်မှာ သူ့လစာဟာ ၂၅ဝဝဝဝ/- ထိရောက်သွားမယ်ဆိုပြီး ရှင်းပြခဲ့ရဖူးပါ တယ်။ သာမန်အားဖြင့် ကြည့်ရင်တော့သိပ်ပြီးအဓိပ္မါယ်မရှိတဲ့ Pay Structure တခုလို့ပြောလို့ရပါ တယ်။ တကယ်လို့သာ Pay Range သာမရှိထားခဲ့ဘူးဆိုရင် လစာ/ခံစားခွင့်တိုးမြှင့်ပေးဖို့အတွက် တခု တည်းသောနည်းလမ်းက ရာထူးတိုးပေးဖို့ပါ။ ခုနကဖော်ပြခဲ့တဲ့ကိစ္စမှာဆိုရင် Pay Range သာမထားခဲ့ ဘူး ဆိုရင် Mangement Skill မရှိ တဲ့ Supervisor ကို Manager အဆင့်ထိတိုးပေးလိုက်ရင် ကုမ္မဏီအ တွက် အခက်အခဲတွေအများကြီး ကြုံတွေ့လာရနိုင်ပါတယ်။

စဉ်းစားစရာတခုရှိတာက Pay Range ရဲ့အမြင့်ဆုံးအဆင့်ကိုရောက်သွားတဲ့၊ ဒါမှမဟုတ်အမြင့် ဆုံးကနေစပြီးဝင်လာတဲ့ ဝန်ထမ်းကျရင်ကော လစာတိုးပေးချင်ရင်ဘာလုပ်လို့ရနိုင်မလဲဆိုတာပါ။ တ ကယ်လို့သာ Pay Grade ကိုပြန်ပြီး ညှိနှိုင်းမှုမပြုလုပ်ခဲ့ဘူးဆိုရင် ဒါမှ မဟုတ် ပိုပြီးမြင့်မားတဲ့လစာ နှုန်းထားတခုကို ပြောင်းလဲသတ်မှတ်မှုမလုပ်ခဲ့ဘူးဆိုရင်သူ့ကို ရာထူးတိုးပေးဖို့က လွဲပြီးရွေးချယ်စရာ လမ်းမရှိတော့ပါဘူး။

ဒါပေမယ့်ခြွင်းချက်အနေနဲ့ တခါတရံမှာ ရာထူးတိုးမပေးဘဲလစာတိုးပေးဖို့တောင်းဆိုတတ်ကြ တာမျိုးရှိပါတယ်။ အဲဒီတောင်းဆိုချက်ကိုလက်ခံလိုက်မယ်ဆိုရင်တော့ အဖွဲ့အစည်းရဲ့စည်းမျဉ်းစည်းကမ်း တွေကို ချိုးဖောက်ရာကျသွားမယ့်အပြင် မညီမျှမှုတွေကိုတမင်ဖန်တီးလိုက်သလိုဖြစ်သွားပြီး ဝန်ထမ်းတွေ ရဲ့ Motivation ကိုပါကျစေနိုင်ပါတယ်။

Credit to : Sir Min Khaung