ဘဝအောင်မြင်ရေးနည်းလမ်း-၂၀၀

တစ်ခါက ဆိုကရေးတီးဆီကို လူငယ်တစ်ယောက်က အောင်မြင်ရေးနည်း လမ်းလေး လမ်းညွှန်ပြသပေးပါ ဆိုပြီး နည်းတောင်းသတဲ့၊။ "အေး..နည်း လမ်းပေးပါ့မယ် ဆိုပြီး ပင်လယ်ကမ်းစပ်ကိုခေါ်သွားပြီး ရင်ခေါင်းလောက် ရေအနက်လည်းရောက်ရော မပြောမဆို ဂုတ်ကဆွဲပြီး ရေထဲနှစ်ချလိုက်ပါရော။ ငတိလေးခမျာမှာ သေလုမျောပါး အသက်ရှုကြပ်ပြီး အသည်းအသန်ရုန်းကန်ပါလေသတဲ့။ ဒါပေမယ့် ဆိုကရေး တီးက လူကောင်လည်းကြီး ပိုလည်းသန်မာတော့ သူ့ခမျာ လွတ်အောင်မရုန်း နိုင်ရှာဘူးတဲ့။ ဒါနဲ့ကြောက်လန့်တကြားနဲ့နှုတ်ခမ်းတွေ ပြာနှမ်းလာတဲ့အခါမှ သူ့ဂုတ်ကို စွဲကိုင်ဖိနှိပ်ထားတာကိုလွှတ်ပေးလိုက်ပြီး။
"မင်းရေနှစ်ခံရတုန်းက ဘာကိုလိုလားတောင့်တပါသလဲ" လို့မေးတော့ "အသက်ရှင်ဖို့လေကိုတောင့်တတာပေါ့" လို့ဖြေသတဲ့။ အဲဒီတော့မှ ဆိုကရေးတီးက "အေး...အောင်မြင်ချင်တဲ့စိတ်ဟာ မင်းကိုရေနှစ်လိုက်တုန်း ကဖြစ်ပေါ်လာတဲ့ လေကိုလိုလားတောင့်တသလိုမျိုး မဖြစ်မနေလိုလားတောင့် တတဲ့စိတ်သာရှိရင် ဘယ်ရည်မှန်းချက်မဆိုအောင်မြင်နိုင်မှာပဲ။ အောင်မြင်ရေးနည်းလမ်း တွေကတော့မရေမတွက်နိုင်အောင်အများကြီးပဲ ရှိတယ်။ ဒါပေမယ့် အဓိကအောင် မြင်စေတဲ့အချက်ကတော့ သေမတတ်လိုချင်တောင့်တတဲ့ စိတ်ပဲ"လို့ပြောသတဲ့။
ခုလဲ အောင်မြင်ရေးနည်းလမ်း-၂၀၀ ကိုတင်ပြမှာပါ။ ဒါပေမယ့် အဓိကကတော့ မိတ်ဆွေတို့ရဲ့ပြင်းပြသော အောင်မြင်မှုကိုဆာလောင်ခြင်းက အရေးကြီးဆုံးဆိုတာကို မမေ့ပါနဲ့။

၁။ အအိပ်လျှော့ပါ။
သင့်ဘဝမှာ သင်ကိုယ်တိုင်လုပ်နိုင်တဲ့ အဖိုးတန်ရင်းနှီးမြှုပ်နှံမှုဟာ အိပ်စက်ခြင်းပါပဲ။ လူအများစုဟာ အိပ်ချိန် ၆ နာရီထက်ပိုမလိုပါဘူး။ ဒါပေမယ့် ကျွန်တော်တို့ အများစုကတော့ အိပ်တာလေးပဲ ဇိမ်ခံစရာရှိတာ ဆိုတဲ့လွဲမှားတဲ့ ဆင်ခြေစကားတွေနဲ့ ကိုယ့်ဘဝ ကိုယ်နှစ်နေကြသူတွေများ ပါတယ်။ အိပ်ချိန်လျှော့ချခြင်းအားဖြင့် ကိုယ်စီထုတ်လုပ်နိုင်စွမ်းတွေတိုးလာ ပြီး ဆုလာဘ်တွေလည်းရလာမှာမလွဲပါဘူး။ တစ်နေ့ကို တစ်နာရီအိပ်ယာက စောထခြင်းကို ၂၁ ရက်အကြာ လေ့ကျင့်လိုက်မယ်ဆို သင့်ဘဝမှာ ကောင်းတဲ့အပြောင်းအလဲ အလေ့အထ တစ်ခုကို ရရှိသွားပါ လိမ့်မယ်။ အိပ်စက်ခြင်းဟာ အိပ်ချိန်နဲ့မဆိုင်ပဲ ကောင်းမွန်နှစ်ခြိုက်စွာ အိပ်ပျော်ခြင်းနဲ့သာဆိုင်တယ်ဆိုတာမမေ့ပါနဲ့။
တစ်နေ့တစ်နာရီ လျှော့အိပ်မယ်ဆို တစ်လမှာ နာရီပို ၃၀ ထွက်လာမယ်။ အဲဒီ နာရီ ၃၀ ဟာ သင့်ဘဝကို ပြောင်းလဲဖို့ တိုးတက်ဖို့ လုံလောက်တဲ့အချိန်တွေ ဆိုတာ မမေ့ပါနဲ့။
နောက်ရက်တွေမှာ ကျန်တဲ့ နည်းလမ်းတွေကို ဆက်လက်တင်ပေးသွားမှာမို့ စောင့်မျှော်အားပေးကြပါဦး။
အမှတ်-၂
၂။ နေ့စဉ်နံနက်ခင်းအစတစ်နာရီကိုမိမိစွမ်းရည်တိုးတက်စေရေးအတွက် အသုံးပြုပါ
တရားထိုင်ခြင်း၊ တစ်နေ့တာလုပ်ရမည့်လုပ်ငန်းစဉ်များအတွက်ကြိုတင်စဉ်းစားခြင်း၊ စိတ်ဓါတ်ခွန်အားတိုးပွားစေသောစာများဖတ်ခြင်းစသည်တို့ကိုလုပ်ဆောင်ပါ။ ထိုငြိမ်သက်တိတ်ဆိတ်သောမနက်ခင်းအချိန်ကလေးကိုသင့် ခန္ဓာနှင့် စိတ်ဓါတ်ခွန်အားတိုးပွားစေရေးအတွက်အသုံးပြုပြီးအကျိုးရှိစေမည့်နေ့သစ်တစ်ခုကိုစတင်ပါ။ တစ်ပတ်တစ်ကြိမ်လောက် နေထွက်လာသည်ကိုစောင့်ကြည့်ပြီးသဘာဝတရား၏စွမ်းအင်များကိုစားသုံးပါ။
၃။ အရေးမပါသောအသေးအဖွဲကိစ္စများအတွက်အချိန်မဖြုံးမိပါစေနှင့်
နေ့တိုင်းမိမိပိုင်အချိန်နှင့်စွမ်းအင်များကိုအကျိုးရှိရှိ အသုံးချနိုင်ခြင်းရှိမရှိ ကိုယ့်ဘာသာပြန်လှန်စစ်ဆေးပါ။ အချိန်ကိုစနစ်ကျ စီမံခန့်ခွဲခြင်းသည် ဘဝကိုစနစ်တကျစီမံခန့်ခွဲခြင်းပင်ဖြစ်သည်။ ထို့ကြောင့်သင့် အချိန်များကိုဂရုတစိုက်စီမံခန့်ခွဲပါ။
၎။ အပြုသဘောဆောင်အတွေးများမွေးဖွားလာစေရန် (Rubber Band Method) ကိုသုံးပါ
အပျက်မြင်ခြင်း၊ အဆိုးကိုကြိုတင်ပူပန်ခြင်း၊ သူတစ်ပါးပေါ်အမြဲတန်းအပြစ်မြင်နေခြင်းစသည်တို့သည် အောင် မြင်မှုကို ကြီးစွာသောအနှောက်ယှက်ပြုသည့် အကျင့်ဆိုးများဖြစ်ပေသည်။ ထိုအကျင့်ဆိုးများပပျောက်သွားစေရန် သင့်လက်ကောက်ဝတ်(သို့) ခါးတွင် သားရေပတ်ကြိုးတစ်ခုကိုပတ်ထားပြီးအပျက်များအဆိုးများသူတစ် ပါးပေါ်မနာလိုဝန်တိုငြူစူခြင်းများအတွေးထဲသို့ဝင်လာသောအခါတိုင်းသားရေပတ်ကြိုးကိုဆွဲယူလွှတ်ပေးပါ။ နာကျင်မှုဝေဒနာကိုခံစားရဖန်များသော် မကောင်းသောအကျင့် အပျက်မြင်ခြင်းအပြစ်တင်ခြင်းအလေ့ဆိုးများကွယ်ပျောက်ပြီးအကောင်းမြင်စိတ် (Positive Mindset) ကိုရရှိလာပါလိမ့်မည်။
၅။ ဖုန်းပြောသောအခါတိုင်းစိတ်အားထက်သန်မှု တစ်ဖက်လူအပေါ် လေးစားဖော်ရွေမှုကိုပြပါ
ဖုန်းပြောသောလေ့အထကောင်းသည်လဲအောင်မြင်လိုသူတိုင်းအတွက်အရေးကြီးပါသည်။ အခြားသူကိုယ်စားဆောင်ရွက်ဖွယ်ကိစ္စရပ်များကိုဖုန်းမှတစ်ဆင့်ပြောဆိုစရာရှိလျှင် မတ်တပ်ရပ်ပြီးပြောပါ။ ထိုအခါ သင့်အသံသည် ကိုယ့်ကိုကိုယ် ပို၍ယုံကြည်မှုရှိသောလေသံပေါက်လာပေလိမ့်မည်။
၆။ သင့်လျှပ်တစ်ပျက်အတွေးများကိုမှတ်တမ်းတင်ထားနိုင်ရန်ပြင်ဆင်ထားပါ
လူတို့၏အတွေ့အကြုံများမှ ရုတ်တရက်ထွက်ပေါ်လာတတ်သောအတွေးသစ်များမှာတန်ဖိုးမဖြတ်နိုင်အောင် အဖိုးတန် လွန်းလှပေရာထိုအတွေးမျိုးကိုပေါ်လာသည့်အချိန်တွင်မှတ်တမ်းတင်ထားပါမှ လိုသလိုအသုံးချ နိုင်မည်ဖြစ်သည်။ ထို့ကြောင့် လိပ်စာကဒ်အရွယ် စာရွက်ပိုင်းလေးများကိုပိုက်ဆံအိပ်ထဲတွင်ထည့်ထားပြီးသင့် လျှပ်တစ်ပျက်စိတ်ကူးစိတ်သန်းကောင်းများကိုမှတ်တမ်းတင်ထားပြီးပြန်လှန်စဉ်းစားသုံးသပ် အသုံးပြုနိုင် အောင် စီစဉ်ထားပါ။
၇။ တနဂင်္ဟနွေညနေခင်းတိုင်းကိုကိုယ်ပိုင်အားလပ်ချိန်အဖြစ်ထားပြီးတစ်ပတ်စာအားဖြည့်ပါ
အလွန်အရေးကြီးသောလုပ်ငန်းဆောင်တာများမရှိလျှင် တနင်္ဂနွေညနေခင်းများကိုကိုယ်ပိုင်အားလပ်ချိန်အဖြစ် သတ်မှတ်အနားယူရင်းတစ်ပတ်အတွင်းဆောင်ရွက်ခဲ့သမျှ ကိစ္စအဝဝကို ပြန်လှန်စဉ်းစားသုံးသပ်ပြီးလာမည့် သီတင်းပတ်အတွက် အကောင်းဖြစ်အောင်လုပ်ဆောင်နိုင်ရန်ကြိုးစားပါ။
၈။ အများနှင့်ဆက်ဆံရေးပြေပြစ်ကောင်းမွန်ပါစေ
သင့်ဘဝတိုးတက်အောင်မြင်ရေးသည် သင်နှင့်တစ်ပါးသူတို့၏ ပေါင်းသင်းဆက်ဆံရေးပေါ်တွင်လုံးဝတည်ရှိနေကြောင်းသပေါပေါက်ပါစေ။ ပြေပြစ်သောပေါင်းသင်းဆက်ဆံရေးသည် သင့်ဘဝအောင်မြင်ရေး၏အဓိကသော့ တစ်ချောင်းပင်ဖြစ်ပါသည်။
၉။ ရည်ရွယ်ချက်အတိုင်းအကောင်အထည်ဖော်ပါ၊ ရေစုန်မျောမနေပါစေနှင့်
လုပ်ငန်းတစ်ခုလုပ်ဆောင်ရာတွင်စိတ်အားထက်သန်စွာလုပ်ဆောင်ပါ။ ငွေရလိုမှု နာမည်ကျော်ကြားလိုမှုများကိုရှေ့တန်းမတင်ပါနှင့်။ လုပ်ရမည့်အလုပ်ကိုလိုလိုချင်ချင် စိတ်ပါလက်ပါလုပ်ခြင်း ဖြင့်ငွေကြေးကျော်ကြားမှုတို့ သည် အလိုအလျှောက်ကျွဲကူးရေပါ လိုက်ပါလာမည်ဖြစ်သဖြင့် အလုပ်ကိုလုပ်ချင်သောစိတ်တစ်ခုတည်းဖြင့် သာသေသေချာချာလုပ်ပါလေ။
၁၀။ ပြုံးရယ်ပါ
မနက်ခင်းတိုင်းမှန်ရှေ့တွင် ငါးမိနစ်ခန့် အားပါးတရ ပြုံးရယ်လိုက်ပါ။ အူလှိုက်သည်းလှိုက်ရယ်မောခြင်းသည် ခန္ဓာကိုယ်တွင်းဇီဝဓါတုဖြစ်စဉ်များကိုအကျိုးကြီးစွာဖြစ်ထွန်းစေကြောင်းသုတေသီတို့ကဆိုပါသည်။ရယ်မောခြင်းသည်ခန္ဓာကိုယ်အတွင်းဇီဝဓါတိုထိန်းညှိမှုကိုဖြစ်ပေါ်စေပြီးစွမ်းအင်များထွက်ပေါ်လာစေပါသည်။ လေးနှစ် အရွယ်ကလေးငယ်တစ်ယောက်သည် တစ်နေ့ပျမ်းမျှအကြိမ်ငါးရာလောက်ရယ်မောလေ့ရှိပြီးအရွယ်ရောက်ပြီးသူများမှာ ၁၅ ကြိမ်ခန့်ရယ်မောလေ့ရှိသည်ဆို၏။ ရယ်မောခြင်းသည် ခန္ဓာကိုယ်အတွက် သာမကစိတ်ဓါတ်ခွန် အားပါတိုးပွားစေသည်ဖြစ်ရာရယ်မောဖို့မမေံပါနှင့်။
ယခုတင်ပြခဲ့သော အချက်၁၀ ချက်သည် အခြေခံအောင်မြင်ရေးနည်းလမ်းများဖြစ်သော်လည်းထိုအချက်များကိုဂရုတစိုက်လိုက်နာကျင့်သုံးယုံမျှဖြင့် အောင်မြင်သူတစ်ယောက်ဖြစ်နိုင်ပါလိမ့်မည်။ အဓိကအောင်မြင်ခြင်စိတ်ပြင်းပြထက်သန်ဖို့ပါပဲ။
Success In Life

How to build self confidence

ဘဝအောင်မြင်ရေးနည်းလမ်းအသွယ်သွယ်ရှိသည့်အနက် မိမိကိုယ် ကို ယုံကြည်မှု သည် အတော်အရေးပါသည့် အချက်ဖြစ်ပါသည်။ ကိုယ့်ကိုကိုယ် ယုံကြည်မှုရှိပါက တစ်ရာရာခိုင်နှုံး အောင်မြင်ရန်သေချာပါသည်။ မိမိကိုယ်ကို ယုံကြည်မှုတည်ဆောက်ရာ တွင်အရေးပါသောအချက်များမှာ
၁။ သပ်ရပ်စွာဝတ်စားခြင်း
အဝတ်အစားသည်လူ့အရည်အချင်းကို မလွှမ်းမိုးနိုင်သောငြား အသွင်ပြင်ကို တော့ပြောင်းလဲနိုင်သည်မှာ မငြင်းသာ သောအချက်ဖြစ်သည်။ သေသပ်ကျနစွာ ဝတ်စားဆင်ယင်ထားသောအခါ ကိုယ့်ကိုကိုယ်ပိုမို ယုံကြည်စိတ်ဝင်လာမည်။
အဝယ်ထက်ဝက်လျော့ ပြီး နှစ်ဆ ပိုသုံးပါ။ ဆိုလိုတာက အပေါစားအဝတ် အထည်တွေအများကြီးဝယ်မယ့်အစား အဖိုးတန်နာမည်ကြီးအဝတ်အထည်များ ကိုဝယ်ယူဝတ်ဆင်ခြင်းဖြင့် မိမိကိုယ်ကို ပိုမိုယုံကြည်လာပါလိမ့်မယ်။
၂။ မြန်ဆန်သွက်လက်စွာလျှောက်ပါ
ခြေလှမ်းရာတွင်လေးကန်ဖင့်နွှဲခြင်းသည် ယုံကြည်မှုကင်းမဲ့သူတို့၏အလေ့အထ ဖြစ်သည်။ ယုံကြည်ချက်ခိုင်မာပြတ်သား သူ၏ခြေလှမ်းမှာ မနှေးမမြန် သွက်သွက် လက်လက်ရှိကာ ကြည့်ရုံဖြင့်သိသာ သောခြေလှမ်းများဖြစ်ပါသည်။ သင့်ခြေလှမ်းကိုသွက်လက်တက်ကြွ အောင်ပြုပြင်ပါ။
၃။ ကိုယ်ဟန်ကောင်းပါစေ
သွားလာ နေထိုင် စားသောက် ဟန်များ စနစ်ကျသပ်ရပ်ပါ။ ခါးကိုမတ်မတ်ဆန့် ရပ် ခေါင်းကိုခပ်မော့မော့နေ လမ်းလျှောက်လျင် ကိုယ်ဖြောင့်ဖြောင့် ထား။ စကားပြောလျင် မျက်လုံးခြင်း ဆိုင် ပြော စသော အလေ့ထကောင်းများ ပျိုးထောင်ပါ။
၎။ ယုံကြည်စိတ်မွေးမြူပါ
စိတ်ဓါတ်ခွန်အားတိုးတက်စေသော စာများ ဟောပြောပို့ချချက်များကို ဖတ်ရှု ကြားနာပါ။ မိမိဘာဖြစ်ချင်သည်။ ဘယ်အချိန်ဘယ်ကကာလတွင်ဘာဖြစ် ရမည် စသဖြင့်ဖြစ်ချင်သည်များကို စာရွက်တစ်ရွက်ပေါ်တွင်ချရေးပြီး နေ့စဉ်မနက်ခင်းတိုင်းမှန်ရှေ့တွင်ထိုအ ချက်များကိုအသံထွက်ရွတ်ဆုပါ။ အခြေနေမပေးပါက စိတ်ထဲမှပြင်းပြ သောစိတ်အဟုန်ဖြင့်ရွတ်ဆိုပါ။
၅။ အောင်မြင်ခဲ့သမျှပြန်သတိရပါ
အပျက်တွေမတွေးပါနဲ့။ အတိတ်မှာ သင်အောင်မြင်ခဲ့တာတွေ အောင်မြင်စေ ရန်သင်လေ့လာဆည်းပူးခဲ့တာတွေ စသဖြင့်စိတ်ဓါတ်ခွန်အားဖြစ်စေမည့်အချက်များကိုသာ အချိန်ရသမျှတွေး တွေးတောပါ။ ဖြစ်ပါ့မလားဆိုသောသံ သယအတွေးမျိုးအဝင်မခံပါနှင့်။
၆။ အတင်းမပြောနှင့်
သူတစ်ပါးမကောင်းသတင်း အတင်းပြောခြင်းသည် သင့်စိတ်ခွန်အား နည်းပါးကြောင်းပြသရာရောက်သည်။ အတင်းမပြောပါနှင့်။ လူတိုင်း၏ကောင်းသောအပိုင်း (Positive side) ကိုသာကြည့်ပါ။ မည်သူ့ကိုမှ အပြစ်မမြင်တော့သည့်အ ပြင်အတုယူစရာတစ်ပုံတစ်ပင်ကိုတွေ့ရပေလိမ့်မည်။
၇။ ရှေ့ဆုံးမှာထိုင်ပါ
ရုံးမှာ ကျောင်းမှာ စည်းဝေးပွဲမှာ ဟောပြောပွဲမှာ အများစုသည်နောက်ဆုံး မှာသာထိုင်လိုကြသည်။ မိမိကိုလူအများသတိမမူမိသောကြောင့် အနေထိုင်လွတ်လပ်သည်ထင်သော ကြောင့်နောက်ဆုံးတန်းမှာထိုင်လိုကြ ခြင်းဖြစ်သည်။ ထိုအကျင့်ကိုစွန့်လွှတ် ပြီးရှေ့ ဆုံးတန်းမှာထိုင်ပါ။
၈။ ဝင်ရောက်ဆွေးနွေးပါ
မိမိအမြင်သဘောထားများကို ချက်ကျ လက်ကျဝင်ရောက်ပြောဆိုဆွေးနွေးပါ။ သင်နှုတ်ခမ်းများသည်စားဖို့ သွားတိုက် ပလုပ်ကျင်းဖို့ အတွက်သက်သက်သာ အသုံးဝင်သည်မဟုတ်ကြောင်းသတိပြု ပါလေ။
၉။ ကိုယ်ကာယသန်မာစေရန်လေ့ကျင့်ပါ
ခန္ဓာကိုယ်အချိုးစားကျနခြင်းသည်လဲ ဆွဲဆောင်မှု တစ်မျိုးဖြစ်ပြီးမိမိကိုယ်ကို ယုံကြည်မှု တိုးတက်စေပါသည်။ ထို့ကြောင့်ကာယလေ့ကျင့်ခန်းယူပါ။ အကြံပြုလိုသည်မှာယောဂ ကျင့်ကြည့်စေချင်သည်။ အွန်လိုင်းမှာ လေ့လာပါ။ အလျဉ်းသငိ့ပါက ကျွနုပ် ကိုယ်တိုင်လေ့ကျင့်သောယောဂနည်းလမ်းများမျှဝေပေးပါဦးမည်။
၁၀။ အများအတွက်လုပ်ပါ
စိတ်ထားကလေးပြောင်းလိုက်ရုံပါ။ စာသင်နေသူဆိုပါက ကိုယ်တိုင်ထင်ပေါ်ကျော်ကြားလိုမှုကို အာရုံမထားပဲ စာသင်သားများအကျိုး အတွက်ဦးတည်ချက်ပြောင်းလိုက်ပါ။ မန်နေဂျာဆိုပါကလဲ မိမိကုမ္ပဏီ တိုးတက်ရေး ဝန်ထမ်းများတိုးတက်ရေး စသည်ဖြင့်စိတ်ထားပြောင်းလိုက်ရုံဖြင့် အတ္တပါယ်လိုက်သောအခါလုပ်သမျှသည်လိပ်ပြာသန့် ပြီးယုံကြည်မှု ပိုမိုတိုးပွားလာမည်ဖြစ်ပါကြောင်းရေးသားတင်ပြအပ်ပါသည်။

အလုပ်မှာ လစာတိုးဖို့အတွက် ကိုယ်ကြိုးစားရမယ့် အချက် (၅) ချက်

အလုပ်ခွင်မှာ ရာထူးတိုးဖို့၊ လစာတိုးဖို့ အလုပ်ရှင်ကို ဖားနေရုံနဲ့ အလုပ်ဖြစ်တဲ့ကာလ မဟုတ်တော့ပါဘူး။ ဒါ့ကြောင့် ကိုယ်ရဲ့ကြိုးစားမှုနဲ့ပဲ ရာထူး၊ လစာတိုးချင်တဲ့သူတွေအတွက် ဘယ်လိုအချက်လေးတွေ သိထားသင့်တယ် ဆိုတာ ပြောပြ ပေးချင်ပါတယ်။
၁။ကိုယ့်အလုပ်ရှင် (သို့) အထက်အရာရှိနဲ့လုပ်မယ့် အစည်းအဝေးတိုင်းမှာ ကိုယ်ရှိနေပါစေ။
အစည်းအဝေးတက်ရတာဟာ ပျင်းစရာကောင်းပါတယ်။ အချိန်ကြာတဲ့ အစည်းအဝေးဆို ပိုတောင်ဆိုးသေး။ ဒါပေမယ့် အစည်းအဝေးတိုင်း ကိုယ်မပျက်မကွက်တက်တယ်။ အစည်းအဝေးမှာပြောတဲ့ အရာတိုင်းကိုလည်း ဂရုတစိုက်မှတ်သားတယ်။ ဘယ်နေ့ဘယ်အချိန် အစည်းအဝေးရှိတယ်၊ ဘာတွေပြင်ဆင်သင့်တယ်ဆိုတာကိုလည်း အလုပ်ရှင်နဲ့ အမြဲပြောဖြစ်တယ်ဆိုရင်တော့ ဒါဟာ သင့်ကို အလုပ်ရှင်သဘောကျစေမယ့် အချက်တစ်ခုဖြစ်လာမှာပါ။ အလုပ်ရှင်နဲ့ ဆက်ဆံရေးကောင်းအောင် ကြိုးစားဖို့လိုပါတယ်။
၂။တစ်ပတ်စာ လုပ်ခဲ့တဲ့ အလုပ်တွေအကြောင်း ရေးချမှတ်သားပါ။
စာမျက်နှာ လေး၊ ငါးမျက်နှာ ရေးချထားစရာမလိုပါဘူး။ ကိုယ်တစ်ပတ်အတွင်း ဘာတွေလုပ်ဖြစ်တယ်၊ ဘာတွေပြီးမြောက်တယ်။ ဘာကတော့ ဘယ်အချက်တွေ ထပ်တိုးဖို့လိုတယ်။ ဘာတွေဆက်လုပ်သင့်တယ် စသဖြင့် တစ်ပတ်စာ ကိုယ်လုပ်ခဲ့တာတွေကို သုံးသပ်တဲ့ သဘောမျိုး ရေးသားထားနိုင်ရင် တော်တော်ကောင်းပါတယ်။
၃။ကုမ္ပဏီက တခြားဝန်ထမ်းတွေနဲ့ စကားပြောပေးပါ။
ကိုယ်ကသီးသီးခြားခြားနေတတ်သူဆိုရင်တောင် ကိုယ့်ရုံးကလူတွေနဲ့ ကော်ဖီသောက်တဲ့အချိန်မှာပဲဖြစ်ဖြစ်၊ ထမင်းစားချိန်မှာပဲဖြစ်ဖြစ် စကားစမြည်ပြောဖို့လိုပါတယ်။ ကိုယ့်ထက်ရာထူးကြီးတဲ့သူတွေဆိုရင်လည်း သူတို့ဒီလို နေရာရောက် လာဖို့ ဘာတွေကြိုးစားခဲ့ရတယ်ဆိုတာမျိုး သူတို့ဆီက သင်ယူလေ့လာပါ။
၎။အကောင်းမြင်တတ်ပါစေ။
အရာရာကို အဆိုးမြင်နေတတ်တဲ့သူဟာ ဘယ်တော့မှ နေရာကောင်းမရနိုင်ပါဘူး။ ရုံးကိုနောက်ကျမှဆင်းရလို့၊ အစည်းအဝေးက ကြာလို့၊ အလုပ်တွေများလို့၊ စသဖြင့် ကုမ္ပဏီအပေါ် တစ်ချိန်လုံးအပြစ်တင်ပြောဆိုနေတဲ့ သူတွေဟာ ဘယ်တော့မှ ရာထူး၊ လစာတိုးဖို့ အာမခံချက်မရှိပါဘူး။
၅။ကိုယ်လိုချင်တဲ့အရာကို တောင်းပါ။
ကိုယ်လည်း ကြိုးးကြိုးစားစားနေတယ်။ ဘယ်တော့မှအလုပ်နဲ့ ပတ်သက်ပြီး မတွက်ကတ်ဘူး။ ရုံးချိန်ဆိုရင်လည်း အချိန်မှန်ရောက်တဲ့သူတစ်ယောက်လို့ ကိုယ့်ကိုယ်ကိုယ် ယုံကြည်တယ်ဆိုရင်လစာတိုးဖို့၊ ရာထူးတိုးဖို့ ကိုယ့်မန်နေဂျာကို ပြောပါ။ ကိုယ်ဘယ်အချက်တွေ လစ်ဟာနေတယ်၊ ကြိုးစားဖို့လိုနေတယ်ဆိုတာ သူ့ကို သုံးသပ်ခိုင်းလိုက်ပါ။
Ref:cosmopolitan.com

ဈေးကွက်ချဲ့ထွင်နည်းများ

၁။ ဈေးကွက်ကိုထိုးဖောက်ခြင်းနည်း (Market Penetration)
ဒီနည်းကတော့ ပူးတွဲပါပုံမှာမြင်ရတဲ့ အတိုင်း ရှိပြီးသားဈေးကွက်မှာ ရှိပြီးသား ကုန်စည်ကို လူအများပိုမိုသိရှိသုံးစွဲလာ အောင် ပစ္စည်းကို ပိုမိုလက်ခံလာအောင် ပြုလုပ်တဲ့နည်းပါ။ မိမိရဲ့ပစ္စည်းဟာ သဘာဝအရ ဆန်းသစ်တီထွင်ရန် အခွင့်အလမ်းနည်းသည့်ပစ္စည်းမျိုး (ဥပမာ-ဘုန်းကြီးသင်္ဃန်း) ဆိုလျှင် ဈေးကွက်အတွင်းရှိ အခြားပြိုင်ဖက် များထက်သာလွန်သည်ဟု ဝယ်သူထင်မှတ်လာစေရန် မီဒီယာမျိုးစုံကိုအသုံး ပြုကြော်ငြာတဲ့နည်းလမ်း (Heavily Advertising)ကိုလုပ်ကြပါ တယ်။
၂။ ထုတ်ကုန်အဆင့်မြှင့်တင်ခြင်းနည်း (Product Development)
ရှိပြီးသားဈေးကွက်အတွင်းမှာ မိမိထုတ် ကုန်ကို အရည်အသွေးပိုင်းဆိုင်ရာအ ဆင့်မြှင့်တင်ပြီး လူကြိုက်များလာအောင် လုပ်တဲ့နည်းပါ။ လက်ရှိစားသုံးသူများတွေ့ကြုံ နေရသည့် အခက်အခဲများကိုဖြေရှင်းပေးရန် (သို့မဟုတ်) လက်ရှိပစ္စည်းထက်
ပိုပြီးလွယ်ကူချောမွေ့ လုခြုံ အဆင်ပြေ တဲ့ပစ္စည်း ဒါမှမဟုတ် ပုံစံဒီဇိုင်းဆန်းသစ်တဲ့ပစ္စည်း လုပ်ဆောင်ချက် ပိုမိုကောင်းမွန်တဲ့ ပစ္စည်းများကိုပြုလုပ်ပြီး ပြိုင်ဖက်ပစ္စည်း ကိုစွန့်လွှတ်ပြီး ဆန်းသစ်တီထွှင်ထား သည့်မိမိ၏ပစ္စည်းကိုသုံးစွဲလာစေရန် ဆွဲ ဆောင်သည့်နည်းလမ်းဖြစ်သည်။ ပစ္စည်းအမျိုးအစားအရ ဆန်းသစ်တီထွှင် ရန်အခွင့်အလမ်းရှိပြီး မိမိကလဲ ဆန်းသစ်တီထွှင်နိုင်စွမ်းရှိရပါမည်။
၃။ ဈေးကွက်အသစ်ရှာဖွေခြင်း (Market Development)
ရှိပြီးသားကုန်စည်အတွက် ဈေးကွက်အ သစ်ချဲ့ထွင်ရှာဖွေနည်းပါ။ သုံးနည်းရှိပါတယ်။
၁။ နေရာဒေသသစ် (New region) သို့ဝင်ရောက်ဈေးကွက်ချဲ့ထွင်ခြင်းဖြစါတယ်။ ဥပမာ ရန်ကုန်မှာလူကြိုက်များတဲ့ (YKKO) ကြေးအိုးဆိုင်တွေကို တစ်နိုင်ငံလုံးအနှံ့ လိုက်လံချဲ့ထွင်လိုက်တာမျိုးပေါ့။ အရိုးရှင်းဆုံးနည်းပါ။ ဒါပေမယ့် အရင်းအနှီးထပ်မံတိုးချဲ့မြှုပ်နှံနိုင်ရ ပါမယ်။
၂။ ဝယ်ယူသူအုပ်စုအသစ် (New group) ကိုစွဲဆောင်ခြင်းဖြစ်သည်။ Johnson & Johnson က ကလေးသုံး ပစ္စည်းတွေကို လူလတ်ပိုင်း (Older Adults ) အသက် ၄၀/၅၀ များသုံးစွဲလာစေရန် ဆွဲဆောင်ခြင်း (Idea marketing) နည်းလမ်းပါ။ အသက်ကြီးလာတဲ့အခါလူတွေရဲ့အသား အရေဟာကလေးငယ်များလိုပြန်ဖြစ်လာ ပြီးကလေးသုံးဆပ်ပြာ ပေါင်ဒါ မျက်နှာသစ်ဆေးတို့ကို အသုံးပြုသင့် ကြောင်း စိတ်ကူးစိတ်သန်းထည့်ပေး တဲ့နည်းမျိုးပေါ့။
၃။အသုံးဝင်မှုအသစ် (New use) ကိုရှာဖွေခြင်းပါ။ ဥပမာ မော်တော်ဆိုင်ကို သုံးဘီးဆိုင်ကယ်ဖြစ်အောင်ပြုပြင်လိုက်ခြင်းမျိုးပေါ့။
၎။ ပစ္စည်းသစ်ဈေးကွက်သစ်ထိုးဖောက်နည်း (Diversification)
သူကတော့ ကုန်ပစ္စည်းအသစ်ကို ဈေးကွက်အသစ်ရှာပြီးထိုးဖောက်နည်းပါ ဈေးကွက်အတွက် လိုအပ်တဲ့အချက်လက်တွေ ရှာဖွေစုဆောင်းသုံးသပ်ပြီး ဈေးကွက်ချဲ့ ထွင်ရေးဗျူဟာများဆုံးဖြတ်ဆောင်ရွက်ရပါသည်။
၁။ ကုန်ကြမ်းကိုအခြား (Supplier) ထံမှ ဝယ်ယူနေရာမှ ကိုယ်တိုင်ကုန်ကြမ်းပြု လုပ်ပြီးထိုကုန်ကြမ်းကိုမိမိကိုယ်တိုင် အသုံဗးပြုယုံသာမက မိမိကဲ့သို့အသုံး ပြုနေရသောအခြားလုပ်ငန်းများသို့ ရောင်းချခြင်း။
၂။ မိမိ၏လက်ရှိလုပ်ငန်းနှင်ဆက်စပ် သည့်လုပ်ငန်းတစ်ခုကိုထပ်မံတိုးချဲ့ခြင်း။ ဥပမာ-ဥပမာသုံးစွဲရသည့်ပရဆေးပစ္စည်း တူညီမှုကိုအကြောင်းပြု၍ ဆေးဝါးထုတ် လုပ်နေရာမှ အလှကုန်အဖြစ်တိုးချဲ့ထုတ်လုပ်ခြင်းမျိုး။
၃။ လက်ရှိလုပ်နေသည့်အလုပနှင့် လုံးဝ အဆက်အစပ်မရှိသော လုပ်ငန်းကို ဈေးကွက်အခွင့်အလမ်း အလားလာကောင်းခြင်းကြောင့် တိုးချဲ့ခြင်းမျိုးဖြစ်သည်။ ဥပမာ- စားသောက်ကုန်လုပ်ငန်းအပြင် ဆောက်လုပ်ရေးလုပ်ငန်းပါ ဝင်ရောက်လုပ်ကိုင်ခြင်းမျိုးဖြစ်ပါသည်။
၎။ လက်ရှိလက်လုပ်ငန်းနှင့် ဆက်စပ်မှုမရှိသော်လည်း လက်ရှိ Customer များအတွက် လုပ်ငန်သစ်ချဲ့ဗထွင်ခြင်း။ ဥပမာ-ဟိုတယ်ဆောက်လုပ်ပေးရောမှ ရှိလာသော ဟိုတယ်လုပ်ငန်းရှင်များ အတွက်လိုအပ်သော ပရိဘောဂ များ ပေးသွင်းရန် ပရိဘောဂ လုပ်ငန်းသစ် တည်ထောင်လုပ်ကိုင်ခြင်းမျိုး။
အထက်ဖော်ပြခဲ့သော ဈေးကွက် ထိုးဖောက်နည်းများမှ မိမိလုပ်ငန်း အရင်းအနှီးပမာဏ ကုန်ပစ္စည်းအမျိုး အစားပေါ်မူတည်၍ အဆင်ပြေမည့် နည်းကိုအသုံးပြု ဆောင်ရွက်ကြခြင်းဖြင့် အောင်မြင်နိုင်ကြပါစေကြောင်း ဆုတောင်းပေးလိုက်ပါသည်။

စတော့ဈေးကွက်ဆိုသည်မှာ-

အရင်းအနှီးဈေးကွက် (Capital Market)ဟုလည်းခေါ်၊စတော့ဈေးကွက် (Stock Market) ဟုလည်းခေါ် ငွေချေးသက်သေခံလက်မှတ်များဈေးကွက် (Securities Market) ဟုလည်း ခေါ်သည့်စတော့ဈေးကွက် သည် အများပိုင်ကုမဏီ (Public Company) ဖြစ်လာသည့် ကုမဏီကြီးတစ်ခု၏ အစုရှယ်ယာများကိုစတင်ထုတ်ရောင်းသည့်အချိန်မှစတင်လာသည်။အများပိုင်ကုမဏီတစ်ခု၏အစု၇ှယ်ယာအသစ်များ(စတော့)ကိုစတင်ထုတ်ဝေရောင်းချပြီးဝယ်ယူသူများအနေဖြင့်ဝယ်ယူပြီးနောက်ပြန်လည်ရောင်းချသည့်အခါအမြတ်အစွန်းရရန် သေချာမှု၊မသေချာမှုမှာမရေမရာ၇ှိလှပါသည်။ပုံမှန်စတော့ရှယ်ယာဝယ်ယူရင်းနှီးမြှုပ်နှံသူများမှာ သေချာသည်ဟုထင်မှသာဝယ်ယူကြသည်။ပုဂလိကပိုင် ကုမဏီတစ်ခုသည် အများပိုင်ကုမဏီ (အများအားဖြင့် အစုရှယ်ယာဝင်ဦးရေ၅၀ကျော်)တစ်ခုသို့ကူးပြောင်းဖွဲ့စည်းပြီးအများပြည်သူအားအစုရှယ်ယာများ ရောင်းချသည့်အခါယင်းရှယ်ယာများ အောင်အောင်င်ြမင်ရောင်းချရန်လိုအပ်သည်။စက်ရုံတစ်ခုတိုးချဲ့တည်ဆောက်ခြင်း၊လုပ်ငန်းသစ်တစ်ခုချဲ့ထွင်ခြင်း၊စသည့်လုပ်ငန်းများတိုးချဲ့သည့်အခါများပြားသည့်ငွေပင်ငွေရင်းများလိုအပ်သောကြောင့်အများပိုင်အစုရှယ်ယာများထုတ်ဝေရောင်းချခြင်း ဖြစ်သည်။မြန်မာနိုင်ငံတွင်အများပိုင်ကုမဏီအဖြစ်ဖွဲ့စည်းတည်ထောင်သည့်ကုမဏီမှဦးစီးခေါင်းဆောင်စီမံခန့်ခွဲမှုအဖွဲ့သည်အစုရှယ်ယာများကိုပြည်ပသို့ တိုက်ရိုက်ရောင်းချကြသည်။ လူတစ်ဦးချင်း ဆီသို့အဖွဲ့ အစည်းမှ တိုက်ရိုက်ရောင်းချခြင်းဖြစ်သည်။MFICompany၊ပထမပုဂလိကဘဏ်၊မြန်မာနိုင်ငံသားများဘဏ်၊သစ်တောထွက်ဖက်စပ်ကုမဏီတို့ဖြစ်သည်။နိုင်ငံတကာတွင် ပုဂလိက ကုမဏီတစ်ခုသည် နှစ် ပေါင်း အတော်ကြာပုဂလိကပိုင် companyအဖြစ်လုပ်ဆောင်ကာ အောင်မြင်ပြီးနောက်အများပိုင်ကုမဏီအဖြစ်သို့ကူးပြောင်းသည့်အခါ ရောင်းချမည့် ဒေါ်လာသန်းပေါင်းများစွာတန်သည့်ဒေါ်လာများကိုထုတ်ဝေရောင်းချကြသည်။ထိုမျှများပြားသည့်တန်ဖိုးရှိရှယ်ယာများကိုအချိန်တိုအတွင်း ရောင်းချပြီးစီးရန်လိုအပ်ပါသည်။ယေဘုယျအားဖြင့် ၄င်းရှယ်ယာများကို စတော့ဈေးကွက်တွင်စတော့ရှယ်ယာရောင်း ၀ယ်နေသူများ(Investors)အနေဖြင့်ဝယ်ယူခဲ့ပါက၀ယ်ယူပြီးနောက်တစ်ဆင့် ပြန်လည်ရောင်းချသည့်အ ခါ အဆင့်သင့် ၀ယ်ယူမည့်သူ ရှိမည်၊ မရှိမည် မသေချာသဖြင့် ၀ယ်ယူကြမည် မဟုတ်ပါ။ ထို့ကြောင့် ရှယ်ယာသစ် စတင်ထုတ်ဝေမည့်သူများကုမဏီများသည်ရှယ်ယာများကိုဝယ်ယူနိုင်မည့် ငွေကြေးအင်အား ကြီးမားသည့် ရင်းနှီးမြှုပ်နှုံမှုဘဏ်များ (Investment Bank) ကို ချဉ်းကပ်ရပါသည်။


Julyshwemoe

စီးပွားရေးလုပ်ငန်းရှင်စိတ်ဓာတ်ဖြင့် လူငယ်များအလုပ်လုပ်ကြရန်လို

- ဒေါက်တာအောင်ထွန်းသက် -

နိုင်ငံတော် တိုးတက်စေရန်အတွက် စီးပွားရေးလုပ်ငန်းရှင်စိတ်ဓာတ်ဖြင့် လူငယ်များအလုပ်လုပ်ကြရန် လိုကြောင်း ဆရာဒေါက်တာအောင်ထွန်းသက်က ပြောဆိုထားရာ ယင်းနှင့်ပတ်သက်ပြီး . . . .

လူငယ်တွေက သင်တန်းတွေတက်ပြီးရင် ဝန်ထမ်းပဲလုပ်ကြတယ်။ သူတို့တွေ ပညာသင်နေတာဟာ လစာကောင်းကောင်းရမယ့် အလုပ်လုပ်ဖို့ပဲ ဖြစ်နေတယ်။ အဲဒီအယူအဆကို ပြောင်းလဲရမယ်။

နိုင်ငံရေး တိုးတက်တယ်ဆိုတာက လူတစ်ဦးချင်းဝင်ငွေမြင့်တက်လာတာပဲ။ ဝင်ငွေမြင့်တက်ဖို့ဆိုရင် ဝန်ထမ်းစိတ် မွေးနေလို့မရဘူး။ ကိုယ်ကိုယ်တိုင် စီးပွားရေးလုပ်ငန်းရှင်တစ်ဦးဖြစ်ဖို့ စဉ်းစားသင့်တယ်။ အခုက လူတော်တော်များများက ဘွဲ့ရအလုပ်လျှောက်ပြီး သူများဝန်ထမ်းလုပ်ဖို့ပဲ စဉ်းစားနေတယ်။ ကိုယ်ပိုင်လုပ်ငန်းလုပ်လိုစိတ်တွေ ပျောက်နေတယ်။

ဝန်ထမ်းလုပ်တယ်ဆိုတာ လူညံ့တွေလုပ်တာလို့ မြင်စေချင်တယ်။ ဆရာတို့လည်း အရင်ကလုပ်ခဲ့တာ။ အဲဒီတော့ လူညံ့စာရင်းထဲသွင်းရမှာပဲ။ သူများဆီမှာ မှီခိုပြီးလုပ်နေတာကို ကျေနပ်နေမယ့်အစား ကိုယ်ကဘယ်လိုလုပ်ငန်းလေးလုပ်ပြီး ဘယ်လိုရှာမယ်ဆိုတာ စဉ်းစားစေချင်တယ်။ ကိုယ့်စွမ်းအားကို အရင်တည်ပြီး ရတဲ့ငွေကြေးလေးကို ပိုပြိးတန်ဖိုးထားစေချင်တယ်။ ဘယ်လောက်ပဲရရ ကိုယ့်လုပ်ငန်း နဲ့ကိုယ့် ဘယ်သူ့ကိုမှလည်း အောက်ကျို့စရာမလိုသလို မျှော်လင့်စရာလဲမလိုဘူး။

အခုနောက်ပိုင်း လူငယ်တွေသင်တန်းတွေတက်ပြီးရင် ဝန်ထမ်းပဲလုပ်ကြတယ်။ သူတို့တွေ ပညာတွေ သင်နေတာဟာ လစာကောင်းကောင်းရမယ့် အလုပ်လုပ်ဖို့ပဲဖြစ်နေတယ်။ အဲဒီအယူအဆကို ပြောင်းလဲရမယ်။ ဆရာကတော့ လူငယ်တွေကို ဦးတည်ပြောတယ်ဆိုတာက လူငယ်တွေထွန်း တောက်စေချင်တယ်။ လူငယ်တွေ အသက်ငယ်ငယ်နဲ့ နိုင်ငံတကာနဲ့ယှဉ်ပြီး လုပ်ငန်းရှင်တွေဖြစ်ရင် သူတို့ကိုယ်တိုင်နဲ့ ပတ်ဝန်းကျင်လည်းဂုဏ်ရှိသလို နိုင်ငံလည်းဂုဏ်ရှိတယ်။

လာမယ့် ၂၀၁၅ နိုင်ငံတကာလုပ်ငန်းတွေလာမယ်ဆိုပြီး သူများကိုမျှော်တာထက် ကိုယ်လုပ်နိုင်တာ လေးနဲ့ ကိုယ်လုပ်ငန်းလေးတစ်ခုလုပ်ရင် ပိုမကောင်းဘူးလား။ ဝန်ထမ်းလည်းလုပ် တစ်ဖက်ကလဲ လုပ်ငန်းရှင်ဖြစ်အောင်ကြံဆောင်တဲ့ လူငယ်တွေပေါ်စေချင်တာပါ။ မပြည့်စုံတာတွေကို ပြောနေမယ့် အစား ကိုယ်ဘာလုပ်နိုင်မလဲ၊ အနာဂတ်မှာ ကိုယ်ဘာတွေကိုရယူမလဲဆိုတာ အခုကတည်းကစဉ်းစား သင့်ပြီ၊ ကိုယ်လုပ်ရင်ကိုယ်ရမှာပဲ နောက်မှာတွေ့ကြုံလာရမယ့်အရာတွေကို စိန်ခေါ်မှုတွေလို့မမြင်ဘဲ အခွင့်အရေးတွေလို့ မြင်စေချင်တယ်။

ဦးတည်ပြောချင်တာက Entre-preneurship ကိုဆိုလိုချင်တာ။ အစိုးရမကောင်းတာ၊ အခြေခံတွေချို့ တဲ့တာတွေထက် ဒါတွေကိုကျော်လွှားပြီး လုပ်နိုင်အောင် စဉ်းစားစေချင်တယ်။ အဆင်မပြေတာတွေ ကိုပြောပြီး တစ်ဝဲလည်လည်ဖြစ်ပြီး အချိန်တွေ မကုန်စေချင်ဘူး။ ကိုယ်လုပ်နိုင်တာကနေ အကောင်း ဆုံးလုပ်ကြဖို့လိုတယ်။ အစိုးရရဲ့လိုအပ်ချင်တွေကို ဆရာတို့ကလဲ စောင့်ကြည့်ပြီးအကြံဉာဏ်တွေပေး မယ်။ လုပ်ငန်းရှင်တွေ၊ လူငယ်တွေကလဲ ကြိုးစားကြမယ်ဆိုရင် လာမယ့်အနာဂတ်က အခွင့်အလမ်း တွေ အများကြီးပါ။

လုပ်ငန်းရှင်တွေ၊ သက်ဆိုင်ရာ တာဝန်ရှိသူတွေအားလုံးကနေ ကိုယ့်မှာလိုအပ်တာတွေကို တင်ပြနေ တာထက် ဘာလေးလုပ်လိုက်ရင် တစ်ခါတည်းအဆင်ပြေနိုင်တယ်ဆိုတဲ့ အကြံပြုချက်လေးတွေကို ပါစေချင်တယ်။ ဒါမှကိုယ်ရဲ့အရည်အချင်းလဲ တက်လာမယ်။ ဖြည့်ဆည်းပေးရမယ့် သူ့အပိုင်းကလဲ အဖြေကိုတစ်ခါတည်းမြင်ပြီး အလျင်အမြန်အကောင်အထည် ဖော်ပေးကြမယ်ဆိုရင် အချိန်ကုန်ပြီး အကျိုးရှိတဲ့ရလဒ်တွေ ဖြစ်လာမယ်။

The Flower News Journal

ဒေါက်တာအောင်ထွန်းသက်
(စီးပွားရေးနှင့် စီမံခန့်ခွဲမှုပညာရှင် နိုင်ငံတော်သမ္မတ၏ စီးပွားရေးအကြံပေး)

ဘာလဲ stock, stock market ဆိုတာ?

Stock ဆိုတဲ့ အစုရှယ်ရာတွေကို မြန်မာတွေ ရင်းနှီးကြမယ်လို့ယူဆပါတယ်။ မြန်မာမှာ stock market မရှိသေးပေမဲ့ ပုဂ္ဂလိကကုမ္ပဏီတွေက အစုရှယ်ရာ ရောင်းချတာတွေရှိပါတယ်။ ဒါဆိုရင် stock ဆိုတာ ဘာပါလဲ။ stock ကိုပိုင်ဆိုင်တယ် ဆိုတာ စီးပွားရေးလုပ်တဲ့ ကုမ္ပဏီကို တစ်စိတ်တစ်ပိုင်း ပိုင်ဆိုင်ခြင်းမျိုးပါပဲ။
ဥပမာ။ စာဖတ်သူက ကုန်စုံဆိုင်လေးတစ်ဆိုင် တည်ချင်လို့ဆိုပါတော့။ တည်ရင် ၁၀ သိန်းကုန်ကျမယ်လို့ စာဖတ်သူ ယူဆပါတယ်။ ဒါပေမဲ့စာဖတ်သူဆီမှာ လိုအပ်တဲ့ပိုက်ဆံအားလုံးမရှိပါဘူး။ အဲဒီလိုဆိုတော့ စာဖတ်သူက ကိုယ့်ဆိုင်ကို ဆယ်ပုံပုံဖို့စဉ်းစားပါတယ်။ တစ်ပုံကို တစ်သိန်းတန်ပါတယ်။ အဲဒီ ၁၀ ပုံက shares of stock (အစုရှယ်ယာ) လို့ခေါ်ပါတယ်။ တစ်သိန်းက share တစ်ခုရဲ့ဈေးနူန်းပါ။ Price of a share လို့ခေါ်ပါတယ်။ မိသားစုဝင် ဆယ်ယောက်က စာဖတ်သူရဲ့ stocks တွေကိုဝယ်လိုက်ပါတယ်။ စာဖတ်သူက ပိုင်ဆိုင်ကြောင်း တရာဝင် စာရွက်ကိုထုတ်ပေးပါတယ်။ စာရေးသူဆီမှာ လိုချင်တဲ့ ၁၀ သိန်းရပါပြီ။

Microsoft Stock Certificate
တစ်နှစ်ကြာပြီးတဲ့ အခါ စာဖတ်သူရဲ့ဆိုင်က အမြတ် ၁သိန်းရပါတယ်။ အဲဒီ အမြတ်ကို stock ၁၀ခုနဲ့စားလိုက်ပါ။ share တစ်ခုအတွက် အမြတ် ၁ သောင်းရပါတယ်။ ရှယ်ယာတစ်ခုပေါ်က ၁သောင်း အမြတ်ကို earnings per share (EPS) လို့ခေါ်ကြပါတယ်။ အဲဒါနဲ့ စာဖတ်သူက ဒါရိုက်တာအဖွဲ့ board of directors (ရှယ်ယာပိုင်ရှင်တွေက စီးပွားရေးကို သူတို့ကိုယ်တိုင် မစောင့်လျှောက်နိုင်လို့ ခန့်ထားတဲ့ လူတွေပါ) ကိုခေါ်ပြီး အမြတ် ၁သောင်းထဲမှ အစုရှယ်ရာဝင်တွေအတွက် ၅၀၀၀ ကိုအမြတ်အဖြစ် ပြန်ပေးဖို့ဆုံးဖြတ်ပါတယ်။ အဲဒီ ရှယ်ယာပေါ်မှာ ပေးတဲ့ အမြတ်ကို dividend လို့ခေါ်ပါတယ်။ ကျန်တဲ့ ၅၀၀၀ ကိုတော့ စီးပွားရေးချဲ့ထွင်ဖို့အတွက် ကုမ္ပဏီထဲပြန်ထည့်ပါတယ်။ အဲဒါကိုတော့ retained earning လို့ခေါ်ပါတယ်။ အမြတ် ၁ သောင်းလုံး ကိုလဲ အစုရှယ်ယာပိုင်ရှင်တွေကိုပေးလိုက်လို့ရပါတယ်။ ဒါပေမဲ့ အားလုံးပေးလိုက်တဲ့အခါ ကုမ္ပဏီကို ချဲ့ထွင်ဖို့၊ ကုမ္ပဏီရဲ့ကုန်ကျစရိတ်တွေအတွက် သုံးဖို့မရှိတော့ပါဘူး။ အားလုံးဆုံးဖြတ်ချက်ချပြီးသွားတဲ့ အခါမှာတော့ အစုရှယ်ယာဝင်တွေကို ကြေညာပါတယ်။ အစည်းအဝေးခေါ်လို့လဲရပါတယ်။
ယခုမြန်မာပြည်မှအစုရှယ်ယာပိုင်ရှင် အစည်းအဝေးတွေလဲ တခြားဖွံ့ဖြိုးဆဲနိုင်ငံတွေက အစည်းအဝေးတွေနဲ့မခြားပါဘူး။ ကုမ္ပဏီရဲ့အမြတ်တွေအကြောင်း၊ ငွေရေးကြေးရေးတွေ အကြောင်း၊ ရေတိုရေရှည် ခန့်မှန်းချက်တွေအကြောင်းပြောပြကြတာချည်းပါပဲ။ ဒါပေမဲ့ ယခုမြန်မာ့ ရင်းနှီးမြုပ်နှံသူ investor တွေကတော့ dividend ကလွဲပြီး တခြားဝင်ငွေမရကြပါဘူး။ stock market မရှိလို့ပါ။ stock market မှာ ကိုယ်ပိုင်တဲ့ stock တွေကို လွတ်လပ်စွာ ၀ယ်ယူခွင့်ရှိသလို၊ ရောင်းချင်တဲ့ stock ကိုလဲရောင်းနိုင်ပါတယ်။ ကြားခံ ပွဲစား broker ကနေတဆင့်ဝယ်ရောင်းလုပ်တာပါ။ ၀ယ်ရောင်းလုပ်ရာကနေ မြတ်နိုင်ပါတယ်။
stock market ကလိုလားလို့ မေးနိုင်ပါတယ်။ stock market ရှိတော့ ကုမ္ပဏီ အသေးအကြီးအများကြီး ဖွင့်လာနိုင်ဖို့ရှိပါတယ်။ လုပ်သားတွေအတွက် အလုပ်အခွင့်အရေးတွေ အများကြီးပိုပွင့်လာမယ်။ တိုင်းပြည်ရဲ့ ထုတ်ကုန်တိုးတက်လာမှာဖြစ်ပါတယ်။ လူနေမှုအဆင့်အတန်းပိုမိုမြင့်မားလာမှာဖြစ်ပါတယ်။ ယခုတလောလေးတင်ကပဲ မြန်မာပြည်မှာ stock market ဖွင့်မဲ့ သတင်းတွေထွက်ပေါ်လာပါတယ်။ ပုံမှန်အရ stock market ဖွင့်မဲ့ သတင်းဟာ သတင်းကောင်းပါ။
Myanmar looks at stock market to attract capital
သို့သော် stock market ကိုလွယ်လွယ်နဲ့ ဖွင့်လိုက်လို့ရတဲ့အရာ မဟုတ်ပါဘူး။ stock market ကိုယုံယုံကြည်ကြည် နှင့်ရင်းနှီးမြုပ်နှံသူတွေများလာမှသာ အထက်ပါ အကျိုးခံစားခွင့်တွေရလာမှာပါ။ ဥပမာ။ ကုမ္ပဏီတွေက ၀င်ငွေ၊ ထွက်ငွေ၊ အမြတ်တွေကို အမှန်အကန်မပြဘဲ လိမ်လည်မယ်၊ အစုရှယ်ယာဝင်တွေပေါ်မှာ စာရင်းလိမ်မယ်ဆိုရင် ရင်းနှီးမြုပ်နှံသူတွေက မမြုပ်နှံချင်ကြပါဘူး။ နောက်ပြီး တကိုယ်တော်သမားတွေက ကုမ္ပဏီအတွင်းက အရေးကြီးသတင်းတွေနဲ့ မတရားနည်းလမ်းတွေသုံးပြီး အမြတ်ထုတ်တာတွေ၊ stock ဈေးကစားတာမျိုးတွေကို အစိုးရက အပြစ်မယူဘဲ လွှတ်ထားမယ်ဆိုရင် stock market ပေါ်မှာ ရင်းနှီးမြုပ်နှံဖို့ ယုံကြည်ချက်ရှိမှာ မဟုတ်ပါဘူး။ အဲဒီလိုဆိုရင် နဂိုမူလအတိုင်းပဲ အကျိုးမထူးတဲ့ အဖြစ်ပဲ ရောက်မှာပါ။
ထိုသို့ stock market ကိုဖွင့်ပေးဖို့ စဉ်းစားတော့မယ်ဆိုရင် ကုမ္ပဏီတွေရဲ့ စာရင်းတွေကိုစစ်ဖို့ စာရင်းစစ်တွေလိုပါမယ်။ စာရင်းဟောင်းတွေကို ထိန်းသိမ်းဖို့လိုပါတယ်။ အစိုးရအနေနဲ့လဲ တရားဥပဒေနဲ့ အညီ ထိုလိမ်လည်တဲ့ ကုမ္ပဏီတွေကို ပြစ်ဒဏ်ချရပါမယ်။ ၀င်ငွေခွန်တွေကိုလဲ ကုမ္ပဏီတိုင်း စနစ်တကျကောက်ခံဖို့လိုပါတယ်။ ထို့အပြင် အတွင်းသတင်းနဲ့ ဈေးကစားတဲ့ သူတွေ၊ အတွင်းသတင်းနဲ့ အမြတ်ထုတ်တဲ့သူတွေကို အပြစ်ချမှတ်ရမှာ ဖြစ်သလို၊ မဖြစ်အောင်ကာကွယ်မဲ့ ကြိုတင်ပြင်ဆင်မှုတွေလုပ်ဖို့လိုပါတယ်။
ဒီ post လေးက stock နဲ့ stock market အကြောင်းကို အကျဉ်းချုပ်တင်ပြတာပါ။
ယခုတော့ ဒီလောက်နဲ့ပဲ ရပ်ပါရစေ။ နောက်ထပ်လဲ stock, stock market အကြောင်းများအကျယ်တ၀င့် ဆက်လက်ရေးသားပါမယ်။
ဈေးကွက်နဲ့ အစိုးရရဲ့ အခန်းကဏ္ဍ (ဝါ) နိုင်ငံရေးဘောဂဗေဒ

နိုင်ငံရေး ဘောဂဗေဒ ဆိုတာ ဘယ်လို ဘာသာရပ်မျိုးလဲ ဆိုတာ မသိသေးတဲ့ စာဖတ်သူတို့ သိချင်ကြပါလိမ့်မယ်။ သိချင်တယ်ပဲ ဆိုပါစို့ (ဇွတ်ကြီးပါလားနော်)။ ဘောဂဗေဒ/စီးပွားရေး (economics) နဲ့တူသလား။ နိုင်ငံရေးသိပ္ပံ ဘာသာရပ် (political science) ရဲ့ အခွဲတခုလား။ ဘယ်လို ကိစ္စ၊ အကြောင်းအရာတွေကို လေ့လာတာလဲ စသဖြင့်ပေါ့။
ကျွန်တော် ကိုယ်တိုင်လည်း အစက ဘာမှန်းမသိပဲ ယူလိုက်တာပါ။ ဘာမှန်းမသိဘူးဆိုပေမယ့်
သင်ရမယ့် အကြောင်းအရာတွေတော့ သိတာပေါ့လေ။ အောက်ပါ အကြောင်းအရာတွေ၊ မေးခွန်းတွေကို စိတ်ဝင်စားရင်တော့ စာဖတ်သူတို့လည်း နိုင်ငံရေးဘောဂဗေဒကို စိတ်ဝင်စားပါလိမ့်မယ်။ ကျွန်တော်လည်း အဲဒါတွေ သိချင်လို့ စီးပွားရေး ဘာသာရပ်မဟုတ်ပဲ ဒီဘာသာကို လေ့လာဖြစ်ခဲ့တာပါ။
အကြောင်းအရာ တချို့ကတော့
* မြင့်မားလာတဲ့ သုံးစွဲမှု (rising consumer demand) နဲ့ အရင်းအမြစ်လျော့နည်းလာမှု၊ ပတ်ဝန်းကျင် ညစ်ညမ်းမှုတို့ကို လျော့ချရေးတို့ အကြား လွန်ဆွဲမှုကို ဘယ်လို ဖြေရှင်းမလဲ။
* အရင်းရှင်စနစ်၊ ဆိုရှယ်လစ်စနစ်နဲ့ အခြားနိုင်ငံရေးဘောဂဗေဒ စနစ်တို့ အကြား ဦးတည်ချက်၊ မျှော်မှန်းချက် ကွာခြားမှုတွေက ဘာတွေလဲ။
* ဒီမိုကရေစီ နိုင်ငံရေးစနစ်နဲ့၊ အာဏာရှင်စနစ်တို့ရဲ့ ဦးစားပေးဆောင်ရွက်ပုံ ကွာခြားချက်တွေက ဘာတွေလဲ။
* ကမ္ဘာ့နိုင်ငံတွေ အပြန်အလှန် အမှီသဟဲ ပြုနေကြတော့ နိုင်ငံတွေရဲ့ အစိုးရတွေက သူတို့ရဲ့ ပြည်တွင်းအလုပ်လက်မဲ့ အရေး၊ ငွေကြေးဖောင်းပွမှု ကိစ္စ၊ ကုန်သွယ်ရေး လိုငွေပြမှု၊ လူမှုဖူလုံရေး ကိစ္စတွေကို ဖြေရှင်းရာမှာ ဘယ်လိုအခက်အခဲတွေ ရှိနိုင်သလဲ။
အဲဒါတွေကတော့ နိုင်ငံရေး ဘောဂဗေဒ ဘာသာရပ်ရဲ့ မေးခွန်းတချို့ပါ။ စာဖတ်သူတော့ မသိဘူး။ ကျွန်တော် ကတော့ တော်တော်ကျယ်ပြန့်တယ်လို့ အမြဲခံစားရပါတယ်။ ဒါပေမယ့် အခုထိ စာဆန်နေပါသေးတယ်။ အရပ်စကားနဲ့ ပြောနိုင်အောင် ကျွန်တော် ကြိုးစားကြည့်မယ်။ သမိုင်းကောက်ကြောင်းကို ပြန်လိုက်ရင်းနဲ့ပေါ့။ အဲဒီတော့ လက်ရှိ ကျွန်တော်တို့ မြင်တွေ့နေရတဲ့ လူအဖွဲ့အစည်းကနေ ခဏခွါမယ်၊ ကျောက်ခေတ်လူသားဘဝကို ပြန်သွားကြည့်ကြရအောင်။
လူရယ်လို့ ဖြစ်လာတော့ ကျွန်တော်တို့မှာ စား၊ဝတ်၊နေ ရေးဆိုတဲ့ လူတွေ အသက်ရှင်သန်နိုင်ဖို့ အခြေခံ လိုအပ်ချက်တွေရှိပါတယ်။ ဒါပေမယ့် ကျောက်ခေတ်တုန်းက ဘာဥပဒေမှ မရှိ၊ အုပ်ချုပ်သူလူတန်းစားမရှိ၊ အစိုးရမရှိပဲ နေကြတယ် ဆိုပါတော့။ အဲဒီတော့ အခြေခံလိုအပ်ချက်တွေ အတွက် လုကြယက်ကြ၊ သတ်ကြဖြတ်ကြပေါ့။ (တိရိစ္ဆာန်နဲ့ အလားတူပဲ) ကြီးနိုင်ငယ်ညှင်း လုပ်ကြတာပေါ့။ အဲဒီ အခြေအနေကို ပုံမှန် သဘာဝအနေအထား (state of nature) လို့ သောမတ်စ်ဟောပ့် (Thomas Hobbes) က ပြောပါတယ်။ လူတွေအားလုံး တစ်ယောက်ကို တစ်ယောက် ဆော်ပလော်တီးနေကြတဲ့ ခေတ်ကြီးပေါ့၊ “war of every man against every man” တဲ့။ အဲဒီတော့ အုပ်ချုပ်သူရှိမှ လူ့ဘောင်လောကကြီး အေးချမ်းမယ်၊ အရှည်တည်တံ့မယ်၊ စားဝတ်နေရေးအတွက် သတ်ကြဖြတ်ကြတာတွေ ပျောက်ကွယ်သွားမယ်လို့ ဟော့ပ်ကဆိုပါတယ်။ ဂျွန်လော့(က်) (John Locke) တို့၊ ရူးဆိုး (Rousseau) တို့ ပြောထားတာတွေကို ကျော်လိုက်မယ်။ အစိုးရတစ်ရပ်ရှိတဲ့အဆင့်ရောက်သွားပြီ။ လူတို့ရဲ့ အသက်အိုးအိမ်စည်းစိမ်ကို ကာကွယ်လိုက်နိုင်ပြီ။ ဘယ်လို အစိုးရပုံစံပဲ ဖြစ်ဖြစ်ပေါ့။
ဒီလိုနဲ့ နိုင်ငံရေးဘောဂဗေဒ ဆိုတဲ့ အသုံးအနှုန်းဟာ ၁၈ ရာစုမှာ စတင်ပေါ်ပေါက်လာတယ်ပဲ ဆိုပါစို့။ ဆိုပါစို့လို့ ပြောရတဲ့ အကြောင်းရင်းက ခေတ်ဟောင်း နိုင်ငံရေးဘောဂဗေဒ (Classical Political Economy) ကို လေ့လာရာမှာ Hobbes အရင် ၁၆ ရာစု အစောပိုင်းက မာခီဗယ်လီ (Machiavelli) ရေးတဲ့ “The Prince” က စလို့ပါ။ အုပ်ချုပ်သူ မင်းသားဟာ (တရားဥပဒေ အရမဟုတ်ပဲ) အတင်းအဓမ္မ အင်အားသုံး အုပ်ချုပ်မှသာ နိုင်ငံရေး တည်ငြိမ်မယ်၊ အာဏာတည်မြဲမယ်လို့ ဆိုပါတယ်။ ဒါပေမယ့် ဘယ်လိုပဲ အုပ်ချုပ်ချုပ် အာဏာတည်မြဲချင်ရင်တော့ အုပ်ချုပ်ခံ ပြည်သူတွေရဲ့ ဥစ္စာဓနကိုတော့ သွားမထိနဲ့လို့ မာခီဗယ်လီက ပြောထားပါတယ်။
ကဲ ၁၈ ရာစုပဲ ပြန်လှည့်ရအောင်ပါ။ ဘောဂဗေဒ/စီးပွားရေး ဆိုတဲ့ အသုံးဟာ ဂရိဘာသာက ဆင်းသက်လာတာပါ။ အိုးအိမ်ခန့်ခွဲမှု (household management) လို့ ဆိုပါတယ်။ လူတို့ရဲ့ လိုအပ်ချက်တွေကို မိသားစုဝင် အချင်းချင်း၊ အမျိုးအချင်းချင်း၊ လူမျိုးနွယ်စု (tribe) ဝင် အချင်းချင်း ရိုင်းပင်းဖြေရှင်းကြတာမျိုးပါ။ ၁၈ ရာစုကစခဲ့ပြီး လက်ရှိသုံးနေတဲ့ ဘောဂဗေဒ သဘောတရားကတော့ သွေးမတော် သားမစပ်တဲ့ အိုးအိမ် မိသားစုတွေအကြား လူတို့ရဲ့ လိုအပ်ချက်တွေကို အပြန်အလှန် ဖြေရှင်းနိုင်ကြတဲ့ စံနစ်မျိုးပါ။ နိုင်ငံရေးဘောဂဗေဒ (ဝါ) နိုင်ငံရေးဆိုင်ရာ စီးပွားရေး ကတော့ အုပ်ချုပ်ရေးပိုင်း၊ အစိုးရပိုင်းက စီးပွားရေးရာ ကိစ္စတွေမှာ ဝင်ရောက်စီမံခန့်ခွဲခြင်းလို့ ဆိုနိုင်ပါတယ်။ အုပ်ချုပ်ခံ ပြည်သူတို့ရဲ့ အခြေခံလိုအပ်ချက်တွေကို ပြည့်မှီအောင် ဆောင်ရွက်ပေးဖို့ အစိုးရမှာ တာဝန်ရှိတယ် ဆိုတဲ့ သဘောပါ။ (အခုခေတ်မှာတော့ အဲဒီအခြေခံလိုအပ်ချက်ဆိုတာတွေထဲမှာ ရေ၊ မီး၊ လောင်စာဆီ လုံလုံလောက်လောက် ရရှိရေး၊ ပညာရေး ပံ့ပိုးမှု၊ ကျန်းမာရေး စောင့်ရှောက်မှု၊ လမ်းပန်း ဆက်သွယ်ရေး ကောင်းမွန်မှု၊ အလုပ်အကိုင် ဖန်တီးပေးရေး၊ စိုက်ပျိုးရေးကဏ္ဍမှာ ထောက်ပံ့ကြေးပေးရေး၊ သုတေသနကို ထောက်ပံ့အားပေးရေး၊ သဘာဝပတ်ဝန်းကျင် ထိန်းသိမ်းရေး စတာတွေပါ ပါဝင်နေတယ်လို့ဆိုနိုင်ပါတယ်။) ဒါပေမယ့် အစိုးရက ဘယ်လောက် အတိုင်းအတာထိ ဝင်ရောက်ဆောင်ရွက်သင့်တယ် ဆိုတာကတော့ နိုင်ငံရေးဘောဂဗေဒ ဘာသာရပ်ရဲ့ အမြဲတမ်း ငြင်းခုန်နေရတဲ့ ကြီးမားတဲ့ ပြဿနာ တစ်ရပ်ပါ။ (ကိုယ်သန်ရာ၊ နှစ်သက်ရာ က ကြည့်တဲ့ရှုထောင့်တွေအပေါ်မှာ မူတည်ပြီး အဖြေအမျိုးမျိုး ကွဲပြားနိုင်လို့ သတ်သတ်မတ်မတ်အဖြေတချို့ကို ဒီနေရာမှာ ပေးမထားပါ၊ စာဖတ်သူတို့ ကိုယ်ကြိုက်သလို ယူဆဖို့နဲ့ စဉ်းစားဖိုအတွက့် လေ့ကျင့်ခန်းပါ။ ဥပမာ ဒီနေရာမှာ အရင်းရှင်စနစ်နဲ့ ဆိုရှယ်လစ် စနစ်တို့ကြား ကွားခြားပုံကို နှိုင်းယှဉ်ကြည့်နိုင်ပါတယ်။)
ခေတ်ဟောင်း နိုင်ငံရေးဘောဂဗေဒဟာ ၁၈ ရာစုနှောင်းပိုင်းနဲ့ ၁၉ ရာစု အစောပိုင်းတွေမှာ အဒမ်စမစ် (Adam Smith) တို့၊ ဒေးဗစ်ရီကာဒို (David Ricardo) တို့က စတင်ခဲ့ပါတယ်။ သူတို့က စီးပွားရေးမှာ အစိုးရရဲ့ ဝင်ရောက်စွက်ဖက်မှုကို အနည်းဆုံးထိလျော့ချဖို့ ပြောလာပါတယ်။ ဈေးကွက်က သူ့အလိုလို လူတို့လူအပ်နေတဲ့ ကုန်ပစ္စည်းတွေကို အဆင်ပြေချောမွေ့စွာ ထုတ်လုပ်၊ ရောင်းချ၊ ဝယ်ယူနိုင်တယ်။ အဲဒါကို အင်္ဂလိပ်လို (Self-Regulating Market) လို့ ခေါ်ပါတယ်။ (Laissez-Faire) လို့လဲ ပြောပါတယ်။ အများပြည်သူတို့ အတူတကွ အကျိုးရှိစေတဲ့ (public goods) တွေဖြစ်တဲ့ ပညာရေး၊ နိုင်ငံကာကွယ်ရေး (national defense) စတာတွေကလွဲလို့ ကုန်ထုတ်လုပ်မှုမှာ၊ ကုန်သွယ်ရေးမှာ၊ စိုက်ပျိုးရေးမှာ အစိုးရဝင်ရောက် စွက်ဖက်မှာ မလိုလားတဲ့ သဘောပါ။ ဒီလိုပြောရတာ သူတို့မှာလည်း အကြောင်းရှိပါတယ်။ အဓိက က အကျိုးမများတာ၊ စွမ်းဆောင်ရေမကောင်းတာ် (inefficient)ရယ်၊ ပြီးတော့ ဆွေစဉ်မျိုးဆက် မြေပေါ်ခွထိုင်ပြီး ဘာမှ မယ်မယ်ရရ အလုပ်မရှိတဲ့ မြေပိုင်ရှင်တွေရဲ့ အကျိုးကို နိုင်ငံရေးမှာ မျက်နှာသာရ ကာကွယ်ပေးထားလို့ပါ။ Corn Laws လို့ခေါ်တဲ့ ကောက်ပဲသီးနှံမျိုးစုံကို ဈေးချိုချိုသွင်းလို့ရတဲ့ နိုင်ငံခြားသီးနှံသွင်းကုန်တွေ ရဲ့ယှဉ်ပြိုင်မှုကနေ ကာကွယ်ပေးထားလို့ပါ။ ဒီဟန့်တားမှုကြောင့် တစ်ခြားနိုင်ငံတွေကိုလည်း အင်္ဂလန်ရဲ့ စက်မှုထုတ်ကုန်တွေ လွတ်လွတ်လပ်လပ် တင်ပို့လို့ မရတော့ဘူးလေ။ ဒီလိုနဲ့ စားသုံးသူတွေ၊ စွန့်စွန့်စားစား တီထွင်လုပ်ကိုင်ရတဲ့ စက်မှုလုပ်ငန်းပိုင် အရင်းရှင်တွေ နစ်နာနေလို့၊ ကုန်ကုန်ပြောရရင် နိုင်ငံတခုလုံး အတိုင်းအတာနဲ့ပါ နစ်နာနေလို့ပါ။
ဒီဘက်ခေတ်မှာတော့ ခေတ်ဟောင်း နိုင်ငံရေး ဘောဂဗေဒဟာ စီးပွားရေး ဘာသာရပ် (Economics) အသွင်ပြောင်းသွား ပါတယ်၊ တနည်းပြောရရင် ဘောဂဗေဒ လို့ ပြောင်းခေါ်ခဲ့ပါတယ်။ ဘာကြောင့်လဲဆိုတော့ အစိုးရမှာ လူတို့ရဲ့ အခြေခံလိုအပ်ချက်ကို ဖြည့်ဆည်းပေးဖို့ စီးပွားရေးရာတွေမှာ စီမံခန့်ခွဲပေးဖို့ ဘာမှတာဝန်မရှိတော့လို့ပါ။ စီပွားရေးနဲ့ နိုင်ငံရေးကို ခွဲခြားဆက်ဆံဖို့ပါ။ (နယ်နိမိတ် ကန့်သတ်ပြောဆိုဖို့ကတော့ တော်တော်လေး ခဲယဉ်းပါတယ်။ ဒီအတိုင်းပဲ ထားလိုက်ပါ။) အဲဖရက် မာရှယ် (Alfred Marshall) ခေတ်မှာ (၁၈၄၂ – ၁၉၂၄) တော့ လူ့ကျင့်ဝတ်ဆိုင်ရာ ဒဿနိကဗေဒ (Moral Philosophy)၊ သမိုင်းဘာသာ နဲ့ ဥပဒေပညာ တို့အောက်က ခွဲထွက်ပြီး စီးပွားရေး ဘာသာရပ်ကို ဌာနတစ်ခုအနေနဲ့ ကိန်းဘရစ်တက္ကသိုလ်မှာ သီးသီးသန့်သန့် စထောင်နိုင်ခဲ့ပါတယ်။ စီးပွားရေး သက်သက် စဉ်းစားဖို့ ဆိုပါတော့။
ဒါပေမယ့် နှစ်ဆယ်ရာစု အစပိုင်းမှာတော့ ခေတ်ဟောင်း စီးပွားရေးပုံစံ (Classical approach) ဟာ မဟန်ပြန်ပါဘူး။ ပြီးတော့လည်း လွန်ခဲ့တဲ့ နှစ်သုံးဆယ်လောက် ကစပြီး လူမှုရေးသိပ္ပံ ပညာရှင်တွေက စီးပွားရေးနဲ့ နိုင်ငံရေးဟာ သီးသီးသန့်သန့်ကြီး ခွဲထားလို့ မရစကောင်းဘူးလို့ ပြောလာပါတယ်။ တချို့ကလည်း ကားမတ်(စ်) (Karl Marx) အဆိုကို ထောက်ခံကြပါတယ်။ တကယ်တော့ ကားမတ်(စ်) ကလည်း ခေတ်ဟောင်း အုပ်စု ထဲမှာ ပါပါတယ်။ သူကလည်း အရင်းရှင်စီးပွားရေးနဲ့ နိုင်ငံရေးဟာ သိပ်ပတ်သက်လွန်းတယ်လို့တော့ မထင်ပါ။ ဒါပေမယ့် သူထောက်ပြတာက အရင်းရှင်စီးပွားရေး စနစ်ထဲကပဲ အားကောင်းတဲ့ နိုင်ငံရေး အုပ်စုတွေ (ဥပမာ အရင်းရှင်တွေ၊ ကုန်ထုတ်လုပ်မှု စက်ပစ္စည်း ပိုင်ဆိုင်သူတွေ) ပေါ်ထွက်လာပြီး အုပ်ချုပ်ရေးမှာ ခြယ်လှယ်လာပြီး လူတန်းစားမညီမျှမှုအဆင့်ကို ရောက်လာတာမျိုးပါ။ ဒါကြောင့် သူက အရင်းရှင်စနစ်ဟာ ရေရှည်မှာ မတည်တံ့ပဲ ကျရှုံးမဲ့ စနစ်လို့ မြင်တာပါ။ ဒါပေမယ့် တကယ်တမ်း ရေရှည်မှာ အလုပ်မဖြစ်ပဲ ကျရှုံးခဲ့တာက ကွန်မြူနစ်နှင့် ဆိုရှယ်လစ် စီးပွားရေး စနစ်တွေပါ။ ရေတိုမှာတော့ အရမ်းအောင်မြင်ခဲ့ပါသေးတယ်။ ဥပမာ – ဆိုဗီယက် ပြည်ထောင်စုက အမေရိကန်ကို စပွတ်နစ် ဒုံးပျံလွှတ်တင်မှုနဲ့ ရှော့ရသွားစေခဲ့ပါတယ်။ စက်မှုဖွံဖြိုးရေးနဲ့ စီးပွားရေးကောင်းအောင် တည်ဆောက်ရာမှာ ဆိုရှယ်လစ်စီးပွားရေးစနစ်က အရင်းရှင်စံနစ်ကို ကာလတစ်ခုအထိ ကျော်တက်သွားခဲ့ပါတယ်။

အဒမ်စမစ် (Adam Smith) က စပြီး အလံတလွင့်လွင့် ထူနိုင်ခဲ့တဲ့ အရင်းရှင်စီးပွားရေးစနစ် ဟာ ပထမကမ္ဘာစစ် မတိုင်ခင်ထိပဲ ကောင်းကောင်းလည်ပတ်နိုင်ခဲ့ပါတယ်။ ကမ္ဘာစစ်ကြီးနှစ်ခုနဲ့ ဒုတိယ ကမ္ဘာစစ်ပြီး ကာလမှာ အစိုးရဝင်မပါပဲ နိုင်ငံတွေရဲ့ စီးပွားရေးတွေ မလည်ပတ်နိုင်တော့ပါဘူး၊ တနည်းပြောရရင် အရင်းရှင် စနစ်ဟာ ဘေးပယောဂ (အစိုးရ) မပါပဲ မလည်ပတ်နိုင်တော့ပါဘူး။ ဒါကြောင့်မို့ ဈေးကွက်ပျက်သွားတဲ့ (Market failure) အချိန်မှာ အစိုးရက ဝင်ရောက် ကူညီဆောင်ရွက်ပေးဖို့၊ ယိမ်းယိုင်နေတဲ့ စီးပွားရေးကို လမ်းကြောင်းပေါ် ပြန်တည့်မတ်ပေးဖို့၊ အလုပ်အကိုင် အခွင့်အလမ်းတွေကို အစိုးရက အိတ်စိုက်ပြီး ဖန်တီးပေးဖို့တွေကို ဂျွန် မေးနတ် ကိန်း (John Maynard Keynes) က တိုက်တွန်းပါတယ်။ သူရဲ့ ထင်ရှားတဲ့ အဆိုကတော့ ရေရှည်မှာ ငါတို့တွေ ရှိကြတော့မှာ မဟုတ်လို့ စီးပွားရေး ပြန်ကောင်းလိမ့် နိုးနိုး စောင့်မနေသင့်ဘူး လို့ ပြောချင်တဲ့ စကားလေး တစ်ရပ်ပါ။ “In the long run, we are all dead” တဲ့။ ဒါကြောင့် ပြည်သူတွေကို မသေခင် ထမင်းနပ်မှန်အောင် စားစေချင်ရင် အစိုးရက ဝင်ထိန်းပေးပါတဲ့။ (နောက်ဆုံး စာကြောင်းက ဇာတ်နာအောင် ကျွန်တော် လက်ဆော့ လိုက်တာပါ) ကိန်းရဲ့ အဆိုပြုချက်ဟာ လက်တွေ့ အသုံးဝင်ခဲ့ပါတယ်။ ကမ္ဘာ့ပြဿနာဖြစ်တဲ့ စီးပွားရေးကပ်ဆိုးကြီး (Great Depression) ကို အောင်မြင်စွာ ကျော်လွှားနိုင်ခဲ့ကြပါတယ်။ အထင်ရှားဆုံး ဥပမာကတော့ ဖရန်ကလင်း ဒီ ရူးစ်ဘက် (Franklin D. Roosevelt) ရဲ့ အမေရိကန်နိုင်ငံမှာ အလုပ်အကိုင် ဖန်တီးပေးခြင်းပါ။ အမျိုးသား ဥယျာဉ် (national parks) တွေ၊ အဝေးပြေး ကားလမ်းမတွေ ဖောက်စေခဲ့ပြီး အလုပ်အကိုင် ဖန်တီးပေးခဲ့ရာက စီးပွားရေး ပြန်ဦးမော့လာတာပါ။ အမေရိကန်မှာတော့ ကိန်းရဲ့ လွှမ်းမိုးခဲ့ပုံက အမေရိကန်စီးပွားရေးဟာထိန်းချုပ်ကန့်သတ်ထားတဲ့ အရင်းရှင်စနစ်(Regulatory Capitalism) အနေနဲ့ ၁၉၇ဝပည့်နှစ်တွေထိ ရှိခဲ့ပါတယ်။
ဒီအတောအတွင်းမှာပဲ ဒုတိယကမ္ဘာစစ်ပြီးလို့ အာရှတိုက်နိုင်ငံတွေ၊ လက်တင်အမေရိက နိုင်ငံတွေဟာ အရင်းရှင်စနစ်ကို လက်ခံဖို့ ကြောက်ရွှံ့ခဲ့ကြပါတယ်။ ဘာလို့လဲဆိုတော့ နိုင်ငံရေးအရတော့ လွတ်လပ်ရေးရခဲ့ပြီ၊ အလားတူပဲ စီးပွားရေးပိုင်းမှာလည်း အမှီအခိုကင်းတဲ့ ကိုယ်ပိုင် စီးပွားရေး ရပ်တည်ဖွံ့ဖြိုးမှုကို လိုလားလို့ပါ။ အရင်းရှင်စံနစ်ကျင့်သုံးတဲ့ ဥရောပနယ်ချဲ့နိုင်ငံတွေဟာ အရင်းရှင်စံနစ် အမည်ခံပြီး သူ့တို့ရဲ့ကိုလိုနီထဲသာ ဆွဲသွင်းခဲ့တယ်၊ လွတ်လပ်ရေးရလာတဲ့နိုင်ငံတွေဟာ ကိုလိုနီစံနစ်အောက်မှာ ဘာအကျိုးခံစားခွင့်မှ ရခဲ့တာ မဟုတ်ဘူးလေ။ နောက်တခုကလည်း လွတ်လပ်စ ဖွံ့ဖြိုးဆဲ နိုင်ငံတွေဟာ စက်မှုဖွံ့ဖြိုးတဲ့ အရှင်းရှင်နိုင်ငံတွေကို သဘာဝ အရင်းအမြစ်တွေ ဈေးပေါပေါနှင့် ရောင်းရပြီး ဈေးကြီးတဲ့ သွင်းကုန်တွေကို ပြန်ဝယ်နေရတော့ လွတ်လပ်ရေးရဲ့ အနှစ်သာရဟာပြောက်ဆုံးနေသလိုပါပဲ။ ဒါကြောင့် သွင်းကုန်အစားထိုး ကုန်ထုတ်လုပ်မှု (Import Substitution Industrialization) ကို အိန္ဒိယ နဲ့ လက်တင် အမေရိကနိုင်ငံတွေ အားလုံးလိုလို ကျင့်သုံးခဲ့ ပါတယ်။ (စကားမစပ် မြန်မာပြည်မှာလည်း သွင်းကုန်အစားထိုးလုပ်ခဲ့တယ် ဆိုတာ မှတ်မိနေပါသေးတယ်။) အဲဒီလုပ်ရပ်ဟာ အောက်ကျနောက်ကျဖြစ်ရခြင်း သဘောတရား (Dependency Theory) အပေါ်မှာ အခြေခံထားပါတယ်။ ဒီနေရာမှာ ကျွန်တော်ပြောခဲ့ဘူးတဲ့ သမိုင်းက ပေါ်လစီရွေးချယ်ရာမှာ သက်ရောက်မှုရှိတယ်ဆိုတာကို ပြနေတဲ့ထင်ရှားတဲ့ ဥပမာ တခုပါ။ လွတ်လပ်ပြီးခေတ် လက်ရှိစီးပွားရေး အခြေအနေ၊ အကျပ်အတည်းကို ရင်ဆိုင်ဖြေရှင်းရာမှာ သမိုင်းရဲ့ လွှမ်းမိုး မှုရှိနေလို့ပါ။
တဘက်မှာတော့ ဂျပန် နဲ့တရုတ်တို့က မတူညီတဲ့ စီးပွားရေးပုံစံတွေကို ရွေးချယ်ခဲ့ကြပါတယ်။ ဂျပန်က ပို့ကုန်ဦးစားပေး ကုန်ထုတ်လုပ်မှု (Export-oriented Industrialization) ကို ရွေးချယ်ခဲ့ပါတယ်။ ဒါပေမယ့် အစိုးရက ဦးဆောင်တဲ့ ဖွံ့ဖြိုးတိုးတက်မှုဖော်ဆောင်ရေး ပုံစံမျိုး (State-led Development) ပါ။ အခြေမခိုင်သေးတဲ့ စက်မှုကဏ္ဍတွေကို အစိုးရက ပြည်တွင်းမှာသာ ယှဉ်ပြိုင်စေပြီး ပြည်ပရဲ့ယှဉ်ပြိုင်မှုကို ကာကွယ်ပေးထားတဲ့ ပုံစံမျိုးပါ။ သွင်းကုန်ခွန်(Tariff) ကောက်တာမျိုး၊ သွင်းကုန်အရေအတွက်ကန့်သတ်တာ (Import quota) မျိုးတွေနဲ့ ပြည်ပယှဉ်ပြိုင်မှုတွေကို အကာအကွယ်ပေးတတ်ကြပါတယ်။ တရုတ်ကလည်း ၁၉၈ဝ ပြည့်နှစ်တွေမှာ အထူးစီးပွားရေးဇုန် (Special Economic Zones) တွေ ဖန်တီးပြီး နိုင်ငံခြားရင်းနှီးမြှုပ်နှံမှုကို အဲဒီဇုန်တွေမှာပဲ ဖိတ်ခေါ်ပြီး ကန့်သတ်ထားတာ၊ ကုန်သွယ်မှုတွေကိုလည်း အဲဒီဇုန်တွေကပဲလုပ်ရတာဟာ အရင်းရှင်စနစ်ကို သူ့နိုင်ငံမှာ မြေစမ်းခရမ်းပျိုး လုပ်ချင်တဲ့ သဘောပါ။ ဟဲလို တက်စတင်း ဝမ်း၊ တူး၊ သရီး ပေ့ါ။ အဲဒီကနေ နည်းပညာ၊ အတတ်ပညာ ဖိတ်စင်မှုတွေ (Technology and knowledge spillovers) ရှိလာမယ်၊ ပြည်တွင်း စက်မှုလုပ်ငန်းတွေ နိုင်ငံခြား ရင်းနှီးမြှုပ်နှံမှု ကတဆင့် ဖြစ်ထွန်းလာမယ်ဆိုတဲ့ သဘောပါ။ မအောင်မြင်ဘဲ ကျရှုံးခဲ့ရင်လည်း ဒေသဆိုင်ရာ စီးပွားရေး ကျဆုံးမှုသာဖြစ်ပြီး နိုင်ငံတခုလုံးရဲ့ စီးပွားရေး၊ နိုင်ငံရေးတို့မှာ မထိခိုက် စေချင်လို့ပါ။
သွင်းကုန်အစားထိုးလုပ်တဲ့ လက်တင်အမေရိကန်နိုင်ငံတွေ ၁၉၈၀ ပြည့်နှစ်တွေမှာ စီးပွားရေး အကျပ်အတည်းနဲ့ ရင်ဆိုင်ကြရပါတယ်။ (ရေနံစိမ်းထုတ်လုပ်ရောင်းချတဲ့ OPEC နိုင်ငံတွေရဲ့လောင်စာဆီ ကန့်သတ်ထုတ်လုပ်တင်ပို့မှု (Oil embargo) နဲ့လည်း ပတ်သက်ဆက်နွယ်နေပါတယ်။) သွင်းကုန်အစားထိုးတယ် ဆိုတာ တဘက်မှာ ပို့ကုန်တွေကိုလည်း အားမပေးပါဘူး။ သူတို့တွေ ခေတ်ဟောင်းကျမ်းရဲ့ (Classical theory) ရဲ့ (နိုင်ငံတိုင်းမှာ) အားသာချက် အားနည်းချက် တွေ ရှိတယ်ဆိုတဲ့ (Comparative advantage) သဘောတရားတွေ မသိလို့လား။ မဟုတ်ဘူးထင်ပါတယ်။ မယုံလို့ဖြစ်ပါလိမ့်မယ်။ သဘောတရားတွေ ဟာ သဘောတရားတွေ ပါ။ ဒါတွေဟာ အသိတရားကို အားနည်းစေပြီး အမှန်မမြင် အောင်လုပ်ထားတာ (Brain wash) လို့လည်း စွပ်စွဲလို့ရပါတယ်။ (နိုင်ငံတိုင်းမှာ) အားသာချက် အားနည်းချက် တွေရှိတယ်ဆိုတဲ့ သဘောတရား ပြောတာက တိုင်းပြည်တိုင်းဟာ ကိုယ်ရဲ့ အားသာတဲ့ ကုန်စည်တွေပဲထုတ်ပြီး ကုန်သွယ်ကြရင် အားလုံးအကျိုးပိုများမယ် ဆိုပါတယ်။ ဒါကြောင့် နိုင်ငံတစ်နိုင်ငံဟာ အကုန်ထုတ်စရာမလိုပါ။ အလွန့်အကျွံပြောရရင် တမည်ကောင်းထုတ်ပြီး ကုန်သွယ်ရင်လည်း ချမ်းသာနိုင်တာပါပဲ။ ဒါပေမဲ့ အဲဒီကုန်ပစ္စည်းဈေးကျရင်တော့ ပြဿနာရှိနိုင်တာပေါ့။ ပြီးတော့ Comparative advantage ဆိုတာကလည်း လုပ်ယူလို့ ရပါသေးတယ်။ ဥပမာ အထက်က ဂျပန်ရဲ့ လုပ်ပုံမျိုးပေါ့။ ဒီလိုနဲ့ သွင်းကုန်အစားထိုးတဲ့နိုင်ငံတွေဟာ ပြည်တွင်းဝယ်လိုအားတက်မလာတာကတစ်မျုိုး၊ ရေနံဈေးတက်လို့ ကုန်စည်ဈေးနှုန်းတက်လာတာ (ငွေကြေးဖောင်းပွမှု) ကတစ်ဖုံ၊ ကုန်ထုတ်လုပ်မှုအတွက်ဝယ်ထားတဲ့ စက်ယန္တားဖိုးတွေ မပေးချေနိုင်တာက တစ်ဒုက္ခနဲ့ သောကပင်လည်ဝေပါတော့တယ်။
အဲ… သီအိုရီတစ်ခုဟာ အမြဲတမ်းအလုပ်ဖြစ်လေ့ မရှိပါဘူး။ ၁၉၇၀ပြည့်နှစ်တွေမှာပဲ ကိန်းရဲ့ စီမံခန့်ခွဲမှုအောက်က အရင်းရှင်စနစ်၊ ထိန်းချုပ်ကန့်သတ်ထားတဲ့ အရင်းရှင်စနစ် (Managed Capitalism၊ Regulatory Capitalism) တို့ ပြဿနာစတက်ပါတယ်။ ဥပမာ အမေရိကန်နဲ့ ဗြိတိန်နိုင်ငံတွေမှာ ငွေကြေးဖောင်းပွမှုနှုန်း မြင့်မြင့်လာတယ်။ အလုပ်လက်မဲ့နှုန်း များများလာတယ်။ အဲဒီဖြစ်ရပ်နှစ်ခုလုံး တပြိုင်တည်းဖြစ်တာကို အင်္ဂလိပ်လိုတော့ “stagflation” လို့ခေါ်ပါတယ်။ စီးပွားရေးကို ဖေးကူဖို့သုံးစွဲတဲ့ အစိုးရ အသုံးစရိတ် (Fiscal Policy) တွေကလည်း မီးလောင်ရာ လေပင့်သလို ဖြစ်နေတယ်။ အမေရိကန်နဲ့ ဗြိတိသျှထုတ်ကုန်တွေဟာလည်း ကမ္ဘာ့ဈေးကွက်မှာ မယှဉ်နိုင်ဖြစ်လာတယ်။ (ဒါကလည်း အလုပ်သမားသမဂ္ဂ အဖွဲ့အစည်း (Labor Union၊ Trade Union) တွေအားကောင်းလာတာကြောင့် လုပ်ခဈေးမြင့်လာတာရယ်၊ ဂျာမနီနဲ့ ဂျပန် တို့က စက်မှုအင်အားကြီးနိုင်ငံတွေ ပြန်ဖြစ်လာတာတွေကြောင့်လည်း ပတ်သက်ဆက်နွှယ်နေပါတယ်။) ရစ်ချတ်နစ်ဆင် (Richard Nixon) က ပြည်တွင်း အကျပ်အတည်းကို ဖြေရှင်းဖို့ ရွှေနဲ့ ဒေါ်လာ ချိတ်ထားတာကို (gold standard) ကို ၁၉၇၁ ခုနစ်မှာ ဖျက်သိမ်းပါတယ်။ စီးပွားရေးမှာ အစိုးရက ဝင်ဝင်ပါနေလို့ ပြဿနာတွေ ဖြစ်နေတာပါ၊ ဈေးကွက် လွတ်လပ်ခွင့်ကသာ ပြဿနာတွေကို ဖြေရှင်းပေးမှာ၊ လူ့လွတ်လပ်ခွင့် (personal freedom) ကို အားပေးတာလို့ဆိုတဲ့ ဖရက်ဒရစ် ဟိုက်ရက် (Friedrich Hayek) နဲ့ မီလ်တန် ဖရိမန်း (Milton Friedman) တို့ရဲ့ Neoliberal Idea တွေရှေ့ရောက်လာပါတယ်။