မြန်မာမှုနယ်ပယ်တွင် “သ တိမမူ ဂူမမြင်” ဟူသော မြန်မာစကား ပုံတစ်ခုရှိပေသည်။ မေ့လျော့ပေါ့ဆ ခြင်းမရှိစေရန် ဆုံးမထားသည့် စကား ပုံပင်ဖြစ်သည်။ လူဟူသည် အတတ် ပညာ၊ အသိပညာအနေဖြင့် မည်မျှ ပင် တတ်မြောက်သော်လည်း တစ်ခါ တစ်ရံတွင် သတိမပြုမိသော အချက် များရှိနေတတ်ပေသည်။ ပညာတတ် များအနေဖြင့် ထိုသို့သတိမပြုမိသဖြင့် အမှားများလည်း ကြုံတွေ့ရတတ်ပေ သည်။ ယခုဆောင်းပါးတွင် ပညာ တတ်များအနေဖြင့် သတိ မပြုမိတတ် သည့် အချက်အချို့ကို လေ့လာတင်ပြ လိုက်ပါသည်။
၁။ မည်မျှပင် ပညာတတ်မြောက် ပြီး၊ ဉာဏ်ရည်မြင့်မားပါစေ လက် တွေ့ လုပ်ဆောင်ချက် မရှိလျှင် မည့်သည့်အရာကိုမျှ အောင်မြင်ပြီး မြောက်အောင် မလုပ်ဆောင်နိုင် ချေ။
ပညာတတ်များအနေဖြင့် လက်တွေ့နှင့်စာတွေ့ကို ပေါင်းစပ် မှုမရှိလျှင် မအောင်မြင်နိုင်ကြောင်းကို သတိပေးထားခြင်း ဖြစ်သည်။ သင်ယူ ထားသည့်ပညာရပ်ကို လက်တွေ့နယ် ပယ်တွင် ပေါင်းစပ်အသုံးမချနိုင်လျှင် ဘွဲ့ဒီဂရီရရှိသူသာ ဖြစ်နေလိမ့်မည်။ အမှန်တကယ် ပညာတတ်မြောက် သူအဖြစ် မခေါ်ဆိုနိုင်ပေ။
၂။ ပျော်ရွှင်မှုနှင့် အောင်မြင်မှု သည် တစ်သီးတစ်ခြားစီရှိနေသော အရာများသာ ဖြစ်သည်။
ပညာတတ်များအနေဖြင့် သတိပြုသင့်သည်မှာ လူ့ဘ၀ဟူသည် ပျော်ရွှင်စွာနေတတ်ဖို့လည်း အရေး ကြီးပေသည်။ ပျော်ရွှင်မှုကို ဘ၀ အောင်မြင်မှုနှင့် ဟန်ချက်ညီအောင် ထိန်းထားနိုင်ဖို့ လိုအပ်ပေသည်။ အပျော်လွန်ခြင်းသည် ဘ၀အောင် မြင်မှုကို အဟန့်အတားဖြစ်နိုင်သလို အောင်မြင်မှုနောက်ကို လိုက်လွန်း သဖြင့် ဘ၀ပျော်ရွှင်မှုလည်း ပျောက် ဆုံးတတ်ပေသည်။
၃။ အလွန့်အကျွံ ရွေးချယ်မှုသည် ဆုံးဖြတ်ချက်ချရာတွင် အနှောင့် အယှက် ဖြစ်စေတတ်သည်။
“အတတ်ကြူး အရူးဖြစ်” ဟူသော ဆုံးမစကားအတိုင်း အလုပ် တစ်ခုကို လုပ်ဆောင်ရာ တွင်ဖြစ်စေ၊ ဆုံးဖြတ်ချက်ချမှတ်ရာတွင်ဖြစ်စေ တစ်ဖက်စွန်းရောက် တွေးခေါ်ဆုံး ဖြတ်မှုသည် အောင်မြင်မှုကို အဟန့် အတား ဖြစ်စေနိုင်ကြောင်းကိုလည်း ပညာတတ်များအနေဖြင့် သတိပြုသင့် ပေသည်။ ထို့ကြောင့် တစ်ခါတစ်ရံ တွင် အခွင့်အလမ်းကောင်းကို လက် လွှတ် ဆုံးရှုံးရတတ်ပေသည်။
၎။ လူသားတိုင်းတွင် အောင်မြင်မှု အထွေထွေနှင့် ကျရှုံးမှုအဖုံဖုံ ရှိနေ တတ်သည်။
ဘ၀ဆိုသည်မှာ နိမ့်တုံ/ မြင့်တုံရှိသည့် တရားသဘောကိုလည်း ဆင်ခြင်သတိပြုဖို့လိုပေသည်။ အ ကောင်းဆုံးအတွက် ပြင်ဆင်ထားဖို့ လိုသလို အဆိုးဆုံးဖြစ်လာလျှင်လည်း ရင်ဆိုင်ရဲဖို့လိုအပ်ကြောင်း သတိပြု အပ်ပေသည်။ လူသားတိုင်းအတွက် လောကဓံသည် အကောင်းနှင့်အဆိုး ကို ဒွန်တွဲလျက် ဖန်တီးပေးထားသည်။
၅။ အမှားများမှတစ်ဆင့် တိုးတက် မှု တစ်စုံတစ်ရာကို ရှာဖွေနိုင်ရန် လိုအပ်ပေသည်။
ပညာတတ်များအနေဖြင့် အမှားကိုရင်ဆိုင်ရမှာ စိုးရိမ်လွန်ပြီး တစ်စုံတစ်ရာမပြုမိဘဲ နေခြင်းထက် အမှားများမှလည်း တိုးတက်မှု တစ်စုံ တစ်ရာရရှိနိုင်ကြောင်းကို သတိပြုရန် လိုအပ်ပေသည်။ အမှားပြုလုပ်မိ ခြင်းမှ သင်ခန်းစာယူနိုင်ပြီး ဘ၀ကို အောင်မြင်စွာ တည်ဆောက်နိုင်ဖို့ရာ အရေးကြီးကြောင်းကိုလည်း သတိပြု သင့်ပေသည်။ အမှားပြုလုပ်မိတိုင်း ကျဆုံးမှုကို ရင်ဆိုင်ရမည်ဟု ဧကန် မုချမသတ်မှတ်နိုင်ခြင်းကြောင့် ပင် ဖြစ်သည်။
၆။ မိမိ၏၀ါသနာနှင့် တစ်ထပ် တည်းမကျသည့် အလုပ်များတွင် လည်း အောင်မြင်မှုများ ရှိနေတတ် သည်။
လူသားတိုင်းသည် ၀ါသ နာနှင့်အလုပ်ကို ထပ်တူထပ်မျှရှိခြင်း ကိုသာ မျှော်လင့်ပေလိမ့်မည်။ သို့ သော် ဘ၀ဟူသည် မိမိမျှော်လင့်ထား သကဲ့သို့ ဖြစ်လာလိမ့်မည်ဟု လှေနံ ဓားထစ်မှတ်ယူခြင်းငှာ မဖြစ်နိုင်ပေ တစ်ခါတစ်ရံတွင် လုပ်သလို မဖြစ်သ ဖြင့် ဖြစ်သည့်အရာပေါ်တွင် မှန်ကန် စွာ လုပ်ဆောင်ရင်းဖြင့် အောင်မြင်မှု များ ရရှိတတ်ကြောင်းကို ပညာတတ် များအနေဖြင့် သတိပြုရန် လိုအပ်ပေ သည်။
၇။ ပြဿနာကို ဖန်တီးသူမှာ တစ်ခါတစ်ရံတွင် မိမိကိုယ်တိုင် သာ ဖြစ်တတ်ပေသည်။
ပညာတတ်များအနေဖြင့် တစ်ပါးသူ၏ အမှားကို မြင်လွယ် တွေ့လွယ်သော်လည်း မိမိကိုယ်တိုင်၏ အမှားကို မမြင် တတ်ကြောင်း သတိ ပေးထားခြင်းဖြစ်သည်။ လူသားတိုင်း ၏ ဘ၀အောင်မြင်မှုအတွက် အ ကောင်းဆုံးသော နည်းလမ်းမှာ မိမိ ကိုယ်တိုင်ကို ပထမဦးစွာ ဆန်းစစ်သုံး သပ်ခြင်းဖြစ်ပေသည်။
၈။ ကောင်းမွန်သည့် ဆုံးချက်ကို ချမှတ်နိုင်ရန် စိတ်ခံစားမှုကို ဦးစား မပေးမိရန်သတိပြုဖို့ လိုအပ်ပေ သည်။
မိမိ၏ စိတ်ခံစားမှုကို ဦး စားပေးပြီး ချမှတ်သည့် ဆုံးဖြတ်ချက် သည် မှန်ကန်မှုနှင့်နီးစပ်ဖို့ရာ မဖြစ် နိုင်ပေ။ ကြောင်းကျိုး ဆီလျော်မှုဖြင့် စဉ်းစားဆုံးဖြတ်မှသာလျှင် မှန်ကန် သည့် ဆုံးဖြတ်ချက်ကို ချမှတ်နိုင်ပေ လိမ့်မည်။ စိတ်ခံစားမှုကို ဦးစားပေး လွန်ခြင်းသည် အမှားများပင်ဖြစ် တတ်ကြောင်းကိုလည်း သတိပြုသင့် ပေသည်။
၉။ အခွင့်အလမ်းများကို ဆုပ်ကိုင် နိုင်ဖို့ရာ အဆင်သင့်မဖြစ်သေးဟု ထင်မြင်နေသမျှ အောင်မြင်မှု လမ်းကြောင်းနှင့် ဝေးကွာနေပေ လိမ့်မည်။
အခွင့်အလမ်းရှိသည်ဖြစ်စေ။ မရှိသေး သည်ဖြစ်စေ မိမိတို့အနေဖြင့် ပြုလုပ်ထားရမည့်အရာမှာ ကြိုတင် ပြင်ဆင်ထားခြင်းပင် ဖြစ်သည်။ ကြို တင်ပြင်ဆင်ထားခြင်းဖြင့် မိမိ၏ လက်တစ်ကမ်းတွင်ရှိသော အခွင့် အလမ်းများကို အမိအရဆုပ်ကိုင် နိုင်ပေလိမ့်မည်။ ပညာတတ်များ အနေဖြင့် မိမိသည် အခွင့်အလမ်း ကောင်းများကို အမိအရဆုပ်ကိုင်နိုင် ဖို့ရာ အဆင်သင့်မဖြစ်သေးကြောင်း ရံဖန်ရံခါ ထင်မြင်တတ်ပေသည်။ ထိုသို့ထင်မြင်နေလျှင် အောင်မြင်မှု နှင့် ဝေးကွာနေပေလိမ့်မည်။ ခြေလှမ်း ကိုရဲဝံ့စွာဖြင့် ရှေ့သို့ တစ်လှမ်းတိုး ခြင်းသည်သာ အောင်မြင်မှု၏ လမ်းစ ကို ရောက်ရှိခြင်းဖြစ်သည်။
ပညာတတ်များ အနေဖြင့် အထက်ပါအချက်များကို မမေ့မ လျော့ သတိပြုရန်လိုအပ်ပေသည်။ မိမိတို့သင်ယူထားသည့် အတတ် ပညာနှင့် အသိပညာများကို အစွန်း မရောက်ဘဲ အလယ်အလတ် လမ်း စဉ်ဖြင့်ဘ၀ကို လျှောက်လှမ်းနိုင်ပြီး အားနည်းချက်များကို ပြင်ဆင်ကာ အောင်မြင်မှုပန်းတိုင်ကို ဆုပ်ကိုင် နိုင်ပါစေဟု ဆန္ဒပြုလိုက်ရပါသည်။
လျှံဇွဲကို (စီးပွားရေးတက္ကသိုလ်)
No comments:
Post a Comment