ပရော်ဖက်ရှင်နယ်ဆိုတာ--

ကျွန်တော်ဟာ ၀ယ်ပြီးခါစ Levi's ကိုဆွဲပြီး Shopping Mall ထဲကထွက်လာတယ်..။ အပေါက်ဝမှာ
သူငယ်ချင်းတစ်ယောက်ကို စောင့်နေတုန်း professional သူတောင်းစားတစ်ယောက် 
ကျွန်တော့်ကို တွေ့သွားတယ်.။ ကျွန်တော့်ရှေ့မှာ လာရပ်တယ်..။

"ညီလေးရယ်.....သနားပါကွယ်..။ နည်းနည်းလောက် သနားခဲ့ပါ" ကျွန်တော်လည်း ပျင်းပျင်းနဲ့ 
အိပ်ကပ်ထဲက အကြွေစေ့တစ်စေ့ ထုတ်ပေးလိုက်တယ်.။ ပြီးတော့ သူနဲ့ 
စကားပြောဖြစ်သွားတယ်.။အဲဒီသူတောင်းစားက အရမ်းစကားပြောလို့ကောင်းတယ်.။ 
".........ကျွန်တော်က ဒီဘက်တစ်ကြောမှာပဲ တောင်းဖြစ်တယ်.။ သိလား။ ခင်ဗျားကို ကျွန်တော် 
အစောတည်းက တွေ့တယ်။ ဒီShopping Mall မှာ Levi's ၀ယ်တည်းက ပိုက်ဆံမနှမျောဘူးဆိုတာ 
ကျွန်တော်သိတယ်..............."

ကျွန်တော် အရမ်းအံ့သြသွားပြီး ပြောမိတယ်..."ခင်ဗျား နားလည်တာ များသားပဲ.."

"သူတောင်းစား လုပ်တယ်ဆိုတာလဲ၊ သိပ္ပံနည်းကျ လုပ်ရတယ်ဗျ"လို့သူကပြောတယ်..။

ကျွန်တော်ကြောင်သွားတယ်...။ စိတ်ဝင်စားသွားပြီး သူ့ကို "ဘယ်လို သိပ္ပံနည်းကျလဲဗျ၊ 
လုပ်စမ်းပါဦး"လို့ မေးလိုက်တယ်..။

သူက "ကျွန်တော့်မှာ တစ်ခြား သူတောင်းစားနဲ့ မတူတဲ့အချက် ဘာတွေရှိလဲ ခင်ဗျား အရင် ကြည့်ပါဦး" 
လို့ပြန်ပြောတယ်.။

ကျွန်တော် သူ့ကို စေ့စေ့စပ်စပ် အကဲခတ်လိုက်တယ်.။ ဆံပင်တွေ ရှုပ်ပွနေတယ်၊ 
အင်္ကျီအ၀တ်အစားတွေ 
စုတ်ပြတ်နေတယ်.။ အရမ်းပိန်တယ်..။ ဒါပေမယ့် ပေရေမနေဘူး.။

သူကကျွန်တော့်အတွေးတွေကို စကားသံနဲ့ ဖြတ်လိုက်တယ်..။ "လူတွေက သူတောင်းစားဆို 
ရွံကြတယ်ဗျ၊ 
ဒါပေမယ့် ခင်ဗျားကျွန်တော့်ကို မရွံဘူးဆိုတာ ကျွန်တော် ပြောရဲတယ်..။ အဲဒါက ကျွန်တော် 
တစ်ခြားသူတောင်းစားတွေနဲ့ မတူတဲ့အချက်ပဲ..။"

ကျွန်တော် ခေါင်းငြိမ့်ဝန်ခံလိုက်တယ်.။ အဟုတ်ကို ရွံစရာမကောင်းပါဘူး..။ မဟုတ်ရင် ကျွန်တော် 
ဘယ်လိုလုပ် သူတောင်းစား တစ်ယောက်နဲ့ စကားလက်ဆုံကျနေပါ့မလဲ..။

" ကျွန်တော် SWOT (Strengths, Weaknesses, Opportunities and Threats) ခွဲခြမ်းစိတ်ဖြာနည်းကို 
နားလည်တယ်။ ကျွန်တော့်ရဲ့ ပြိုင်ဘက်တွေကြားမှာ ကျွန်တော့်ရဲ့ strength ဟာ 
ရွံစရာကောင်းမနေတာပါ။ Opportunities နဲ့ Threats ကတော့ အပြင်က အခြေအနေတွေပါ။ ဒီမြို့မှာ 
လူဦးရေများတာတို့၊ မြို့ရဲ့ အင်္ဂါရပ်ကို မြှင့်တင်မှာတို့ပေါ့ဗျာ"

"ကျွန်တော် အသေးစိတ်တွက်ချက်ဖူးတယ်ဗျ။ ဒီနေရာမှာ တစ်နေ့ကို 
လူဦးရေ သောင်းဂဏာန်းလောက် ဖြတ်သန်းသွားလာနေတာ.။ ဆင်းရဲတဲ့သူတွေများတယ်။

ဒါပေမယ့် ပိုက်ဆံချမ်းသာတဲ့သူတွေ ပိုများတာပေါ့ဗျာ.. သီအိုရီအရ ပြောရရင် အကယ်၍ ကျွန်တော်ဟာ 
တစ်ရက်ကို လူ၁ယောက်ဆီက တစ်ကျပ်ပဲတောင်းဦးတော့၊ ၁လကို သုံးသိန်းလောက်ဝင်နိုင်တယ်..။ 
ဒါပေမယ့် လူတိုင်းက ပေးမှာမဟုတ်ဘူးလေ၊ ပြီးတော့ ကျွန်တော်လည်းတစ်နေ့တည်းနဲ့ 
လူအဲလောက်အများကြီးဆီက တောင်းဖို့ဆိုတာ မဖြစ်နိုင်ဘူး.။ အဲဒါကြောင့် ကျွန်တော်
ခွဲခြမ်းစိတ်ဖြာရတယ်၊ ဘယ်ဟာတွေကတော့ target customer၊ ဘယ်ဟာတွေကတော့ potential 
customers ဆိုတာပေါ့ဗျာ"

သူက တံတွေးမျိုပြီး ဆက်ပြောပြန်တယ်.."ဒီဘက်ပိုင်းမှာ ကျွန်တော့်ရဲ့ target customers က 
စုစုပေါင်း ဖြတ်သန်းသွားလာနေတဲ့လူအရေအတွက်ရဲ့ ၃၀ရာခိုင်နှုန်းပေါ့..၊ အောင်မြင်နိုင်ခြေက 
၇၀%ရှိတယ်..။ potential customers က ၂၀% ရှိတယ်၊ အောင်မြင်နိုင်ချေက ၅၀%၊ ကျန်တဲ့ 
၅၀%ကတော့ကျွန်တော် လက်လျှော့ဖို့ ရွေးချယ်လိုက်တယ်.။ ကျွန်တော့်မှာ သူတို့နဲ့ ကံစမ်းနေဖို့ 
အချိန်မလောက်လို့""အဲဒါဆို ခင်ဗျားရဲ့ customer ကို ခင်ဗျား ဘယ်လို သတ်မှတ်လဲ" 
ကျွန်တော် မေးလိုက်မိတယ်..။

"အရင်ဆုံး target customer ကို ပြောပြမယ်။ ခင်ဗျားတို့လို လူငယ်တွေပေါ့၊ ၀င်ငွေရှိတယ်.။ 
ရက်ရောတယ်။ ဒါ့အပြင် စုံတွေရောပဲ။ သူတို့က တစ်ဖက်သားရှေ့မှာ မျက်နှာပျက်မခံချင်လို့၊ 
ရက်ရက်ရောရော ပေးတတ်ကြတယ်၊ ဒုတိယအနေနဲ့က တစ်ယောက်တည်းဖြစ်နေတဲ့
မိန်းမလှလေးတွေကို ကျွန်တော်က potential customer လို့ သတ်မှတ်ထားတယ်..။ သူတို့က 
ရှုပ်ရှုပ်ယှက်ယှက်တွေကြောက်တတ်ကြတော့၊ အများအားဖြင့် ပေးတတ်ကြတယ်။ အဲဒီ 
လူအုပ်စု၂မျိုးလုံးကို အသက် ၂၀ကနေ ၃၀ကြားကို ထားတယ်.။ သိပ်အသက်ငယ်ရင်လည်း 
ဝင်ငွေသိပ်မရှိတတ်ကြဘူးလေ။ အသက်အရမ်းကြီးရင်လည်း 
အိမ်ထောင်ကျပြီးလောက်ပြီ။ ငွေရေးကြေးရေး မိန်းမက ထိန်းချုပ်နေပြီ။ အဲလို လူတွေက 
ဘာမှ မျှော်မှန်းစရာ သိပ်မရှိဘူး"

"အဲဒါဆို ခင်ဗျားတစ်နေ့ကို ဘယ်လောက်လောက် ရတတ်သလဲ"ကျွန်တော် မေးလိုက်တယ်.။

"Monday to Friday ကတော့ နည်းနည်း ပါးတယ်ဗျ၊ ဒေါ်လာ၂၀၀လောက်တော့ ရတာပေါ့..။ စနေ၊ 
တနင်္ဂနွေဆိုရင် လေးငါးရာလောက်တော့ ရတာပေါ့ဗျာ"

"အဲလောက်တောင် များများ ရလား"

ကျွန်တော်နည်းနည်း သံသယရှိနေတာ တွေ့တော့ သူက ကျွန်တော့ကို တွက်ပြတယ်..။"ခင်ဗျားတို့လိုပဲ 
ကျွန်တော်လည်း ၁ရက်ကို ၈နာရီ အလုပ်လုပ်တယ်ဗျာ။ မနက် ၁၁နာရီကနေ ည ရနာရီထိ၊ 
စနေ၊တနင်္ဂနွေလည်း မနားဘူး။ ကျွန်တော် တခါတောင်းတဲ့ ကြာချိန်က ၅မိနစ်ပေါ့။ လမ်းလျှောက်ပြီး 
ပစ်မှတ်ရှာတဲ့ အချိန်တွေကို နှုတ်လိုက်ရင်၊ အကြမ်းအားဖြင့် ၁မိနစ်ကို ၁ယောက်၊ဒေါ်လာ ၁ကျပ်နှုန်းနဲ့ရတယ်။ 
၈နာရီဆိုတော့ဒေါ်လာ ၄၈၀ ရတာပေါ့။ ပြီးတော့မှ အောင်မြင်နိုင်ခြေ ၆၀% (၅၀%+၇၀%)/၂ 
နဲ့ မြှောက်လိုက်ရင် ၊ ၃၀၀ နီးပါးလောက်ရတာပေါ့။ customer ကို အမြီးဆွဲပြီး 
တစ်လမ်းလုံး လျှောက်လိုက်နေလို့ လုံးဝမဖြစ်ဘူး၊ ဘာလို့လဲဆိုတော့ သူသာ ပေးချင်ရင် 
အစောတည်းက ပေးပြီးနေပြီလေ။ အဲဒါကြောင့် ဇွတ်လိုက်နေလည်း အောင်မြင်ချင်မှ အောင်မြင်မှာကိုး။ 
အဲဒါကြောင့် အကန့်အသတ်ရှိတဲ့ အချိန်တွေကို မပေးချင်တဲ့ customer ဆီမှာ 
မဖြုန်းပစ်ရဘူး။ နောက်တစ်ယောက် ရှာတာကမှ ဟုတ်သေးတယ်။"

ကောင်းလှချည်လား။ ဒီသူတောင်းစားမခေဘူးပဲ။ ရုပ်နဲ့တောင်မလိုက်ဘူး။

ပြောတဲ့စကားတွေက ၀ါရင့် Marketing Supervisor လားကျနေတာပဲ..။

"ခင်ဗျား ဆက်ပြောပါ။" ကျွန်တော် ပိုစိတ်ဝင်စားလာတယ်..။ ဒီနေ့တော့ ပညာတွေရပြီ..။

"တစ်ချို့က သူတောင်းစားဟာ ကံကိုမှီပြီး စားရတယ်လို့ ပြောကြတယ်။ ကျွန်တော်ကတော့ အဲလို 
မသတ်မှတ်ဘူး။ ဥပမာ ပြောမယ်ဗျာ..။ မိန်းကလေးပစ္စည်းတွေချည်းပဲ ရောင်းတဲ့ဆိုင်ရှေ့မှာ 
အမျိုးသားချောချော၁ယောက်နဲ့၊ ကောင်မလေး ချောချောလေး ၁ယောက်ရပ်နေရင် ဘယ်၁ယောက်ကို 
ခင်ဗျား တောင်းမလဲ။" ကျွန်တော်စဉ်းစားလိုက်ပြီး၊ မသိဘူးလို့ ဖြေလိုက်တယ်..။

"ခင်ဗျား ယောက်ျားလေးကို သွားတောင်းသင့်တယ်.။ ဘေးမှာ မိန်းမချောလေး ရပ်နေတော့၊ 
သူမပေးဘဲ နေရမှာ ရှက်လိမ့်မယ်။ ကောင်မလေးသာ 
သွားတောင်လို့ကတော့ ကြောက်ချင်ယောင်ဆောင်ပြီး ဝေးဝေး ရှောင်သွားလို့ရတာပေါ့။"

"ခင်ဗျားကို နောက်ဥပမာ၁ခု ထပ်ပေးမယ်။ တစ်နေ့က shopping mall ၁ခု ရှေ့မှာ ပစ္စည်းဝယ်ပြီးခါစ 
ထွက်လာတဲ့ အထုပ်တွေနဲ့ မိန်းမငယ် ၁ယောက်ရယ်၊ ရေခဲမုန့်စားနေတဲ့ လူငယ်ပိုင်း စုံတွဲ၁တွဲရယ်၊ 
သပ်သပ်ရပ်ရပ် ၀တ်စားထားတဲ့ laptop အိတ်ဆွဲထားတဲ့ လူငယ်တစ်ယောက်ရယ်ရှိနေတယ်။ ကျွန်တော် 
လူတစ်ယောက်ကို သုံးစက္ကန့်စာလောက်ပဲ အကဲခတ်လိုက်တယ်.။ ပြီးတော့ ကောင်မလေးဆီကို 
သွားတောင်းလိုက်တယ်။ သူက အိတ်ထဲက အကြွေစေ့ ၂စေ့ကို နှိုက်ပေးပြီး ထူးဆန်းတကြီးကျွန်တော့်ကို 
ဘာလိုသူ့မှတောင်းတာလဲလို့ မေးတယ်။ ကျွန်တော်က ဟိုစုံတွဲက ရေခဲမုန့်စားနေကြတာ၊ 
ပိုက်ဆံနှိုက်ဖို့လက်မအားဘူး၊ ဟို ယောက်ျားကတော့ အရာရှိပိုင်း ကုမ္ပဏီ ၀န်ထမ်းဆိုတော့ 
အကြွေမပါလောက်ဘူး၊ မင်းကတော့ ခုမှ ပစ္စည်းဝယ်ပြီးထွက်လာတာဆိုတော့၊ သေချာပေါက် 
အကြွေပါမှာကြောင့်လို့ ပြန်ဖြေလိုက်တယ်.။"

ယုတ္တိရှိသား! ကျွန်တော်နားထောင်လေ စိတ်ဝင်စားလေ ဖြစ်လာတယ်.။

"သိပ္ပံနည်းကျ တောင်းရမယ်။ နေ့တိုင်း ဂုံးတံတားပေါ် သွားထိုင်နေလို့ ဘယ်ဖြစ်ပါ့မလဲ။
ဂုံးတံတားပေါ်က ဖြတ်ကြတဲ့သူတွေက အလျင်စလိုတွေချည်းပဲ။ ဘယ်သူက ဂုံးတံတားပေါ်အားယားယား 
သွားလျှောက်နေမလဲ။ လှေကား တက်လိုက် ဆင်းလိုက်နဲ့ မောကမောသေး၊ ကိုယ့်ကို ကိုယ် ပညာနဲ့ 
တန်ဆာဆင်ထားရမယ်ဗျ၊ ဗဟုသုတလိုက်စားတာ လူတစ်ယောက်ကို ထက်မြက်လာစေတယ်။ 
ထက်မြက်တဲ့သူဟာ အဆက်မပြတ် ဗဟုတ်သုတ ရှာမှီးနေမှ လူတော်ဖြစ်လာမှာပေါ့။၂၁ရာစုမှ 
အလိုအပ်ဆုံးက လူတော်တွေပဲလေဗျာ"

"တစ်ခါက လူတစ်ယောက် ကျွန်တော်ကို ငွေငါးဆယ်ပေးပြီး တိုက်အောက်ကနေ နီရေ လွမ်းလိုက်တာလို့ 
အခါ၁၀၀ သွားအော် ပေးရမတဲ့။ ကျွန်တော် တွက်ကြည့်လိုက်တယ်။ တစ်ခါအော်ရင် 
ငါးစက္ကန့်လောက်အော်ရမယ်။ ကျွန်တော် တစ်ခါတောင်းတာနဲ့ ညီမျှတယ်။ 
ရတာကကျတော့ ပြား၅၀ပဲရတယ်။ အဲဒါနဲ့ ကျွန်တော် ငြင်းလိုက်တယ်။"

"ဒီ စိန်းကျိန့်မြို့မှာ သာမာန် သူတောင်းစားဆိုရင် ၁လကို ဒေါ်လာ၈၀၀/တစ်ထောင် ရအောင် တောင်းနိုင်တယ်။ 
ကံကောင်းရင်တော့ ဒေါ်လာ၂၀၀၀ စွန်းစွန်းရတာပေါ့..။ စိန်းကျိန့် ၁မြို့လုံး သူတောင်းစား အယောက်၁သိန်းမှာ 
၁၀ယောက်လောက်ပဲ ၁လကို ဒေါ်လာ၁သောင်းအထက်ရအောင် တောင်းနိုင်တယ်။ ကျွန်တော်က အဲဒီ 
၁၀ယောက်ထဲက တစ်ယောက်ပဲ..။ ပြီးတော့ ၀င်ငွေက ငြိမ်တယ်။ အများအားဖြင့် အရမ်းကြီး 
အတက်အကျမရှိဘူး။"

မိုက်လှချည်လား။ ကျွန်တော် ဒီသူတောင်းစားကို တော်တော် လေးစားသွားတယ်။

"ကျွန်တော်က ကျွန်တော့်ကို ကျွန်တော် ပျော်ရွှင်တဲ့ သူတောင်းစားလို့ အမြဲပြောတယ်။
အခြားသူတောင်းစားတွေကတော့ ကျွန်တော့်ကို အဲဒါ ပိုက်ဆံများများ 
ဝင်လို့ပျော်တာလို့ ပြောကြတာပေါ့။ 
ကျွန်တော်က သူတို့ကို ပြန်ပြောတယ်။ ခင်ဗျားတို့ မှားနေတယ်။ ကျွန်တော့်မှာ ပျော်ရွှင်တက်ကြွတဲ့ 
စိတ်ရှိနေလို့ ၀င်ငွေများနေတာလို့။"

အပြောကောင်းချက်ဗျာ

"တောင်းတယ်ဆိုတာ ကျွန်တော့်အလုပ်ပဲဗျ။ အဲဒီတော့ အလုပ်ကပေးလာတဲ့ ပျော်ရွှင်မှုလေးတွေကို 
ခံစားတတ်ရတယ်.။ မိုးရွာတဲ့နေ့ လူသွားလူလာနည်းတဲ့အခါ၊ တခြား သူတောင်းစားတွေက 
ညည်းတဲ့သူညည်း အိပ်တဲ့သူ အိပ်နေကြတယ်။ အဲလို လုပ်လို့ လုံးဝမဖြစ်ဘူးဗျ။ စိတ်ထဲကနေ ဒီမြို့ရဲ့ 
အလှကို ခံစားရမယ်..။ ညအလုပ်သိမ်းလို့ အိမ်ပြန်တဲ့အခါ မိန်းမနဲ့ 
ကလေးကို ခေါ်ပြီး ဈေးလေးဘာလေးပတ်၊ အစားလေးဘာလေးစားပေါ့၊ ညရှုခင်းလေးခံစားရင်း 
တစ်မိသားစုလုံး ပျော်ပျော်ပါးပါးပေါ့..။ အဲလိုဆိုရင် ဒီဘ၀ အသက်ရှင်ရတာ 
အဓိပ္ပါယ်မမဲ့တော့ဘူးပေါ့ဗျာ။ 
အကယ်၍များ လုပ်ငန်းတူတွေ့လို့ တစ်ခါတစ်လေလည်း အကြွေလေး ဘာလေး ပစ်ပေးလိုက်တာပေါ့။ 
သူတို့ ပျော်ပျော်ရွှင်ရွှင်နဲ့ ကျေးဇူးတင်စကားပြောရင်း ထွက်သွားတာကို တွေ့တော့လည်း ကိုယ့်ကို 
ကိုယ် ပြန်မြင်နေသလိုပေါ့"

"ခင်ဗျားက မိန်းမနဲ့ ကလေးနဲ့?" ကျွန်တော်အလန့်တကြားမေးလိုက်မိတယ်။ 
လမ်းသွားလမ်းလာတွေတောင် ငဲ့ကြည့်သွားကြတယ်။

"ကျွန်တော်မိန်းမက အိမ်ရှင်မ တာဝန်ကို အပြည့်ယူထားတယ်။ ကလေးက မူလတန်းတက်နေပြီ။ 
ကျွန်တော် ဖူထျန် ရပ်ကွက်ဘက်မှာ တိုက်ခန်းလေးတစ်ခန်း installment နဲ့ ၀ယ်ထားတယ်.။ 
၁၀နှစ်ခွဲပေးရမယ်.။ နောက် ၆နှစ်ဆို ကြေပြီဗျ.။ ကျွန်တော် ကြိုးစားမှဖြစ်မယ်။ ကျွန်တော့သားလေး 
ကြီးလာရင် တက္ကသိုလ်မှာ Marketing Major ယူခိုင်းရမယ်။ ပြီးရင် အဖေ့အမွေဆက်ခံပြီး 
ကျွန်တော့်ထက်သာတဲ့ 
သူတောင်းစားဖြစ်အောင် ကြိုးစားခိုင်းရမယ်.။"

"လွန်ခဲ့တဲ့ ၅နှစ်တုန်းက PROFIBUS ဆိုတဲ့ ကုမ္ပဏီမှာ Market planning လုပ်ခဲ့ဖူးတယ်။ လွန်ခဲ့တဲ့ 
၂နှစ်တုန်းကတော့ Sales Manager အဖြစ် promotion ရတယ်ဗျ။ ၁လကို ဒေါ်လာ၅၀၀၀နဲ့ပေါ့..။

အဲချိန်တုန်းက 
၁သောင်းကျော်တန် Samsung Laptop ၁လုံးကို installment နဲ့ ၀ယ်ခဲ့တယ်။ ၁လကို 
၂၀၀၀သွင်းရတယ်။ သေမလိုရှင်မလိုပဲဗျာ..။ နောက်တော့ ကျွန်တော် စဉ်းစားတယ်။ 
ဒီလိုသာဆက်သွားရင်တော့ ၁သက်လုံး လူမွှေးလူတောင် ပြောင်မှာ မဟုတ်ဘူးလို့။ အဲဒါနဲ့ 
အလုပ်ထွက်လိုက်တာ။ ပြီးတော့ ကျွန်တော်ဒီမြို့ကို ပြောင်းလာပြီး သူတောင်းစားလာလုပ်နေတာ။

ကျွန်တော်က အဆင့်မြင့် သူတောင်းစားတစ်ယောက်ဖြစ်ချင်တာဗျ.. "

သူ့စကားလည်း ဆုံးရော ကျွန်တော် စိတ်လှုပ်ရှားစွာနဲ့ ပြောလိုက်မိတာက..."ကျွန်တော့်ကို 
တပည့်အဖြစ်လက်ခံနိုင်မလားဗျာ...."

Credit to Serein Ma Yu Hninn

လုပ်ပိုင်ခွင့်

လုပ်ပိုင်ခွင့်ဆိုတာ ရောက်ရှိနေတဲ့ခေတ်ကာလ၊ မတူတဲ့အခြေအနေနဲ့ ကွဲပြားတဲ့ရာထူးအဆင့်အတန်းတွေအလိုက်သတ်မှတ်ချက်အမျိုးမျိုးရှိတတ်တယ်။ ပုံသေသတ်မှတ်ထားလို့မရတဲ့အတွက် သက်ဆိုင်ရာ အခန်းကဏ္ဍအလိုက် ကွဲပြားခြားနားနေမှာအမှန်ပဲ။ ဒီနေရာမှာပြောချင်တာက တခြားတခြားသောအသင်းအဖွဲ့တွေထက် ကုမ္ပဏီတွေ၊ လုပ်ငန်းအဖွဲ့အစည်းတွေမှာ လုပ်ကိုင်ဆောင်ရွက်နေကြတဲ့ အလုပ်သမားတွေရဲ့ လုပ်ပိုင်ခွင့်ကို အဓိကပြောချင်တာဖြစ်ပါတယ်။

အဲဒီလုပ်ပိုင်ခွင့်ဆိုတာကလည်း သက်ဆိုင်ရာက ဥပဒေပြဋ္ဌာန်းထားတာမျိုးထက်အလုပ်လုပ်နေတဲ့လုပ်ငန်းအဖွဲ့အစည်းနဲ့အလုပ်လုပ်နေသူအလုပ်သမားတွေရဲ့ကြားကလုပ်ပိုင်ခွင့်လို့ဆိုရင်လည်း မှားမယ်မထင်ပါဘူး။ အဲဒီလုပ်ပိုင်ခွင့်ဟာ ဒီနေ့အထိအပြောင်းမလဲမရှိသေးဘဲ ရှင်သန်နေတဲ့လုပ်ပိုင်ခွင့်လို့ပြောရင်လည်း ရပါလိမ့်မယ်။

 လုပ်ငန်းခွင်များထဲက အဲဒီလုပ်ပိုင်ခွင့်တွေဟာ မဖြစ်မနေတောင်းဆိုထားတာသို့မဟုတ် တာဝန်ရှိသူများကပြဋ္ဌာန်းထားတာထက် ကာယကံရှင်ကိုယ်တိုင်နဲ့ သူလုပ်ကိုင်နေတဲ့ ကုမ္ပဏီအဖွဲ့အစည်းတွေက ကြည်ကြည် ဖြူဖြူပေးအပ်ထားတဲ့ လုပ်ပိုင်ခွင့်တွေပဲဖြစ်ပါတယ်။ ကုမ္ပဏီမှာအလုပ်လုပ်ကိုင်နေတဲ့ဝန်ထမ်းတွေ၊ အလုပ်သမားတွေရဲ့မျှော်မှန်းချက်တွေအပြင် ကုမ္ပဏီရဲ့မျှော်မှန်းချက်တွေကိုလည်း အဲဒီလုပ်ပိုင်ခွင့်တွေက အထောက် အကူပေးနိုင်ပါတယ်။ “ကျွန်းကိုင်းမှီ ကိုင်းကျွန်းမှီ” အခြေအနေမှာနှစ်ဖက်စလုံးရဲ့ ရှေ့ရေးကိုအောင်မြင်အောင် ဆောင်ရွက်ပေးပါလိမ့်မယ်။

 လုပ်ပိုင်ခွင့်တွေနဲ့ပတ်သက်ရင် ဘယ်လုပ်ငန်းခွင်မှာမဆို လေးမျိုးလောက်ရှိတတ်ပါတယ်။ အဲဒီလေးမျိုးဟာ တန်းစီရာမှာ ရှေ့နောက်လွဲချင်လွဲနိုင်ပေမဲ့ အခြေခံကတော့အတူတူပဲဖြစ်ပါလိမ့်မယ်။ ဘယ်ဝန်ထမ်း ဒါမှမဟုတ် ဘယ်အလုပ်သမားမဆိုသူလုပ်ကိုင်နေတဲ့ အလုပ်နဲ့ ပတ်သတ်ရင် တရားမျှတစွာဖြေရှင်းနိုင်ခွင့် ရှိရပါလိမ့်မယ်။ ဒါဟာပထမလုပ်ပိုင်ခွင့်ပါ။ အဲဒီလုပ်ပိုင်ခွင့်ကို သူ့ဘက်ကတောင်းဆိုထားတာရှိနိုင်သလို ကုမ္ပဏီအဖွဲ့အစည်းဖက်ကလည်း ခွင့်ပြုထားပြီးဖြစ်ပါလိမ့်မယ်။

တရားမျှတစွာရင်ဆိုင်ဖြေရှင်းခွင့်ဆိုရာမှာ ဘက်နှစ်ဖက်စလုံးဟာ အဲဒီဝေါဟာရကိုညီညွတ်မျှတစွာသုံးစွဲကြဖို့လိုပါလိမ့်မယ်။ တစ်ဖက်က တရားတယ်လို့ထင်ထားတာတွေဟာ တခြားတစ်ဖက်မှာ တရားမျှတမှု ကင်းမဲ့တဲ့ကိစ္စတွေဖြစ်နေတတ်ပါတယ်။ ကိုယ်ကျိုးစီးပွားကိုလွန်ကဲစွာဖော်ဆောင်တတ်တဲ့ဘက်တစ်ဖက်ကြောင့်ဝိရောဓိနဲ့ ပဋိပက္ခတွေပေါ်လာတတ်တာကို အားလုံးအသိပဲဖြစ်မှာပါ။ ဒါကြောင့် တရားမျှတစွာ ရင်ဆိုင်ဖြေရှင်းခွင့် ဆိုတာဝန်ထမ်း သို့မဟုတ် အလုပ်သမားသာမကအလုပ်ရှင်ဘက်ကလည်း လိုအပ်မှာအမှန်ပဲဖြစ်ပါလိမ့်မယ်။

 ဘယ်သူမဆို ကိုယ့်ရဲ့အလုပ်အကိုင်တည်မြဲဖို့၊ တစ်ဆင့်တိုးရာထူးတာဝန်ကိုထမ်းဆောင်နိုင်ဖို့ ဒီကတစ်ဆင့်သူ့ဘ၀(သူ့မိသားစုရဲ့ဘ၀) ကိုကောင်းမွန်တဲ့အနာဂတ်သစ်ဆီ သယ်ဆောင် သွားနိုင်ဖို့ကြိုးစား ကြစမြဲဖြစ်ပါတယ်။ ဒီအတွက်လိုအပ်တဲ့အခွင့်အလမ်းများဟာလည်း လုပ်ငန်းခွင်မှာရှိနေရပါလိမ့်မယ်။ ဘ၀ရဲ့အခွင့်အလမ်းများဟာလည်း လုပ်ငန်းခွင်မှာရှိနေရပါလိမ့်မယ်။ ဘ၀ရဲ့အခွင့်အလမ်းတွေနဲ့ ပြည့်စုံနေတဲ့ လုပ်ငန်းခွင်တစ်ခုဟာ သူ့အတွက်စဉ်ဆက်မပြတ်လေ့လာသင်ယူကြိုးစားအားထုတ်နိုင်တဲ့ကွင်းတစ်ကွင်းဖြစ်နေပါလိမ့်မယ်။

လုပ်ငန်းခွင်မှာ စဉ်ဆက်မပြတ်လေ့လာသင်ယူခွင့်ရယူတာ၊ ကိုယ့်ကိုယ်ကိုယ်လေ့ကျင့်ပျိုးထောင်နိုင်တာ၊ ကိုယ့်ရဲ့အားထုတ်မှု အရကြီးပွားတိုးတက်ခွင့်ရတာဟာ သူ့ရဲ့လုပ်ပိုင်ခွင့်ကို အပြည့်အ၀ အသုံးပြုနိုင်တာ ပဲဖြစ်ပါတယ်။ သူ့လုပ်ပိုင်ခွင့်ဟာ သူလုပ်ငန်းခွင်ဝင်နေတဲ့သူ့ကုမ္ပဏီကို ထိခိုက်နစ်နာမှုမရှိစေရုံမက သူ့လုပ်ပိုင်ခွင့်ကိုသူယူပြီးလုပ်ကိုင်တာဟာ သက်ဆိုင်ရာလုပ်ငန်းရှင် သို့မဟုတ် ကုမ္ပဏီအတွက် လည်းအကျိုးရှိစေမှာ အမှန်ပဲဖြစ်ပါတယ်။ ဒါကြောင့် လုပ်ငန်းခွင်းအတွင်း စဉ်ဆက်မပြတ်သင်ယူလေ့လာခွင့်နဲ့ ကြိုးပမ်းဆောင်ရွက်ခွင့် ဟာလုပ်ပိုင်ခွင့်အဖြစ် ရိုးရိုးလေး နားလည်နိုင်ပါသည်။

ဒီလိုပဲ ကိုယ့်လုပ်ပိုင်ခွင့်အရ ကိုယ်လုပ်နေကြပေမဲ့ တစ်ခါတစ်ခါမှာတော့ကိုယ့်ကုမ္ပဏီ၊ အဖွဲ့အစည်းရဲ့လုပ်ငန်းရည်မှန်းချက်ကဘာလဲဆိုတာ အသေအချာမသိဘဲရမ်းကြိတ်နေကြရတဲ့အဖြစ်မျိုးတွေရှိတတ်တယ်။ မြင်းစီးပြီးအထီးမှန်းမသိ၊ အမမှန်းမသိကြသလိုပေါ့။ ဒီတော့ ကိုယ့်မိခင်ကုမ္ပဏီရဲ့ရည်မှန်းချက်၊ မျှော်မှန်းချက်တွေကို အရင်ဆုံးသိရှိအောင်ကြိုးစားသင့်တယ်။ အဲဒီလိုသိရှိပါမှလည်း လိုအပ်နေတဲ့ ကွက်လပ်တွေကို အလစ်အဟာမရှိ ကြိုးစားဖြည့်ဆည်းနိုင်ခွင့်နဲ့ အောင်မြင်အောင်လုပ်ဆောင်နိုင်ခွင့်တွေရှိပြီး အဲဒါကိုယုံကြည်ခွင့်လည်းရနိုင်မှာဖြစ်ပါတယ်။ အဲဒါဟာ လုပ်ပိုင်ခွင့်ပဲဖြစ်ပါတယ်။

တတိယလုပ်ပိုင်ခွင့်ရဲ့ အရှင်းလင်းဆုံးအဓိပ္ပာယ်ဖွင့်ဆိုချက်ကတော့ ကိုယ်လုပ်နေတဲ့ အလုပ်ရဲ့ လုပ်ငန်းရည်မှန်းချက်ကို သိရှိနားလည်ပြီး အဲ့ဒီရည်ရွယ်ချက် ပေါက်မြောက်အောင်မြင်အောင် ဆောင်ရွက်ရမယ်ဆိုတဲ့ တာဝန်ကို ယုံကြည်ထက်သန်ခွင့်ပဲ ဖြစ်ပါတယ်။ ဒါဟာ အလုပ်သမားတစ်ဦးရဲ့ဖက်က “လုပ်ပိုင်ခွင့်” ဖြစ်သလို အလုပ်ရှင်ဖက်ကလည်း မိမိအလုပ်သမားများရဲ့အဲဒီလုပ်ပိုင်ခွင့်ကို နားလည်ခွင့်ပြုတာဟာ သူ့ဖက်ကလုပ်ပိုင်ခွင့်ပဲဖြစ်ပါလိမ့်မယ်။

ဘယ်အလုပ်သမားမဆို ဘယ်သူမဆိုကိုယ်လုပ်ကိုင်ဆောင်ရွက်လိုက်တဲ့ အလုပ်တစ်ခုရဲ့ အသီးအပွင့်ကိုမြင်တွေ့လို၊ ရရှိခံစားလိုကြတာဓမ္မတာပါ။ အောင်မြင်မှုပီတိဆိုတာ မနှိုင်းယှဉ်ကောင်းတဲ့အရာပဲဖြစ်ပါတယ်။ အဲ့ဒီတော့ မိမိရဲ့ လုပ်ပိုင်ခွင့်များအရ လုပ်ကိုင်ဆောင်ရွက်ပြီး အောင်မြင်နေတဲ့ အကျိုးရလဒ်ဟာ ထင်သာမြင်သာ သိသာခွင့် ရရှိလိုအပ်ပါတယ်။ အဲဒီလိုသိရှိဖို့အတွက် ကြိုးစားတာဟာ သူတို့ရဲ့လုပ်ပိုင်ခွင့်ပဲဖြစ်ပါတယ်။ ဒီလုပ်ပိုင်ခွင့်ဟာ တရားမျှတတဲ့အတွက် ဘယ်သူ့ကိုမှထိခိုက်နစ်နာစေမယ်မထင်ဘူး။

ဒါပေမဲ့ တစ်ခါတစ်ခါမှာတော့ အဲဒီကိစ္စကိုပဲတွန့်တိုနေတဲ့လုပ်ငန်းရှင်တွေရှိတတ်တယ်။ ဘယ်လောက်လုပ်လို့ဘယ်လောက်ရပြီး ဘယ်လောက်အကျိုးခံစားခွင့်ရှိလိမ့်မယ်ဆိုတာကို လျှို့ဝှက်ထားချင်ကြတယ်။ ဒါဟာ သင့်မသင့်စဉ်းစားဖို့လိုလိမ့်မယ်။ တချို့လုပ်ငန်းအဖွဲ့အစည်းတွေကုမ္ပဏီတွေဟာ စောစောကတင်ပြခဲ့တဲ့လုပ်ပိုင်ခွင့်လေးမျိုးကို မသိဟန်ဆောင်နေတတ်ကြတယ်။ အဲဒီလုပ်ပိုင်ခွင့်တွေဟာဝန်ထမ်းတွေ၊ အလုပ်သမားတွေရဲ့ အကျိုးကိုပဲရှေးရှုပြီး သူတို့အတွက်မပါဘူးလို့ထင်နေတတ်ကြတယ်။

အဲဒီလုပ်ပိုင်ခွင့်တွေပျောက်ကွယ်နေတဲ့အလုပ်ဌာနနဲ့ လုပ်ငန်းခွင်မျိုးမှာဘယ်လိုလူမျိုးမှကြိုးစားပမ်းစားအလုပ်လုပ်ကြမှာမဟုတ်ဘူး။ တန်သလောက်ပဲလုပ်ကြလိမ့်မယ်။ တကယ့်ကိုဘ၀ရဲ့ ရှေ့ရေးကို မျှော်မှန်းချက်ကြီးကြီးနဲ့ တည်ဆောက်လိုတဲ့သူတွေအဖို့ မသင့်တဲ့အရပ်ဖြစ်သွားလိမ့်မယ်။ ဒီတော့ သူတို့ဟာသူတို့ရဲ့လုပ်ပိုင်ခွင့်တွေကိုမှန်မှန်ကန်ကန်ဖြည့်ဆည်းဆောင်ရွက်ပေးမယ့် တခြားနေရာ၊ တခြား လုပ်ငန်းခွင်တွေဆီကို ထွက်သွားကြမှာသေချာတယ်။

HR journal