“ငါ ဘယ်လိုအလုပ်မျိုးနဲ့အသက်မွေးရပါ့မလဲ” ဆိုတဲ့ သူတွေအတွက် အဆင့် ၃ဆင့်နဲ့ LinkedIn ကိုသုံးပြီး အဖြေရှာရအောင်

အလုပ်ရှာတယ်ဆိုတာ တကယ်တော့ သိပ်မလွယ်လှပါဘူး။ ဘယ်လိုအလုပ်မျိုးကို လုပ်ရမယ်ဆိုတာ မသေချာတဲ့သူအတွက်ဆိုရင်တော့ အလုပ်တစ်ခုရှာရတာ တကယ့်ကို ခက်ခဲတဲ့အလုပ်ပါ။

အဲ့အတွက် နယ်ပယ်အသီးသီးက ကျွမ်းကျင်ပညာရှင်တွေ စုစည်းတဲ့ကမ္ဘာ့အကြီးဆုံးကွန်ရက် (network)တစ်ခုဖြစ်တဲ့ LinkedIn ကိုသုံးပြီးသင်နဲ့ကိုက်ညီမယ့် အလုပ်တစ်ခုကိုရှာလို့ရပါတယ်။ သင်ဟာ မကြာသေးခင်ကမှ ဘွဲ့တစ်ခုရထားပြီးတော့ ရှေ့ဆက် “ငါ ဘယ်လိုအလုပ်မျိုးကို လုပ်ရမလဲ” လို့ ကိုယ့်ကိုယ်ကိုယ် မေးနေခဲ့မယ်ဆိုရင်တော့ စာရေးသူ ထောက်ခံထားတဲ့ အချက်လေးတွေကိုသာကြည့်ပြီး ကိုယ့်ဘ၀အတွက် ဘာလုပ်ရမယ်ဆိုတာကို ဆုံးဖြတ်နိုင်ပါလိမ့်မယ်။

(၁) အလုပ်အကိုင် စာရင်းခပ်ကြီးကြီး (Big List) တစ်ခုရအောင် ပြင်းပြင်းထန်ထန် အာရုံစိုက် စဉ်းစားရအောင်

သင်ဟာ ဘယ်လမ်းကြောင်းနဲ့အသက်မွေးရမယ်ဆိုတာကို ရေရေရာရာ မသိသေးဘူးဆိုရင် ကျွန်မကသင့်ကို ဘယ်လိုလမ်းကြောင်းကိုရွေးချယ်သင့်တယ်ဆိုတဲ့ အကြံဉာဏ်မျိုးတွေကို တင်ပြပေးသွားမှာဖြစ်ပါတယ်။

ပထမဆုံး သင့်ရဲ့စိတ်ကူးတွေကိုစပြီး စုလိုက်ရအောင်

(၁) လုပ်ချင်တဲ့ အလုပ်အကိုင်အမည် (Job Title)

(၂) ဘယ်လို အလုပ်ရှင်မျိုးဆီမှာလုပ်ချင်တာလဲ

(၃) သင့်ရဲ့ ၀ါသနာ

(၄) သင်ဘာကို စိတ်ဝင်စားတာလဲ စတာတွေက သင့်ရဲ့အသက်မွေးဝမ်းကျောင်း တစ်ခုဖြစ်လာနိုင်ပါတယ်။

ဒုတိယအနေနဲ့ သင့်ရဲ့ အယုံကြည်ရဆုံး မိတ်ဆွေသူငယ်ချင်းတွေကို သင်က ဘယ်လိုအလုပ်မျိုးမှာကျွမ်းကျင်တယ်လို့ မြင်လဲ၊ ဘယ်လိုအလုပ်မျိုးကို သင်ဆက်လုပ်သင့်သလဲဆိုတာကို အကြံဉာဏ်တောင်းကြည့်ပြီး သင့်ရဲ့စာရင်း(List)ထဲမှာ မှတ်ထားလိုက်ပါ။ သင့်ရဲ့စာရင်း(List)ထဲမှာ အလုပ်ခေါင်းစဉ်တွေက အမျိုးမျိုးကွဲနေပါလိမ့်မယ်။ အဲဒါပြဿနာမရှိပါဘူး။

(၂) ရှာမယ်၊ ရှာမယ်၊ ရှာမယ်

နောက်တစ်ဆင့်အနေနဲ့ စောစောက ချမှတ်ထားတဲ့ စာရင်းကိုယူပြီးLinkedIn's Advanced Searchထဲမှာ တစ်ခုချင်းစီကို ရိုက်ထည့်လိုက်ပါ။ အဲအခါမှာ သင်ရိုက်ထည့်လိုက်တဲ့စာလုံးနဲ့ပတ်သက်တဲ့ လင့်တွေပေါ်လာပါလိမ့်မယ်။ အဲဒီထဲကမှ သင်စိတ်ဝင်စားစရာကို ဆက်ပြီးကြည့်သွားနိုင်ပါတယ်။ ဥပမာ "writing"ဆိုတဲ့စာလုံးနဲ့ စလိုက်ရအောင်။ သင်ကစာရေးတာကိုဝါသနာပါတယ်။ စာရေးတာကိုလည်း သင့်ရဲ့ အသက်မွေးဝမ်းကျောင်းအစိတ်အပိုင်းတစ်ခုအနေနဲ့လုပ်ချင်တယ်။ ဒါပေမဲ့ အဲဒါနဲ့ ကိုက်တဲ့အလုပ်ကလည်းရှိ၊ မရှိ မသေချာဘူး၊ သင့်မှာလည်း စာရေးတဲ့အလုပ်ရဖို့ လိုအပ်တဲ့အရည်အချင်းရှိ၊ မရှိလည်း မသေချာသေးဘူးဆိုရင်တောင်မှ ပြဿနာမရှိသေးပါဘူး။ "Writing"ဆိုတဲ့စာလုံးကို LinkedIn's AdvancedSearch box ထဲမှာ ရိုက်ထည့်လိုက်ရင် LinkedIn Profile ထဲမှာ"writing" ဆိုတဲ့ စာလုံးပါတဲ့ သူတွေကျလာပါလိမ့်မယ်။

ဘယ်လိုအလုပ်ကို လုပ်မလဲ

"Writing" နဲ့ရှာလိုက်ရင်financial marketing writer, SEO copywriter, editor အစရှိတဲ့ အလုပ်တွေထွက်လာပါလိမ့်မယ် အဲဒီထဲမှာမှကိုယ်ကြိုက်တဲ့ ခေါင်းစဉ်ကိုတွေ့ရင်ဘယ်လိုလူမျိုးက ဒီအလုပ်ကို တင်ထားတာလည်း နောက်ဘာအလုပ်တွေ ဒီလူက ထပ်တင်ထားသေးလဲဆိုတာက သင့်ကိုစိတ်ဝင်စားစေမှာပါ။

ကိုယ်စိတ်ဝင်စားတဲ့ အလုပ်မျိုးကို ခန့်မယ့် အလုပ်ရှင်

ကိုယ်စိတ်ဝင်စားတဲ့ အလုပ်ကိုလက်ရှိလုပ်နေတဲ့ လူရဲ့ Profile မှာသူ့ company ကိုတွေ့ရင် အဲဒီcompany page ကိုသွားလေ့လာလိုက်ပါ။ Company ရဲ့အလုပ်အကိုင် အခွင့်အလမ်းတွေကို ဖော်ပြထားတဲ့ page မှာ သူတို့ ဘယ်လိုလူတွေကိုခေါ်နေလဲ၊ အခြား ဘယ်အလုပ်တွေက ကိုယ်နဲ့ကိုက်ညီလဲ၊ဆိုတာကို လေ့လာလို့ရပါတယ်။ Company ဘယ်လိုလူမျိုးကို ခန့်ထားချင်လည်းဆိုတာကိုလည်း လေ့လာလိုက်ပါ။

ဘယ် LinkedIn Group ထဲက လူတွေကို သင်နဲ့စိတ်ဝင်စားတာတူလဲ

LinkedIn Groups တွေကအလုပ်အကိုင်အခွင့်အလမ်းနဲ့ ပတ်သက်ပြီး ကျယ်ပြန့်တဲ့ ကွန်ရက်တစ်ခုဖြစ်တဲ့အတွက် အလုပ်ရဖို့ အလားအလာရှိတဲ့ အခွင့်အလမ်းတစ်ခုပါပဲ။ကိုယ့်မှာ မရှင်းမလင်းတာ တစ်ခုခုရှိနေရင်လည်း အဲဒါနဲ့ပတ်သက်ပြီးGroup ထဲမှာရှိတဲ့သူတွေကို တိုင်ပင်ပြီး အကြံဉာဏ်ရယူနိုင်ပါတယ်။

(၃) ကိုယ့်အတွက် စံပြပုဂ္ဂိုလ်တစ်ယောက်ကိုရှာထားလိုက်ပါ။

သင်ဟာ LinkedIn ထဲမှာအလုပ်အကိုင်သစ်ကို ရှာထားမယ်ဆိုရင် သင့် network ထဲက လူတချို့သို့မဟုတ် company တချို့ကို သတိပြုမိပါလိမ့်မယ်။ တချို့လူတွေက သူတို့အတွေ့အကြုံ၊ သူတို့ဖြတ်သန်းခဲ့ရတဲ့ လမ်းကြောင်းတွေနဲ့ ပတ်သက်တဲ့သတင်းတွေကို အခြားလူကို မျှဝေဖို့ဆန္ဒရှိနေတဲ့အတွက်ကြောင့် သူတို့ပေးမယ့် သတင်းတွေက ကိုယ်ဆုံးဖြတ်ချဖို့အတွက် အထောက်အကူ အများကြီးဖြစ်ပါလိမ့်မယ်။ ဥပမာ အတွေ့အကြုံတွေကို ဖော်ပြပေးလေ့ရှိတဲ့ လူ၅ယောက်လောက်ရှာပါ၊ ပြီးရင် သူတို့ရဲ့ Profile တွေကို သေချာလေ့လာပြီးကိုယ်လေးစားတဲ့တစ်ယောက်ကိုရွေးပြီး သူ့ဆီကို မေးကနေတစ်ဆင့်မိတ်ဆက်စာပေးခြင်းမျိုး သင့်အတွက်အကြံဉာဏ်ပေးဖို့ တောင်းဆိုနိုင်ပါတယ်။

အီးမေးလ်ပို့တဲ့အခါမှာတော့အကြောင်းအရာ တိတိကျကျရှိပြီးကျစ်ကျစ်လျစ်လျစ် လိုတိုရှင်းယဉ်ယဉ်ကျေးကျေးနဲ့ အပြုသဘောအဓိပ္ပာယ်ရတဲ့ စာမျိုးတော့ဖြစ်သင့်ပါတယ်။သင့်ရဲ့ Big List ထဲက သင်စိတ်ဝင်စားတဲ့ အလုပ်မျိုးကို ခုလိုရိုးရိုးရှင်းရှင်းရှိတဲ့ အဆင့်လေးတွေကိုသုံးပြီး သင်နဲ့ကိုက်ညီတဲ့ အလုပ်ကို ရှာနိုင်ပါတယ်။လူတိုင်းတော့ သင့်ကို စာပြန်မှာမဟုတ်ပါဘူး။ ဒါပေမဲ့ သင့်ရဲ့လေ့လာမှုတိုင်း၊ သင့်ရဲ့တိုင်ပင်မှုတိုင်း ကတော့သင့်ကို အလုပ်သစ်ဆီကို နီးစပ်အောင်ခေါ်ဆောင်သွားပါလိမ့်မယ်။ခုလိုရှာဖို့အတွက် သင့်မှာ LinkedInခေခသကညအ တစ်ခုတော့ လိုပါလိမ့်မယ်။ www.linkedin.com မှာ ကိုယ်ပိုင်account တစ်ခုဖွင့်ပြီး ခုပဲအလုပ်ရှာလိုက်ရအောင်။
Ref: LinkedIn.com